Números 25:3 - Bible in Tzeltal Bachajón

³ Hich te pueblo la sjoquinic ta sch'uhuntayel te Baal-peor. Tihl hahchel yilimba Jehová yu'un ta stojol Israel.

Bible in Tzeltal de Oxchuc y Tenejapa

³ Jich la yac' sbaic ta xch'uunel te Baal-peor. Jich yu'un te Cajwaltic til jajch'el sc'ajc'al yo'tan ta stojol te lum Israel,

Números 25:3 Referans Kwoze

Oseas 9:10

Hich la jta Israel te bin ut'il mach'a ya sta ts'usub ta jochol taq'uin q'uinal. C'alal la jquil te ame'atatic hich c'ohemic te bin ut'il sahbal sit higuera te nahil sitin. Pero c'alal c'ohtic ta Baal-Peor la sch'ultes sbahic ta stojol te bin q'uexlaltic sba, hich ihlaybil c'ohtic te bin ut'il te diosetic te c'ux ta yo'tanique.

Josué 22:17

¿Yu'un bal ma tic'uc a te mulil ta Peor, te ma to ba pocbilotic yu'un c'alal ora, te ha yu'un tal jmilawal-chamel ta stojol te pueblo yu'un Jehová,

Jeremías 17:4

Ya me xch'ay te bin la jca'bat awich' soc ya cac' smosohinat acontratac ta q'uinal te ma xana'be sba, como ta quilimba atsunoj c'ahc' te spisil ora ya xtihl, xchi te Jehová.

Salmos 90:11

¿Mach'a ya sna'be sba te yip te awilimba? Hich smuc'ul awilimba te bin ut'il ya sc'an yac awich' xi'ele.

Jueces 2:20

Ha yu'un tihl yilimba Jehová ta stojol Israel, hich la yal: Te bin ut'il te pueblo ini yac sc'axuntaybel te c'op jchapoj soc te sme'static, soc te ma ba ya sch'uhumbonic te jc'ope,

Jueces 2:14

Ha yu'un tihl yilimba Jehová ta stojol Israel, hich ac'otic ta sc'ab j'eleq'uetic te talic ta pojbeyel sbiluquic, soc chonticlanotic bahel ta stojol te scontrahic te ayic ta sjoyobal, te ma ba hu'ix yu'unic stsalele.

Números 25:5

Ha yu'un te Moisés la yalbe te juecetic yu'un Israel: Jujutuhlex ya me amilic te mach'atic ay awu'unic te la sjoquinic ta sch'uhuntayel te Baal-peor, xchi.

Números 31:16

Ta scuenta sc'op Balaam la ya'beyic sc'axuntaybe sc'op Jehová te snich'nab Israel te c'oht ta pasel ta Baal-peor, te ha scuentahil tal te jmilawal-chamel ta stojol te pueblo yu'un Jehová.

Jueces 2:11

Ta patil, te snich'nab Israel la spasic te bin chopol ta stojol Jehová, la yac' sbahic ta a'batinel yu'un te baaletic.

Jueces 2:13

La yihquitayic te Jehová, la sch'uhuntayic te Baal soc te Astarot.

Oseas 4:14

Ma ba ya ca'be castigo te awantsil-nich'nabic te c'alal ya yac' sbahic ta antsinel, o te awalibic te c'alal ya xwayic soc yan winiquetic; como ha nix te winiquetic ya xbahtic soc j'antsinel antsetic, soc ya yaq'uic chic'bil mahtaniletic soc chopol antsetic. Ha yu'un ya xyahl te pueblo te mayuc snopojibal yu'unique.