Números 25:11 - Bible in Tzeltal Bachajón

¹¹ Te Finees snich'an Eleazar, te snich'an te sacerdote Aarón, la yac' quehchajuc te quilimba ta stojol te snich'nab Israel, yu'un la yac' ta ilel ta stojolic te xut'et yo'tan te hich nix ay te bin ut'il te xut'et co'tan; ha scuentahil te ma ba jc'axel la jlajin te snich'nab Israel ta scuenta te xut'et co'tan.

Bible in Tzeltal de Oxchuc y Tenejapa

¹¹ —Te Finees la spasix te ya xlamaj te quilimba ta stojol te israeletic, melel toyol yo'tan jich bit'il toyol co'tan jo'on te bit'il jtuquel ayon ta ch'uunele. Ja' me swentail te ma ba la cac' ilinuc co'tan bayal, te jichuque jc'axel la jlajinix.

Números 25:11 Referans Kwoze

Salmos 78:58

La yaq'uic ilinuc Dios yu'un te toyol awilaletic yu'unic, la shahchbeyic xut'et yo'tan yu'un te loc'ombahetic yu'unique.

Deuteronomio 32:21

La yaq'uic xut'etuc co'tan ta scaj te bin ma diosuc, la yaq'uic ilinuc co'tan ta scaj te loc'ombahetic yu'unique. Ha nix ya cac' xut'etuc yo'tanic ta scuenta mach'atic ma pueblohuc, ya cac' ilinuc yo'tanic ta scuenta jun nación te mayuc sp'ijil.

Deuteronomio 32:16

La shachbeyic xut'et yo'tan ta scaj te yantic diosetic; la stijbeyic yilimba yu'un te bintic ilobtic sba.

2 Corintios 11:2

como xut'et co'tan ya ca'iy ta atojolic ta scuenta Dios. Jtuhl nax mach'a la jcac' yiq'uex, ha te Cristo, scuenta yu'un ya caq'uex ta stojol hich te bin ut'il ach'ix te mayuc mulil ta scuenta.

1 Corintios 10:22

¿Ya bal sc'an te ya cac'tic chicnajuc te xut'et yo'tan te Cajwaltique? ¿Yu'un bal c'ax bayel xan quiptic a te bin ut'il ay stuquele?

Sofonías 3:8

Ha yu'un mahliyawonic, xchi te Jehová, te bin c'ahc'alil ya xhahch jchahpanex, como jnopoj te ya jtsob te nacionetic, te ya jtsobticlan ban c'alal cuentahimbilic yu'un ya jmal cohel ta stojolic te quilimba, spisil te sc'ahc'al te quilimbahe; te sc'ahc'al te xut'et co'tan ya slajin spisil te q'uinale.

Sofonías 1:18

Ta sc'ahc'alel yilimba te Jehová ma ba ya xcoltayotic yu'un te plata o te oro yu'unique; ya xlaj spisil te q'uinal ta sc'ahc'al te xut'et yo'tan, como ora nax jc'axel ya slajin spisil te mach'atic nahinemic ta q'uinal.

1 Reyes 14:22

Te Judá chopol bin la spas ta stojol Jehová. C'ax hich ilin yu'un a te Jehová te bin ut'il ilin yu'un smulic te sme'static.

Éxodo 20:5

Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

San Juan 3:36

Te mach'a ya sch'uhun te Nich'anil ay scuxlejal sbahtel q'uinal; yan te mach'a ma sc'an ya sch'uhun te Nich'anil, ma ba ya yil te cuxlejal stuquel, ha ayix ta stojol te yilimba Dios, xchi te Juan.

Nahúm 1:2

Te Jehová, ha Dios te ay xut'et yo'tan soc te ya yac' spacol; te Jehová ya ya'be spacol soc ay bayel yilimba; ya ya'be spacol te mach'atic ya xcontrahinot yu'un soc ya yilintay te scontrataque.

Ezequiel 16:38

Ya jchahpambat hich te bin ut'il ya sc'an j'antsinel-ants soc te mach'a ya smal ch'ich', ya jmalat ta ch'ich' yu'un quilimba soc yu'un xut'et co'tan.

Salmos 106:30

Pero te Finees la stehc'an sba, la spas te bin stojil, hich quehchaj te jmilawal-chamel.

Salmos 106:23

Ha yu'un la yal te Dios te ya slajinlan te manchuc tehc'aj yu'unic ta stojol Dios te Moisés, te tsahbil yu'un, scuenta yu'un ma ba ya xlajinotic yu'un te yilimbahe.

2 Samuel 21:14

La smucbeyic te sbaquelic Saúl soc Jonatán ta smuquenal Cis te stat Saúl ta Zela, ta sq'uinal Benjamín. La spasic spisil te bin pasotic ta mandar yu'un te ajwalil. Ta patil te Dios la sna'be yo'bolil sba te q'uinale.

Josué 24:19

Pero te Josué la yalbe te pueblo: Ma xhu' yac awac' abahic ta a'batinel yu'un te Jehová, como ha ch'ul Dios soc ha Dios te xut'et yo'tan, ma ba ya scuchbeyex atoybahilic soc amulic.

Deuteronomio 29:20

Te Jehová ma ba ya spasbe perdón, ya me xtihl yilimba Jehová soc xut'et yo'tan ta stojol, ya xc'oht ta stojol spisil te bintic chopol halbilix sc'oblal ta hun ini, soc te Jehová ya me stup'be sbihil ta ye'tal ch'ulchan.

Deuteronomio 4:24

como te Jehová te Dios awu'un ha c'ahc' te ya xlajinwan, ha Dios te xut'et yo'tan.

Éxodo 34:14

Ma me xanijan aba ta stojol junuc yan dios, como te Jehová, te ha Xut'et te sbihile, ha Dios te xut'et yo'tan.

Éxodo 22:5

Teme ay mach'a ya ya'be sle swe'el schansbahlam ta aquiltic o ta ts'usubil, teme ya yac' ochel ta sts'usubil yan, ya me sjeltaybe te mero lec bin ya xloc' ta sc'al o ta ts'usubil yu'une.

Números 25:10

Hich te Jehová la yalbe te Moisés:

Josué 22:13

Pero nahil la sticonic bahel te Finees snich'an sacerdote Eleazar ta stojol te sts'umbal Rubén, Gad soc te j'ohlil sts'umbal Manasés ta sq'uinal Galaad,

Salmos 106:31

Hich toj c'oht ta scuenta ta cajalcaj bahel ta spisil ora.