Números 25:1 - Bible in Tzeltal Bachajón

¹ Te Israel c'alal ayic ta Sitim a hahch yic' yantsimbeyic te yantsil-nich'nab moabetic,

Bible in Tzeltal de Oxchuc y Tenejapa

¹ C'alal la snajc'an sbaic israeletic ta Sitim, jajch' sboltes sbaic soc yantsilelic te moabetique,

Números 25:1 Referans Kwoze

1 Corintios 10:8

Soc ma me xca'iytic antsiwej, hich te bin ut'il ay la spasic stuquelic, te ta junax c'ahc'al lajic cha'pic soc swaxaclajunbahc' (23,000) yu'un.

Josué 2:1

Te Josué snich'an Nun muquen la sticon hahchel ta Sitim cheb jtsahtaywanejetic, hich la yalbe: Bahan ilawilic te q'uinal soc te Jericó, xchi. Hich bahtic, ochic ta sna jtuhl j'antsinel-ants Rahab sbihil, tey c'ax ahc'abal yu'unic a.

Números 33:49

Ta slajibal la spas scampamentohic ta sts'ehl te muc'ul-ha' Jordán, c'alal Bet-jesimot ha to ta Abel-sitim, ta spamlej yu'un Moab.

Apocalipsis 2:14

Pero ay bintic ma lecuc co'tan awu'un: ay mach'atic sch'uhunejic te bin la yac' ta nopel Balaam, te la ya'be snop te Balac bin ut'il ya yac' c'ohchinojibal ta stojol te israeletic, ha te ya swe'ic te bin a'bibil ta milbil mahtanil ta stojol lotil diosetic soc te ya ya'iyic antsiwej.

Miqueas 6:5

Pueblohat cu'un, na'a me yo'tic bin la snop te Balac ajwalil yu'un Moab, soc te bin jac'bot yu'un te Balaam snich'an Beor. Na'a me c'alal ayat ta Sitim, c'alal c'axat bahel ta Gilgal, yu'un yac ana'ticlanic te bintic toj la spas te Jehová.

Josué 3:1

Te Josué sab hahch, loc' bahel ta Sitim soc spisil snich'nab Israel, c'ohtic c'alal ta muc'ul-ha' Jordán, tey c'oht spas scampamentohic te c'alal ma to ba sohlic bahel a.

Eclesiastés 7:26

La jta te bin c'ax hich sch'ahal a te bin ut'il te lajele: ha te ants te ha yaquil soc ya xchucawan te yo'tan, soc te ha cadenahetic te sc'abe. Te mach'a tse'el yo'tan Dios yu'un, ma ba ya x'och ta sc'ab stuquel, yan te jmulawil ya me xchucot yu'un.

Éxodo 34:15

Ha yu'un ma me xachap ac'op soc te mach'atic nahinemic tey ta q'uinal, como te c'alal ya yantsin sbahic c'ohem soc te diosetic yu'unic soc te ya ya'beyic milbil smahtan, ya yic'at, soc yac awe' te milbil mahtaniletic ac'bilic yu'unic,

Números 25:17

Contrahina te madianetic, soc milticlana,

Números 31:2

Sutbeya spacol te bin pasbotic te snich'nab Israel yu'un te madianetic; patil ya xchamat, xchi sc'oblal.

Deuteronomio 3:29

Tey hilotic ta spamlej te snuhp'usitayej sba soc Bet-peor.

Deuteronomio 4:3

La awil ta asitic te bin la spas te Jehová yu'un Baal-peor; ha te lajinotic yu'un Jehová te Dios awu'unic spisil te mach'atic ayic ta awohlilic te la st'unic te Baal-Peor.

Deuteronomio 32:38

te la swe'beyic sjuhp'el te milbil mahtaniletic yu'unic, soc te la yuch'beyic te vino yu'un te malbil mahtanil yu'unique? ¡Ac'a hahchuquic, ac'a scoltayex! ¡Ac'a tal scanantayex!

Josué 22:17

¿Yu'un bal ma tic'uc a te mulil ta Peor, te ma to ba pocbilotic yu'un c'alal ora, te ha yu'un tal jmilawal-chamel ta stojol te pueblo yu'un Jehová,

Jeremías 40:11

Ha nix hich spisil te judiohetic te ayic ta Moab, Amón, Edom soc te yantic nacionetic, c'alal la ya'iyic te ay mach'atic ihquitayotic hilel ta Judá yu'un te ajwalil yu'un Babilonia soc te la yac' te ya xcuentahinotic yu'un te Gedalías,

Ezequiel 20:21

Pero te yal-snich'nabic la stoy sbahic ta jtojol; ma ba la st'unic te chahpambil mandariletic cu'un soc ma ba la sch'uhunic spasel te halbil mandariletic cu'un te ha ta scuentahic ya xcuxajic te mach'atic ya sch'uhunique; soc la sbohlobtesbe sc'oblal te sc'ahc'alel cux-o'tan. Ha yu'un la jnop ta co'tan te ya jmal cohel ta stojolic te quilimba, scuenta yu'un hich ya xlahmaj a te sc'ahc'al co'tan ta jochol taquin q'uinal.

Oseas 9:10

Hich la jta Israel te bin ut'il mach'a ya sta ts'usub ta jochol taq'uin q'uinal. C'alal la jquil te ame'atatic hich c'ohemic te bin ut'il sahbal sit higuera te nahil sitin. Pero c'alal c'ohtic ta Baal-Peor la sch'ultes sbahic ta stojol te bin q'uexlaltic sba, hich ihlaybil c'ohtic te bin ut'il te diosetic te c'ux ta yo'tanique.

Éxodo 22:19

Mach'ayuc a te ya scuch sba soc chambahlam, ya me yich' milel.

Números 7:15

jcoht jcolel toro, jcoht tat tuminchij, soc jcoht tat tuminchij te jun ya'bilal, scuenta scohtol chic'bil mahtanil;

2 Reyes 23:7

Soc la sjinticlan te banti la spasbe sbahic mulil te winiquetic ta sna Jehová, ta banti la sjalic paq'uetic yu'un Asera te antsetique.

Salmos 106:28

Jun la yac' sbahic soc te Baal-peor soc la sti'beyic smahtan ti'bal te diosetic te ma cuxuluque.