Números 24:24 - Bible in Tzeltal Bachajón

²⁴ Ya xloc' tal barcohetic ta sti'il mar ta Quitim, ya ya'be swocol te Asiria soc te Heber, pero ha'ic nix jc'axel me ya xlajic, xchi.

Bible in Tzeltal de Oxchuc y Tenejapa

²⁴ Ya xtalic barcoetic ta sti'il mar ta Chipre te ya slajin jilel ta wuyel te Asiria soc te Heber, melel nix a, ya me yich' jinel te Heber —xi'.

Números 24:24 Referans Kwoze

Génesis 10:4

Te snich'nab Javán: ha Elisa, Tarsis, Quitim soc Rodanim.

Daniel 11:30

Como ya xtalic ta contrahinel yu'un barcohetic talemic ta smahlib c'ahc'al, ya xpehc'aj yo'tan yu'un; hich ya suht bahel soc ya st'omtes bahel ta stojol te ch'ul chapbil-c'op te tulan yilimba, soc ya spas te bin ya sc'an te yo'tane. Ya suht xan bahel soc lec yo'tan ta stojol te mach'atic ya yihquitayic hilel te ch'ul chapbil-c'ope.

Números 24:20

Te Balaam la yil te Amalec, hich la yal ta sc'op-jalwanej: Te Amalec ha jolal yu'un te nacionetic, pero ta patil jc'axel jimbil ya xc'oht, xchi.

San Juan 11:48

Teme hich nax ya xhil cu'untic, spisilic ya sch'uhunic, soc hich ya xtal te romanohetic, ya me sjimbotic te ch'ul awilal cu'untic soc te nación cu'untique, xchihic.

San Mateo 24:15

Ha yu'un te bin ora yac awilic ta ch'ul awilal te bin ilobtic sba te ya xjinawan, te la yalbe sc'oblal te jalwanej Daniel, (te mach'a ya yil te hun ini, ac'a me sna'be scuentahil),

Daniel 11:45

Ya spas te nahilpaq'uetic yu'un ajwalil ta ohlil yu'un te mar soc te ch'ul wits te ay yutsilal; pero tey ya xlaj a, mayuc mach'a ya xcoltayot yu'un.

Daniel 10:20

Ha yu'un hich la yalbon: ¿Ya bal ana' bin yu'un te talon ta atojol? Ya sc'an te ya suhtonix bahel ta ya'beyel guerra te príncipal yu'un Persia. C'alal ya xlaj co'tan soc ta guerra, ya xtal te príncipal yu'un Grecia.

Daniel 8:21

Te tat tentsun, ha te ajwalil yu'un Grecia, soc te muc'ul xulubil te ay ta yohlil sti'ba, ha te shahchibal ajwalil.

Daniel 2:45

hich te bin ut'il la awil te t'ohch talel ton ta wits, te mayuc mach'a t'ohchot yu'un, te la swuyticlan te hierro, bronce, chic'bil lum, plata soc te oro. Te muc'ul Dios la ya'be yil te ajwalil te bin ya xc'oht ta pasel ta patil. Smelelil te wayichil soc smelelil te sc'oblale, xchi.

Daniel 2:35

La yich'ic wuyticlanel te hierro, chic'bil lum, bronce, plata soc te oro, hich c'oht te bin ut'il suhlil trigo ta swuyojibal ta yorahil snahtil c'ahc'al, jc'axel lichot bahel ta ic', mayuc bin chican hilel. Pero te ton te la smaj te loc'omba c'atp'uj ta muc'ul wits te la snojes spisil te bahlumilale.

Isaías 23:1

Ha te sc'op jalwanej ta stojol te Tiro: ¡Awetan, barcohetic yu'un Tarsis! como jihnemix te Tiro, mayuquix na o yochibal barcohetic. C'alal ta sq'uinal Chipre halbotic sc'oblal.

Génesis 14:13

Pero ay jtuhl te loc' ta ahnel, c'oht yalbe ya'iy te Abram te hebreo-winic te nahinem ta banti ay te jihte' yu'un Mamre te amorreo-winique. Te Mamre ha yermano sba soc Escol soc Aner, te jun yo'tan sbahic soc Abram.

San Lucas 20:24

A'bonic quil junuc denario. ¿Mach'a sloc'omba soc mach'a sbihil ini? xchi. Ha yu'un César, xchihic.

Números 24:23

C'opoj xan ta sc'op-jalwanej, hich la yal: ¡Ay! ¿Mach'a cuxul ya xhil te c'alal hich ya spas te Diose?

Ezequiel 27:6

Te atijojibaletic awu'un la spasic ta jihte' yu'un Basán; te amahquil la spasic ta taj yu'un te ti'ti'mar yu'un Chipre, soc ch'albil ta marfil.

Isaías 10:5

¡Ay me swocol te Asiria! te xul yu'un quilimba, ay ta sc'ab te nahbate' yu'un te quilimbahe.

Isaías 10:12

Te c'alal pasbilix yu'un Jehová spisil te bin ya spas ta wits Sión soc ta Jerusalén, ya me ya'be castigo te ajwalil yu'un Asiria yu'un te toybahil ta yo'tan soc te stoybahil te site.