Números 24:20 - Bible in Tzeltal Bachajón

²⁰ Te Balaam la yil te Amalec, hich la yal ta sc'op-jalwanej: Te Amalec ha jolal yu'un te nacionetic, pero ta patil jc'axel jimbil ya xc'oht, xchi.

Bible in Tzeltal de Oxchuc y Tenejapa

²⁰ Ta patil te Balaam yac ta yilel la yaiy te sts'umbal Amalec, la yalbey sc'oplal te bila ya xc'ot ta pasel ta stojol: —Te Amalec ja' te jchajp lum te muc' sc'oplale, ja'uc me to jc'axel ya xlaj ta jinel ta spisil —xi'.

Números 24:20 Referans Kwoze

Éxodo 17:14

Te Jehová la yalbe te Moisés: Ts'ihbaya ta hun scuenta sna'ojibal, soc halbeya te Josué te ho'on ya jtup'be spisil sna'ojibal te Amalec ta ye'tal ch'ulchan, xchi.

Ester 9:14

Te ajwalil la yal mandar te hich ya yich' pasele. La yich' halel ta mandar ta Susa, hich la sjihpambeyic sbaq'uetalic te lajuntuhl snich'nab Amán.

Ester 3:1

Ta patil ini, te ajwalil Asuero la stohytesbe ya'tel te Amán snich'an Hamedata, sts'umbal Agag, ha toyol xan c'oht yu'un spisil te príncipaletic te joquimbilic yu'une.

1 Crónicas 4:43

La slajinic te mach'atic hilemic yu'un Amalec, soc tey nahinic c'alal ora.

1 Samuel 30:17

Te David hahch ya'be guerra ta sab ha to c'alal ta tibiltic yu'un schebal c'ahc'al. Mayuc mach'a loc' ta ahnel jtuhluc, ha nax jbahc' (400) ta tuhl colel winiquetic te mohic ta camellohetic soc ahnic bahel.

1 Samuel 30:1

C'alal c'ohtic ta Siclag ta yoxebal c'ahc'al te David soc te swinictac, te mach'atic ayic ta Amalec yochintayejiquix a te Neguev soc te Siclag, la sjiniquix te Siclag soc la ya'beyiquix sc'ahc'al.

1 Samuel 14:48

La stsob soldadohetic, la stsal Amalec, hich la scoltay Israel ta sc'ab te mach'atic yac spojbelic sbiluquic.

Jueces 6:3

Teme ay bin ts'umbil yu'un Israel, mohic tal ta contrahinel yu'un te madianetic, amalequetic soc te mach'atic talemic ta stojol banti ya xloc' tal c'ahc'al.

Éxodo 17:16

yu'un hich la yal: Te bin ut'il la shach sc'ab ta scontrahinel te smuc'ul huctajib Jehová, te Jehová ya ya'be guerra te Amalec ta cajalcaj sts'umbal bahel, xchi.

Éxodo 17:8

Te Amalec tal ya'be guerra te Israel ta Refidim.

Génesis 36:12

Ay yan ants la yic' te Elifaz te snich'an Esaú, Timna sbihil, ha Amalec te yale. Hich ay te yalatac Ada te yihnam Esaú.

Números 24:7

Ya xmal loq'uel ha' ta baldehetic yu'unic, ay bayel ha' yu'un te sts'umbale. Te ajwalil yu'unic c'ax hich sc'oblal a te bin ut'il Agag, ya xmuc'ub sc'oblal te ban c'alal ya xcuentahinwan.

Números 24:19

Ya xloc' jtuhl jtsalaw ta Jacob, ya slajinlan te mach'atic hilemic yu'un te pueblo, xchi.

Números 24:24

Ya xloc' tal barcohetic ta sti'il mar ta Quitim, ya ya'be swocol te Asiria soc te Heber, pero ha'ic nix jc'axel me ya xlajic, xchi.

1 Samuel 15:2

Hich ya yal te Jehová te scuentahinej spisil: Ya ca'be castigo te Amalec yu'un te bin la spasbe te Israel, ha te la smaquic ta be te c'alal yacalic ta talel ta Egipto a.