Números 24:17 - Bible in Tzeltal Bachajón

¹⁷ Ha ya quil, pero ma ta orahuc; ha ya jna'ulan, pero ma nopoluc ay; ya xloc' tal ec' ta Jacob, ya xchicnaj bastón ta yohlil Israel; ya me swuybe sti'ba te Moab, soc ya me slajinlan spisil te sts'umbal Set.

Bible in Tzeltal de Oxchuc y Tenejapa

¹⁷ Ay bila yacon ta yilel te ya xc'ot bael ta pasel, ay bila ya quil ya caiy te c'ubul aye: Ja' jun ec' te ya xloc' tel ta Jacob, ya xjajch' loq'uel tel jtul muc' ajwalil ta yolil Israel. Ja' ya swuybey sjol te sts'umbal Moab, ya swuy spisil sts'umbal Set.

Números 24:17 Referans Kwoze

Apocalipsis 22:16

Ho'on Jesuson, jticonej tal te ch'ul a'bat cu'un scuenta yu'un ya yalbe te iglesiahetic ha'i testigo-c'op ini. Ho'on slohp'on soc sts'umbalon David, ho'on te jsacubel ec', xchi.

Génesis 49:10

Ma ba ya xloc' bahel te bastón ta stojol Judá, ma ba ya xloc' bahel te seña ya'tel ta yohlil te yoc, ha to c'alal ya xtal te mach'a ha yu'un stuquel, te ya xch'uhumbot smandar yu'un te pueblohetique.

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

Apocalipsis 1:7

¡Ilawil! yac ta talel ta tocal; spisilic ya me yilic, soc nix te mach'atic la slowique; soc spisil ta chahp ants-winiquetic ta bahlumilal ya me yoq'uetay sbahic ta scuenta. Lec ay. Hichuc.

2 Pedro 1:19

Ha yu'un chican xan ta lec te ha smelelil te sc'op te jalwanejetique. Lec te yac awich'ic ta cuenta, hich te bin ut'il c'ahc' te yac ta tihlel ta yihc'al q'uinal, ha to c'alal ya sacub q'uinal soc te ya yac' sts'anabul ta awo'tanic te jsacubel ec'.

Zacarías 10:4

Ta Judá ya xloc' tal te ton yu'un xuhc na, te ts'apbil-te' yu'un nahilpac', tey ya xloc' a te t'ihmalte' yu'un guerra, soc spisil te jtsobawetique.

Salmos 45:6

Te amuc'ul-huctajib, Dios cu'un, spisil ora soc sbahtel q'uinal ay; te bastón yu'un ban c'alal cuentahimbil awu'un, ha bastón yu'un te bin stojil ta pasele.

San Lucas 1:78

ta scuenta yutsil sc'uxul yo'tan te Dios cu'untic, te la stahotic c'alal ta toyol ta scuenta te c'ahc'al te loq'uemix tal,

Hebreos 1:8

Pero hich ya yalbe sc'oblal te Nich'anil: Dios, te muc'ul-huctajibal awu'un sbahtel q'uinal ay. Te bastón yu'un te cuentahinel awu'un, ha bastón yu'un bintic toj ta pasel.

Judas 1:11

¡Ay me swocolic! como st'unojic te be yu'un Caín, howiyemic hich te bin ut'il Balaam ta slehel taq'uin te ma stojiluc; pajal lajic soc te toybahil yu'un Coré.

1 Crónicas 18:2

Soc la stsal te Moab, ha a'batetic yu'un c'ohtic, soc la stoj spatanic.

2 Samuel 8:2

Soc la stsal te moabetic. La ya'be slim sbahic ta lum, la sp'is ta lazo. La sp'is cha'p'is yu'un ya yac' ta milel, soc jp'is yu'un cuxul ya xhilic. Hich a'batetic c'oht yu'un David te moabetic, soc la stoj spatanic ta stojol.

Zacarías 12:10

Ya jmal cohel jun espíritu yu'un yutsil-o'tanil soc yu'un sc'oponel Dios ta stojol te sna David soc te mach'atic nahinemic ta Jerusalén. Ya me yilonic, ho'on te la slowonic, ya me smel yo'tanic hich te bin ya smel yo'tanic yu'un hip jtuhl nich'anil te chame, ya me x'oq'uic yu'un hich te bin ya x'oq'uic yu'un te cham ba-nich'anil.

Jeremías 48:45

Ta axinal yu'un Hesbón mayuquix yipic a ya stehc'an sbahic te mach'atic loq'uic ta ahnel; como loc' c'ahc' ta Hesbón, soc yat c'ahc' ta yohlil Sehón; la schic'be yohlil sjol te Moab, soc te sbaquel sjol te mach'atic la shachic te c'opetique.

Isaías 9:7

Te ya xmuc'ub te cuentahinel yu'un soc te lamal q'uinal yu'une, mayuc slajibal ta shuctajib David soc ta ban c'alal scuentahinej; ha ya shach soc ya ya'be yip ta scuenta stojil chahpanel soc toj bin ay ta pasel ta ora ini soc ta sbahtel q'uinal. Ha ya sc'ohtes ta pasel ini te xut'et yo'tan te Jehová te scuentahinej spisil.

Isaías 15:1

Ha te bin halbot sc'oblal te Moab. ¡Ta junax ahc'abal la yich' jinel te Ar ta Moab! ¡La yich' jinel te pueblo Kir ta Moab ta junax ahc'abal!

Salmos 110:2

Te Jehová ya me yac' hahchel bahel ta Sión te bastón awu'un te ay yip. ¡Ya me awa'iy cuentahinwanej ta stojol te acontrataque!

2 Reyes 3:5

Pero te c'alal cham te Acab, te ajwalil yu'un Moab la stoy sba ta stojol te ajwalil yu'un Israel.

1 Samuel 14:38

Ha yu'un la yal te Saúl: La', nohpojanic tal ta apisilic te jtsobawex yu'un soldadohetic, na'a awa'iyic bin mulil la yich'ix pasel.

Números 21:29

¡Ay me awocol, Moab! ¡Ch'ayematix, pueblohat yu'un Quemos! Bahtic ta ahnel te queremetic yu'un, te yantsil-nich'nab bahtic ta chuquel yu'un Sehón ajwalil yu'un amorreohetic.

Hebreos 7:14

Como chican te Cajwaltic ha sts'umbal Judá, te mayuc bin la yal te Moisés te ya yich' ya'tel ta sacerdotehil.

Números 24:16

hich ya yal te mach'a ya ya'iybe sc'op te Diose, te mach'a sna'oj te bin ya sna' te Mach'a toyol ay, te mach'a ya yil te snahalsit te Mach'a spisil ya xhu' yu'un, te mach'a yahlem ta lum, pero jamal te site:

2 Samuel 8:14

La yotses soldadohetic ta scanantayel spisil te sq'uinal Edom, hich spisil te edometic ochic ta cuentahinel yu'un David. Te Jehová la yac' ta tsalaw te David bayuc banti baht.

Jeremías 48:1

Hich ay sc'oblal te Moab. Hich yaloj te Jehová te scuentahinej spisil, te Dios yu'un Israel: ¡Obol sba te Nebo, la yich'ix jinel! ¡Pehc'anot soc tsalot te Quiriataim; te joyob ts'ahc yu'un la yich' pehc'anel soc jinel!