Números 24:14 - Bible in Tzeltal Bachajón

¹⁴ Ha yu'un ya suhtonix bahel ta jlumal. Pero la' me, ya calbat awa'iy bin ya spas te pueblo ini ta stojol te pueblo awu'un ta patilal, xchi.

Bible in Tzeltal de Oxchuc y Tenejapa

¹⁴ Lec ay, ya sujt'onix bael ta jlumal; ja'uc me to, ya to calbat xan jilel te bila ya spas bael ta yan c'aal te lum Israel ta stojol te alumale —xi'.

Números 24:14 Referans Kwoze

Miqueas 6:5

Pueblohat cu'un, na'a me yo'tic bin la snop te Balac ajwalil yu'un Moab, soc te bin jac'bot yu'un te Balaam snich'an Beor. Na'a me c'alal ayat ta Sitim, c'alal c'axat bahel ta Gilgal, yu'un yac ana'ticlanic te bintic toj la spas te Jehová.

Génesis 49:1

Te Jacob la yic'ticlan tal te snich'nab, hich la yalbe: Tsoba abahic, ya calbeyex awa'iyic te bin ya xc'oht ta pasel ta atojolic ta patil bahel:

Apocalipsis 2:14

Pero ay bintic ma lecuc co'tan awu'un: ay mach'atic sch'uhunejic te bin la yac' ta nopel Balaam, te la ya'be snop te Balac bin ut'il ya yac' c'ohchinojibal ta stojol te israeletic, ha te ya swe'ic te bin a'bibil ta milbil mahtanil ta stojol lotil diosetic soc te ya ya'iyic antsiwej.

2 Timoteo 3:1

Soc ya sc'an te yac ana' ini: Ta slajibal c'ahc'al bahel ya xtal yorahil wocol.

Daniel 2:28

Pero ay jtuhl Dios ta ch'ulchan te ya yac' ta na'el te bintic wocol ta na'el, ha la ya'be sna' te ajwalil Nabucodonosor te bin ya xc'oht ta pasel ta patil. Te awayich soc te anahalsit te la awil te c'alal ayat ta awayib, hich ay:

Apocalipsis 2:10

Ma me xiwat yu'un teme ya xc'ax awocol. Ay me ya yotsesex ta cárcel te pucuj scuenta atsajelic; lajuneb c'ahc'al ya me xc'ax awocolic. Junuc me awo'tan ha to c'alal ya xlajat, ya me ca'bat te corona scuenta cuxlejal.

Hechos 2:17

Ta nopol slajibal c'ahc'al, xchi te Diose, ya jmal te Espíritu cu'un ta stojol spisil ants-winiquetic; te ach'ix queremetic awu'unic ya me yalic sc'op-jalwanej; te queremetic awu'unic ay bin ya yilic ta snahalsitic; te mamaletic awu'unic ay bin ya swayichtayic;

Oseas 3:5

Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.

Daniel 10:14

Talemon yu'un ya ca'bat ana' bin ya xc'oht ta pasel ta stojol alumal ta patil bahel, como te nahalsitil ha sc'oblal te yorahil ta patil bahel, xchi.

Jeremías 49:39

Pero ta patil bahel ya cac' te ya suhtic tal te jchuqueletic yu'un Elam, xchi te Jehová.

Jeremías 48:47

Pero ta patil bahel ya cac' suhtuc xan tal te jchuqueletic yu'un Moab, xchi te Jehová. Li' ya xlaj sc'oblal te castigo yu'un Moab.

Isaías 24:22

Ya me yich'ic tsobel hich te bin ut'il ya yich'ic tsobel te jchuqueletic ta hotbil ch'en; tey macal ya xhilic a; c'alal c'axix bayel c'ahc'al a, ya me yich'ic castigo.

Números 24:17

Ha ya quil, pero ma ta orahuc; ha ya jna'ulan, pero ma nopoluc ay; ya xloc' tal ec' ta Jacob, ya xchicnaj bastón ta yohlil Israel; ya me swuybe sti'ba te Moab, soc ya me slajinlan spisil te sts'umbal Set.

Números 24:25

Hich hahch te Balaam, suht bahel ta slumal, soc ha nix hich suht bahel te Balac.

Josué 13:22

Te snich'nab Israel ha nix hich la smilic ta espada te Balaam te jna'ojel, te snich'an Beor.