Números 23:24 - Bible in Tzeltal Bachajón

²⁴ Te pueblo ini, hich ya xhahch te bin ut'il choj, hich ya stehc'an sba te bin ut'il choj. Ma ba ya spahcan sba ha to teme hu' yu'un sti'el te bin stsacoj soc te ya yuch'be sch'ich'el te bin smilticlanej, xchi.

Bible in Tzeltal de Oxchuc y Tenejapa

²⁴ Ja' in lum to ya xwilic jajch'el, jich ya xiwteswanic te bit'il león-choj; ma ba ya xcux yo'tanic ja' to teme ju' yu'un slajinel te bila stsacoje, ja' to teme ju' yu'un yuch'el xch'ich'el te bila lajem yu'une —xi' ta yalel te Balaam.

Números 23:24 Referans Kwoze

Génesis 49:9

Alal chojat, Judá; hahchat loq'uel ta stojol te bin atsacoj, jnich'an. La swuhts'an sba, la spahcan sba hich te bin ut'il choj, hich te bin ut'il yantsilel choj: ¿mach'a ya sc'an ya stij hahchel?

Génesis 49:27

Te Benjamín, ha c'ahc'al ha'mal ts'i'; ta sacubel q'uinal ya sti' te bin tsacbil yu'un, ta tibiltic ya spucticlan te bintic pojbil, xchi te Jacob.

Apocalipsis 5:5

Ay jtuhl te mamaletic la yalbon: Ma x'oc'at, como te Choj yu'un te jchahp yu'un Judá, ha te slohp' David, la ya'iy tsalaw, ya xhu' ya sjam te balbil hun soc te huqueb sellohetic yu'une, xchi.

Zacarías 12:6

Ta hich ora ya cac' te hich ya xc'ohtic te jtsobawetic yu'un Judá te bin ut'il yawil c'ahc' ta yohlil busul si', soc hich te bin ut'il tsumbil c'ahc' ta yohlil tombil trigo. Ya slajinlan ta wa'el soc ta q'uexam spisil te nacionetic ta sjoyobal, pero te mach'atic nahinemic ta Jerusalén ya xnahinic yan buelta ta mero slumalic.

Números 24:17

Ha ya quil, pero ma ta orahuc; ha ya jna'ulan, pero ma nopoluc ay; ya xloc' tal ec' ta Jacob, ya xchicnaj bastón ta yohlil Israel; ya me swuybe sti'ba te Moab, soc ya me slajinlan spisil te sts'umbal Set.

Nahúm 2:11

¿Bin ut'il hil te yawil te chojetic, banti canantaybil te alal chojetic, banti la stsob sbahic te tat choj soc te me' choj, soc te alal chojetic, te mayuc mach'a xiwtesot yu'une?

Amós 3:8

Teme awon te choj ¿mach'a a te ma ba ya xi'e? Teme ay bin ya yal te Jehová ¿mach'a a te ma ba ya yal sc'op-jalwanej?

Daniel 2:44

Te yorahil te ajwaliletic ini te Dios ta ch'ulchan ya me shach jchahp ban c'alal ya scuentahin jtuhl ajwalil te mayuc bin ora ya xlaj, soc ma ba ya x'ac'ot hilel ta sc'ab yan nación; ha ya swuyticlan soc ya slajinlan spisil te jchahp ban c'alal scuentahinejic te ajwaliletic ini, pero sbahtel q'uinal ya xhil stuquel,

Isaías 31:4

Hich la yalbon te Jehová: Hich te bin ut'il choj o tut choj te ya x'awon yu'un te bin stsacoj, ma ba ya xi' te sc'opic tsobol jcanan-tuminchijetic te ya stsob sbahic ta scontrahinel, ma ba ya xnihc yo'tan yu'un, hich te Jehová te scuentahinej spisil ya xco tal ta yaq'uel guerra ta wits Sión soc ta tsehl yu'un.

Proverbios 30:30

ha te choj ay yip ta yohlil spisil te chambahlametic, te mayuc bin ora ya suht ta spat;

Salmos 17:12

Hich ayic te bin ut'il choj te ya sc'an ya stsac swe'el, hich te bin ut'il jcolel choj te ya spahcan sba ta stsaquel swe'el.

Deuteronomio 33:20

Hich la yalbe sc'oblal Gad: ¡Bayel me yutsil te mach'a ya yac' muc'ubuc sq'uinal te Gad! Te Gad pacal hich te bin ut'il muc'ul choj, tulan ya stuch' c'abal soc jolal.

Números 23:25

Ha yu'un te Balac la yalbe te Balaam: Te bin ut'il ma ba la abohlobtesbe sc'oblal, ma me xac'ambe bendición, xchi.

Nahúm 2:12

Te choj bayel swe'el la stsacbe te alal chojetic yu'un, la sbutsticlambe te me' chojetic yu'un, noj ta ti'bal te ch'enetic yu'un, noj ta yelec' te yawilique.

1 Reyes 10:20

Ay lahchaycoht (12) chojetic te cotajtic ta cajalcaj mohel, jujucoht ta jujujehch. Mayuc yan huctajibal te hich yich'oj pasel ta yantic nacionetic.

2 Crónicas 9:18

Te huctajibal ay wac-caj te smohibal soc scajtajib yoc pasbil ta oro te jun ay soc te huctajibal, ay scajtajib sc'ab ta jujujehch, soc cha'coht chojetic ta jujujehch.