Números 23:21 - Bible in Tzeltal Bachajón

²¹ Mayuc mulil yu'un Jacob la yil, mayuc yiloj bin chopol ta Israel. Te Jehová te Dios yu'un, ha sjoquinej, ya yalic te ha ajwalil yu'unic.

Bible in Tzeltal de Oxchuc y Tenejapa

²¹ Ma'yuc mach'a yiloj te ya xlo'laywan soc te ya spas te bila amen te Israel te lum yu'un Jacob. Te Cajwaltic te Dios yu'unique sjoinejic, yacalic ta yalel te ja' muc' ajwalil yu'unique.

Números 23:21 Referans Kwoze

Salmos 23:4

Aunque ya xc'axon ta sjuclej yu'un yaxinal lajel, mayuc bin chopol ya jxi', como ha'at ajoquinejon, te abastón soc te anahbate' ya ya'bonic smuc'ul co'tan.

San Mateo 1:23

Ay jtuhl ach'ix te ya xhahch yal soc ya x'ayin squerem-al, Emanuel sbihil ya xc'oht, te xchihe. (Dios sjoquinejotic, xchi te c'asesbile.)

Jeremías 50:20

Ta hich ora, xchi te Jehová, ya yich' lehel te schopolil te Israel, pero ma ba ya xchicnajix; soc ya yich' lehel te smul te Judá, ma ba ya xtahbot; yu'un ya jpasbe perdón te mach'atic cuxul ya xhilic cu'une.

Isaías 38:17

Yu'un cutsil jlequil te c'ax ta jtojol te bin ch'a. Ta scuenta sc'uxul awo'tan ma ba la awac' te cohon bahel ta xahab yu'un lajel, como la awac' ta apat spisil te jmule.

Salmos 46:11

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

Isaías 33:22

Como ha juez cu'untic te Jehová, ha jpas-ley cu'untic te Jehová, ha Ajwalil cu'untic te Jehová; ha nix ya scoltayotic.

Isaías 8:10

Nopa bin yac apasic, pero ya me yich' jinel; c'opojanic, pero ma ba ya xc'oht ta pasel, como sjoquinejotcotic te Diose.

Isaías 1:18

La'ic, xchi te Jehová, ya jchahpantic te c'op ini: aunque hich amulic te bin ut'il buen tsaj, buen sac ya xhilic hich te bin ut'il me'sic; aunque hich ayic te bin ut'il c'ax tsaj, hich sac ya xc'ohtic te bin ut'il sac stsotsel tuminchij.

Romanos 6:14

Como ma ba ya scuentahinexix te mulil, como ma ba ayex ta scuenta te Ley, ha ayexix ta scuenta te yutsil-o'tanile.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Salmos 118:15

Ay aw yu'un yutsil q'uinal soc yu'un colel ta snahilpac' te mach'atic toj yo'tanic; hich ya yalic: La ya'iy tsalaw te swa'el-c'ab te Jehová.

Salmos 97:1

¡Ha ajwalil te Jehová! ¡Tse'eluc me yo'tan te lumq'uinal! ¡Ayuc me yutsil yo'tanic te ti'ti' mar!

Deuteronomio 33:5

Ay ajwalil ta Jesurún te c'alal la stsob sbahic te jtsobawetic yu'un te pueblo, soc spisil te jchahp yu'un Israel.

Ezequiel 48:35

Ta sjoyobal te muc'ul pueblo ha cha'pic soc ho'bahc' (18,000) xuhc'ubil. Te sbihil te muc'ul pueblo ta hich ora bahel, ha Jehová-sama, xchi te Jehová.

Salmos 103:12

Hich te bin ut'il snamalil yiloj sbahic banti ya xloc' tal c'ahc'al soc te smahlib c'ahc'al, hich la snamijtes bahel te jc'axun-mandar cu'untique.

Salmos 46:7

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

Salmos 32:5

La jcalbat ta jamal te jmule, ma ba la jmuc te bin chopol la jpas. Hich la jcal: Ya me cal ta jamal te jmul ta stojol Jehová, xchihon, hich la apasbon perdón yu'un te jmule. Selah

Salmos 32:2

Bayel me yutsil te mach'a ma ba ya x'a'bot scuch smul yu'un Jehová, soc te mayuc lo'loyel ta yo'tan.

2 Crónicas 13:12

Ilawil, ha jolal cu'uncotic te Diose, soc te sacerdotehetic yu'un ya yoq'uesinic te xulubiletic ta acontrahic. Snich'nabex Israel, ma me xawa'be guerra te Jehová te Dios yu'un te jme'jtatic, como ma ba ya xhu' awu'unic stsalel, xchi.

Jueces 6:13

La sjac' te Gedeón: Ay, cajwal, teme sjoquinejotcotic te Jehová, ¿bin yu'un te hich yac ta c'ohel ta pasel ta jtojolcotic spisil ini? ¿Banti ay spisil te jchahp a'teliletic te la yalbotcotic sc'oblal te jme'jtatcotic, te hich la yalic: Ha la sloq'uesotic tal ta Egipto te Jehová, te xchihique? Pero te Jehová la yihquitayotiquix hilel soc la yac'otiquix ta sc'ab te madianetique, xchi.

Éxodo 34:9

Hich la yal: Cajwal, teme melel lec c'ohemon ta atojol, ac'a sjoquinotcotic bahel te Cajwaltique. Aunque tulan yo'tanic te pueblo ini, pasbotcotic perdón yu'un te jchopolilcotic soc te jmulcotic, soc ic'awotcotic te ha awu'un ya xc'ohotcotique, xchi.

Éxodo 13:21

Te Jehová ha nahilij bahel yu'unic ta c'ahc'alel ta scuenta bahlal tocal yu'un ya stojobtes bahel ta be a, soc ta ahc'abal ta bahlal c'ahc' yu'un la ya'be sacal q'uinal scuenta yu'un hich hu' yu'unic behel ta c'ahc'alel soc ta ahc'abal.

2 Corintios 6:16

¿Bin ut'il te jun ya schap sc'opic te templo yu'un Dios soc te loc'ombahetique? Ha'ex templohex yu'un te cuxul Dios, hich te bin ut'il yaloj te Diose: Ya xnahinon soc ya xbehenon ta yohlilic; ho'on Dioson yu'unic ya xc'ohon, soc ha pueblo cu'un ya xc'ohtic.

2 Corintios 5:19

Como te Dios, ta scuenta Cristo, la yac' te junuc yo'tan sbahic ya xc'oht soc Dios te ants-winiquetic, ma ba ich'bot ta cuenta te smulique, soc la ya'botic ca'teltic ta yalel bin ut'il jun yo'tan sbahic ya xc'ohtic soc Dios.

2 Corintios 2:14

Pero wocol yal Dios, te ha spisil ora ya yac' ca'iytic tsalaw ta scuenta Cristo, soc te ha ta jcuentatic ya yac' ta ilel ta bayuc te sumet yic' yu'un sna'beyel sba.

Romanos 8:1

Ha yu'un te mach'atic ayic ta stojol te Cristo Jesús, ma ba quechelix ta stojel te smulique, ha te mach'atic ma ba ya'telinejic spasel te bin ya sc'an te sbaq'uetalic, ha ya'telinejic spasel te bin ya sc'an te Espíritu,

Isaías 12:6

C'ayojinanic soc awonanic soc yutsil awo'tanic, ha'ex te nahinemex ta Sión, como muc' te Ch'ul Dios yu'un Israel ta awohlilic, xchihat.

Éxodo 3:12

La sjac' te Diose: Ho'on ya joquinat; soc ha seña awu'un ya xc'oht ini te ho'on la jticonat bahel: te c'alal loq'uemix tal awu'un ta Egipto a te pueblo, ya xtal ach'uhuntayonic li' ta wits ini, xchi.

Números 14:18

Te Jehová ma orahuc ya x'ilin soc ay bayel sc'uxul yo'tan, ya spas perdón yu'un mulil soc toybahil, pero xuht' ma xyal te mayuc smul te mach'a ay smul, soc te smul te me'iltatiletic ya yac' c'ohtuc ta stojol te yal-snich'nabic c'alal ta yoxcajal soc schancajal, te xchihate.

Números 14:19

Pasbeya perdón yu'un smulic te pueblo ini ta scuenta te smuc'ul sc'uxul awo'tan, hich te bin ut'il la apasbe perdón te pueblo ini c'alal loq'uic tal ta Egipto c'alal ora, xchi.

Deuteronomio 9:24

Mero toyol awac'oj abahic ta stojol Jehová yalel te c'alal la jna'beyex abahique.

Deuteronomio 31:23

Patil te Jehová hich la spas ta mandar te Josué snich'an Nun: Ac'a me fuersa soc ayuc me yip awo'tan, como ha'at yac awic' ochel te snich'nab Israel tey ta q'uinal te jc'axel la jcalbeyic ta jamal te ya ca'beyique. Ho'on me ya joquinat, xchi sc'oblal.

Deuteronomio 32:5

Pero chopol bin la spasbeyic, ma ha'uquix yal-snich'nab ta scaj te bin chopol spasojic; ha jcaj ts'umbalil te ma ba toj soc chopol yo'tanic.

Levítico 9:24

Loc' tal c'ahc' ta stojol Jehová, la slajin te scohtol chic'bil mahtanil soc te sjuhp'el ayic ta scajtajib ta chiq'uel mahtanil. C'alal hich la yilic spisil te pueblo, awonic soc la squejan sbahic ta lum.

Números 9:22

Teme ya xhil te tocal ta sba te Nahilpac' Templo cheb c'ahc'al, jun u, o jun ha'bil, te c'alal tey ay a te tocal, te snich'nab Israel ya xhilic ta scampamentohic, ma ba ya xhahchic bahel. Pero c'alal ya xhahch bahel te tocal, ha nix hich ya xhahchic bahel.

Números 16:3

La stsob sbahic ta scontrahinel Moisés soc Aarón, hich la yalbeyic: ¡Tic'uquex a te ha'exe! Como ch'uhltesbilic spisil te pueblo, spisilic ch'uhltesbilic, soc ay ta yohlilic te Jehová. ¿Bin yu'un hiche te ha'ex yac atoy abahic ta stojol te pueblo yu'un Jehová? xchihic.

1 Samuel 25:28

Awocoluc pasbeya perdón te a'bat awu'un te bin chopol ini. Jehová ya me ya'be yip te sna te cajwal, yu'un yacat ta spasel te guerra yu'un Jehová, soc ma me ayuc bin chopol ya stahat te jayeb c'ahc'al cuxulat.

Salmos 99:2

Te Jehová muc' sc'oblal ta Sión; toyol ay ta stojol spisil te pueblohetique.

Salmos 135:21

C'alal Sión ac'a yich' halbeyel yutsil sc'oblal te Jehová, te mach'a nahinem ta Jerusalén. ¡Aleluya!

Isaías 33:21

Tey ya ya'botic quiltic yu'el a te Jehová. Ha yawil muc'ul-ha'etic ya xc'oht soc be-ha'etic te muc' sjamalilic, te banti ma ba ya x'och barco te ay stijojbil, soc ma ba ya xc'ax tey a te muc'ul barco.

Joel 2:27

Ya me ana'ic te ayon ta yohlil te Israel, soc te ho'on Jehovahon te Dioson awu'unic, mayuc yan; mayuquix bin ora ya xtahot yu'un q'uexlal te pueblo cu'une.