Números 23:19 - Bible in Tzeltal Bachajón

¹⁹ Te Dios ma hichuc te bin ut'il winic te ya ya'iy lot, soc ma hichuc te bin ut'il snich'an winic te ya suht sc'op. Te bin la yal, ¿ma bal yacuc spas? Teme c'opoj, ¿ma bal yacuc sc'ohtes ta pasel?

Bible in Tzeltal de Oxchuc y Tenejapa

¹⁹ Te Dios ma jichuc te bit'il mach'a ya xlaje: Ma spas lot, ma sujt'es sc'op. Teme ay bila ya yal, ya sc'otes ta pasel. Teme ay bila ya yal ta jamal te ya spase, ya sc'otes ta pasel te sc'ope.

Números 23:19 Referans Kwoze

1 Samuel 15:29

Te mach'a ha Yutsilal te Israel ma sna' lot soc ma patiluc ya sut sc'op, como ma winicuc te patil ya sut te sc'ope, xchi.

Santiago 1:17

Spisil te bin lec a'bibilotic soc spisil lequil mahtanil talem ta toyol, ta stojol te Tatil yu'un sacal q'uinal, te ma xyanij hich te bin ut'il axinal.

Malaquías 3:6

Ho'on, Jehovahon, ma ba ya xyanij co'tan; ha yu'un te ma ba lajemex, ha'ex sts'umbalex Jacob.

Hebreos 6:18

Ha yu'un ta scuenta te cheb ini te ma xyanij sc'oblal, te ma xhu' ya spas lot yu'un te Diose, te ho'otic te jnohpojemotic bahel ta stojol ay bayel yip co'tantic te ya cu'untaytic te smuc'ul-o'tanil te ay ta jtojoltique.

Tito 1:2

te ha ya yac' smuc'ul co'tantic ta smahliyel te cuxlejal scuenta sbahtel q'uinal. Te Dios, te ma xya'iy lot, te c'alal ma to ayuc bintic ay a la yal ta jamal te ya me xchicnaj te cuxlejal ini,

Romanos 11:29

como ma xhu' ta lajimbeyel sc'oblal te mahtaniletic soc te iq'uel yu'un Dios.

San Lucas 21:33

Ya xlaj ch'ulchan soc bahlumilal, pero ma xlaj stuquel te jc'ope.

Habacuc 2:3

Aunque ma to xc'oht ta pasel te nahalsitil, ya xc'oht ta pasel ta mero yorahil, ma ba ya spas lot. Aunque ya xhalaj, mahliya, yu'un ya me xc'oht ta pasel, ma ba ya xhalaj.

Salmos 89:35

Junax buelta caloj ta jamal ta scuenta bin ut'il Ch'ul Dioson jtuquel, ma ba ya jlotiy te David.

Oseas 11:9

Ma ba ya cac' c'ohtuc ta pasel te quilimba, ma ba ya jcha'jin xan te Efraín, como ho'on Dioson, ma winicucon; Ch'ul Dioson ta awohlilic, ma ba ya xtalon soc quilimbam, xchi te Jehová.

Miqueas 7:20

Stalel junuc me awo'tan ta stojol Jacob, soc ya me ac'uxultay te Abraham, hich te bin ut'il la awal ta jamal ta namey ta stojol te me'iltatiletic cu'uncotique.

1 Crónicas 17:17

Soc xan, Dios, jteb nax la awa'iy ini; ha la awalbe te a'bat awu'un bin ya xc'oht ta pasel ta patil ta stojol te cajalcaj sts'umbal, soc mero lecon ta winiquil la awilon, Jehová Dios.

Romanos 9:6

Ma yu'unuc te ma ba c'oht ta pasel te bin la yal te Diose, como ma spisiluc israeletic te mach'a sts'umbal Israel;

2 Timoteo 2:13

teme ma junuc co'tantic, stalel jun yo'tan stuquel, como ma xhu' ya smuc sba ta yo'tan stuquel.

Hebreos 7:21

pero te Jesús la yich' ya'tel ta sacerdote ta scuenta te bin la yich' halel ta jamal, te c'alal hich halbot: Jamal yaloj te Cajwaltic, ma ba ya sut sc'op: ha'at sacerdotehat sbahtel q'uinal, hich te bin ut'il te Melquisedec, xchi sc'oblal.

Santiago 4:5

O ¿ya bal acuyic te tojol hich ya yal te Shun Dios: Te espíritu te la yac' ayinuc ta co'tantic, ha bayel xut'et yo'tan, te xchihe?

Génesis 28:15

Ya joquinat, ya jcanantayat bayuc ya xbahat soc ya quic'at suhtel tal li' ta q'uinal ini; ma ba ya jpihtesat ha to c'alal ya xc'oht ta pasel cu'un spisil te bin la jcalbat, xchi.

Números 14:35

Ho'on, Jehovahon, la jcalix. Hich ya jpasbe spisil te pueblo ini te ma lecuc yo'tanic, te jun yac'oj sbahic ta scontrahimbelonique. Li' ta jochol taquin q'uinal ya me xlajic, tey ya xchamic hilel a, xchi.

Números 23:18

Hich te Balaam la yal ta sc'op-jalwanej: Balac, hahchan, a'iya me awa'iy, a'iybon awa'iy jc'op, snich'anat Zipor:

Salmos 89:34

Ma ba ya jlajimbe sc'oblal te chahpambil c'op cu'un, ma ba ya jyanijtes te bin caloje.

Salmos 110:4

Hich yaloj ta jamal te Jehová, ma ba ya suhtes sc'op: Ha'at sacerdotehat sbahtel q'uinal, hich te bin ut'il te Melquisedec, xchi.

Isaías 21:17

Mayuc tsobol te cuxul ya xhil yu'un te mach'atic ay yipic te ya yaq'uic t'ihmalte', te talemic ta Cedar, yu'un hich yaloj te Jehová te Dios yu'un Israel, xchi.

Isaías 31:2

Ha nix hich ay sp'ijil soc ya yac' tal wocol, ma ba ya sut sc'op. Ya xhahch scontrahimbe sna te mach'atic chopolic, soc ya scontrahin te mach'atic ya scoltayic te mach'atic chopol bin ya spasique.

Isaías 40:8

Ya xtaquij te ac soc ya sayub te nichime, yan te sc'op te Dios cu'untic stalel ay sbahtel q'uinal, xchihat.

Isaías 46:11

Ya quic' tal mut c'alal banti ya xloc' tal c'ahc'al, ya quic' tal ta namal jtuhl winic te ya spas te bintic chapal cu'une. Ho'on c'opojon, soc ya jc'ohtes ta pasel; te bin jnopoj, hich ya jpas.

Isaías 55:11

hich ay te jc'op te ya xloc' ta que: ma ba jochol ya suht tal ta jtojol, ha ya spas te bin ya sc'an co'tan, soc ha ya sc'ohtes ta pasel te bin scuentahil te la jticon bahele.

Jeremías 4:28

Ha yu'un ya me smel yo'tan te lumq'uinal, soc te ch'ulchan ta toyol ya me x'ihc'ub, como c'opojemon, la jnopix, ma ba ya jsut te jc'ope, ma ba ya suhton ta jpat.

Daniel 4:28

Ta spisil ini c'oht ta stojol te ajwalil Nabucodonosor:

Génesis 26:3

Nahinan hich te bin ut'il jbehyom li' ta q'uinal ini. Ya joquinat soc ya ca'bat bendición, yu'un ya ca'bat aq'uinalin soc ats'umbal spisil te q'uinal ini, soc ya cac' c'ohtuc ta pasel te bin caloj ta jamal ta stojol te atat Abraham.

Josué 21:45

Mayuc jp'ahluc c'op te yaloj Jehová ta stojol Israel te ma ba c'oht ta pasel; spisil c'oht ta pasel.

1 Samuel 3:12

Ha yorahil a te ya cac' c'ohtuc ta pasel ta stojol Elí spisil te bin la jcalbe sc'oblal te mach'atic ay yu'un, c'alal ta shahchibal ha to ta slajibal.

1 Reyes 14:11

Te mach'a ya xcham yu'un Jeroboam ta pueblo ya xti'otic ta ts'i'; te mach'a ya xcham ta aquiltic ya xti'ot ta mutetic te ya xwihlic ta toyol; como hich yaloj te Jehová, xchi.

2 Reyes 7:2

Te príncipal te banti ya yich' yip sc'ab te ajwalil hich la sjac'be sc'op te winic yu'un Dios: Aunque Jehová ya sjamticlambe te ventanahetic yu'un ch'ulchan, ¿hich bal ya xc'oht ta pasel? xchi. Ya me awil ta asit, pero ma ba yac awe', xchi te Eliseo.

2 Reyes 15:12

Hich c'oht ta pasel a te bin yaloj Jehová ta stojol Jehú, te hich la yalbe: Ta schancajal ats'umbal ya me xhuhcajic ta huctajibal yu'un Israel, xchi.

Salmos 77:9

¿Ch'ay bal ta yo'tan Dios te c'uxultaywanej yu'une? ¿Smacoj bal ta yilimba te sna'el yo'bolil jbahtic? xchihon. Selah

Salmos 132:11

Te Jehová la yal ta jamal ta stojol David, jc'axel yaloj, ma ba ya sut sc'op: