Números 23:16 - Bible in Tzeltal Bachajón

¹⁶ Te Jehová loc' sta sba soc Balaam, la ya'be sna' te bin ya sc'an ya yal, hich la yalbe: Suhtan bahel ta banti ay Balac, hich me xawalbe, xchi.

Bible in Tzeltal de Oxchuc y Tenejapa

¹⁶ Te Cajwaltic loc' sta sba soc Balaam, la yac'bey ta ye te bila ya xc'o yale, soc jich la yalbey: —Sujt'an bael ta bay Balac. Jich nix me xawal loq'uel te bit'il calojbate —xi' te Cajwaltique.

Números 23:16 Referans Kwoze

Números 23:5

Te Jehová la ya'be sc'op ta ye te Balaam, hich la yalbe: Suhtan bahel ta ban ay Balac, ya me awalbe te bin la jcalbat, xchi.

Números 24:1

Te c'alal la yil te Balaam te lec yo'tan Jehová yu'un te ya ya'be bendición te Israel, ma ba la sle jwoyaw, hich te bin ut'il ta shahchibal soc ta schebal buelta, ha la yil bahel ta stojol te jochol taquin q'uinal.

Números 22:35

Te ch'ul a'bat yu'un Jehová la yalbe te Balaam: Bahan soc te winiquetique, pero ha nax me xawal te bin ya calbat, xchi. Hich te Balaam baht soc te príncipaletic yu'un Balac.

Números 22:20

Ta ahc'abal tal Dios ta stojol Balaam, hich la yalbe: Teme talem te winiquetic yu'un ya yic'at bahel, hahchan, bahan soc. Pero ha nax me yac apas te bin ya calbat, xchi sc'oblal.

Números 23:15

Te Balaam la yalbe te Balac: Hilan li' ta banti ay te scohtol chic'bil mahtanil awu'un, ho'on ya xbaht jta jba soc Dios lum ta ine, xchi.

Números 23:17

Hich tal ta banti ay te Balac, tey c'oht sta a ta banti ay te scohtol chic'bil mahtanil yu'un, soc te príncipaletic yu'un Moab. Te Balac la sjoc'oy: ¿Bin la yal te Jehová? xchi.

Deuteronomio 18:18

Ya cac' chicnajuc jalwanej yu'unic ta yohlil te yermanotac, hich te bin ut'il te ha'ate; ya ca'be ta ye te jc'op soc ha ya yalbe ya'iyic spisil te bintic ya calbe.