Números 22:41 - Bible in Tzeltal Bachajón

⁴¹ Ta schebal c'ahc'al te Balac la yic' mohel te Balaam ta Bamot-baal, tey la yil cohel a j'ohlil te pueblo.

Bible in Tzeltal de Oxchuc y Tenejapa

⁴¹ Te Balac, ta sab ba sle te Balaam. La yic' moel ta Bamot-baal, ja' to bay c'alal ya xchicnaj ta spisil scampamento te israeletique.

Números 22:41 Referans Kwoze

Números 23:13

La yal te Balac: Awocoluc, la' joquinawon bahel ta yan lugar te banti ya xhu' yac awil xan; ha nax ya xhu' yac awil te mach'a nopol ayic, ma xhu' yac awil spisilic. Tey to me yac abohlobtesbe sc'oblalic a, xchi.

Jeremías 48:35

Hich ya yal te Jehová: Ya jlajin ta Moab te mach'atic ya yaq'uic chic'bil mahtaniletic ta toyol awilaletic soc te ya schic'beyic pom te diosetic yu'unic, xchi.

2 Crónicas 11:15

Te Jeroboam la sle sacerdotehetic yu'un te toyol awilaletic, yu'un te pucujetic soc yu'un te jcolel torohetic te spasoje.

Deuteronomio 12:2

Te nacionetic te ya xc'oht awu'untaybeyic te sq'uinalic, jc'axel me xalajimbeyic spisil te lugartic banti la sch'uhuntayic te diosetic yu'unic, ta toyol witsiltic, ta tsehltsehltic soc ta ye'tal spisil te'etic te bayel ya'binal.

Números 21:28

Yu'un loc' tal c'ahc' ta Hesbón, loc' tal yat c'ahc' ta pueblo yu'un Sehón, te la slajin te Ar yu'un Moab, te mach'atic ich'bilic ta cuenta ta mohel q'uinal ta Arnón.

Números 22:40

Te Balac la yac' ta milel wacaxetic soc tuminchijetic, la sticonlan ta stojol Balaam soc te príncipaletic te sjoquinej.

Números 23:1

Te Balaam la yalbe te Balac: Pasbon huqueb scajtajib ta chiq'uel mahtaniletic li'i, soc chahpambon huqueb jcolel torohetic soc huqueb tat tuminchijetic, xchi.

Jeremías 19:5

La spasbeyic toyol awilaletic yu'un Baal yu'un ya schiq'uic te snich'nabic scuenta chic'bil mahtaniletic yu'un Baal; te mayuc calbeyej mandar o te la jta ta halel, soc mayuc hich tal ta co'tan.