Números 22:36 - Bible in Tzeltal Bachajón

³⁶ C'alal la ya'iy te Balac te yac ta talel te Balaam, baht sta tal ta pueblo yu'un Moab te ay ta mojon, ha te uc'um Arnón, ta sti'il te sq'uinale.

Bible in Tzeltal de Oxchuc y Tenejapa

³⁶ C'alal la yaiy stojol Balac te julix te Balaam, la yic' ta stojol ta jpam lum yu'un Moab te ay ta bay muc'ja' Arnón, ta sti'il te sq'uinale,

Números 22:36 Referans Kwoze

Hechos 28:15

Te quermanotactic ta Roma la ya'iyic te yacotcotic ta talel, ha yu'un loc' stahotcotic ta be ta Foro yu'un Apio soc ta Tres Tabernas. C'alal hich la yil te Pablo, la yalbe wocol Dios yu'un soc muc'ub q'uinal la ya'iy yu'un.

Jeremías 48:20

Pehc'anotic te Moab como la yich'ix jinel. Oq'uetayahic, awonanic yu'un. Pucahic ta halel ta Arnón te la yich'ix jinel te Moab, xchi te Jehová.

Isaías 16:2

Hich te bin ut'il mutetic te xiwen loq'uel ta spechech, hich ay te yantsil-nich'nab Moab ta tec'o-ha'etic yu'un te muc'ul-ha' Arnón.

Jueces 11:18

Patil te Israel behenic ta jochol taquin q'uinal, la sjoybetayic te sq'uinal Edom soc te sq'uinal Moab, c'axic tal ta stojol banti ya xloc' tal c'ahc'al yu'un te sq'uinal Moab, la spasic campamento ta jehch te uc'um Arnón. Pero ma ba och bahel ta sq'uinal Moab, como ha smojon Moab te uc'um Arnón.

Deuteronomio 3:8

Ta hich ora spisil te q'uinal c'alal ta sjuclej Arnón ha to ta wits Hermón la jquich'betic ta sc'ab te cheb ajwalil amorreohetic te ayic ta stojol sloq'uib c'ahc'al yu'un te muc'ul-ha' Jordán.

Deuteronomio 2:24

Hahchanic, sohlanic bahel ta sjuclej Arnón. Ilawil, la jca'beyex ta ac'abic te Sehón te amorreo-winic, ajwalil yu'un Hesbón, soc te sq'uinale. Hahchanic ta yu'untayel te q'uinal soc a'beyahic guerra.

Éxodo 18:7

Te Moisés baht sta tal te snihal-mamal, la snijan sba ta stojol soc la yuhts'uy. La sjoc'obe sbahic bin yilelic, soc ochic bahel ta nahilpac'.

Génesis 46:29

Te José la yac' ta chahpanel te scarreta, baht sta ta Gosén te Israel te state. C'alal la yil te stat la spet smey, bayel halaj ta oq'uel.

Génesis 18:2

Te Abraham la shach sit, la yil oxtuhl winiquetic te tec'ajtic ta stojol. C'alal la yil, ahnimal loc' bahel ta sti'il snahilpac', baht sta tal, la spahcan sba ta lum,

Génesis 14:17

C'alal suht tal ta stsalel te Quedorlaomer soc te ajwaliletic sjoquinejic, te Abram loc' ta tahel yu'un te ajwalil yu'un Sodoma ta spamlej yu'un Save, ha te Spamlej yu'un te Ajwalil sbihil.

1 Samuel 13:10

Te c'alal lajel to ta yac'bel a te scohtol chic'bil mahtanil, tal te Samuel. Te Saúl loc' bahel ta spatbeyel yo'tan.

Números 22:35

Te ch'ul a'bat yu'un Jehová la yalbe te Balaam: Bahan soc te winiquetique, pero ha nax me xawal te bin ya calbat, xchi. Hich te Balaam baht soc te príncipaletic yu'un Balac.

Números 22:37

Te Balac la yalbe te Balaam: ¿Ma bal lajuc jticonat ta iq'uel tal? ¿Bin yu'un ma ba talat ta jtojol? ¿Ma bal yacuc xhu' cu'un te ya cac'at ta ich'el ta muc'? xchi.