Números 22:32 - Bible in Tzeltal Bachajón

³² Te ch'ul a'bat yu'un Jehová hich la yalbe: ¿Bin yu'un te la amajix oxeb buelta te aburrahe? Ho'on tal jmacat ta be, como te banti yacat ta bahel ma ba lec ya ca'iy.

Bible in Tzeltal de Oxchuc y Tenejapa

³² Ja'uc me to, te ch'ul abat yu'un te Cajwaltic jich la yal: —¿Bistuc la amaj oxeb buelta te aburrae? Jo'on te tal jmacat ta be, melel te yacat ta baele, ma jmulan.

Números 22:32 Referans Kwoze

Hechos 13:10

hich la yalbe: ¡Nojel ta awo'tan lo'loywanej soc spisil bintic chopol, yal-snich'anat pucuj, acontrahinej spisil te bintic stojil ta pasel! ¿Jc'axel bal ma xacom aba ta sjimbeyel te toj be yu'un te Cajwaltique?

Proverbios 28:18

Te mach'a jun yo'tan ya xbehen, ya xcol, yan te mach'a chopol te be yu'une, ya me xyahl cohel.

Números 22:22

Tihl yilimba Dios yu'un te bahte. Te ch'ul a'bat yu'un Jehová la yac' sba ta be scuenta scontrahinel. Te Balaam cajal bahel ta sburra a soc joquinot bahel yu'un cheb a'batetic yu'un.

Proverbios 28:6

Ha lec xan te pobre te lec yo'tan ya xbehen, te bin ut'il te jc'ulej te chopol te be yu'une.

Proverbios 14:2

Te mach'a toj ya xbehen, ya xi' te Jehová, yan te mach'a chopol sbe, ha ya sp'aj.

Miqueas 6:5

Pueblohat cu'un, na'a me yo'tic bin la snop te Balac ajwalil yu'un Moab, soc te bin jac'bot yu'un te Balaam snich'an Beor. Na'a me c'alal ayat ta Sitim, c'alal c'axat bahel ta Gilgal, yu'un yac ana'ticlanic te bintic toj la spas te Jehová.

Jonás 4:11

¿Ma bal yacuc jna'be yo'bolil sbahic te Nínive, te muc'ul pueblo banti c'axem ta ho'lajunpic (120,000) ta tuhl ants-winiquetic te ma sna'ic stsahtayel te swa'el-c'ab soc te sq'uexam-c'ab, soc te ay bayel chambahlametic tey a? xchi.

Salmos 147:9

Ya ya'be swe'el te chambahlametic, soc te yalatac jojetic te c'alal ya x'awonic.

Salmos 145:9

Te Jehová lec bin ya spas ta stojol spisil, soc ya sc'uxultay spisil te bintic spasoje.

Salmos 36:6

Te stojil awo'tan hich c'ohem te bin ut'il te witsiltic yu'un Dios, te chahpanel awu'un hich ay te bin ut'il muc'ul xahab. Ha'at, Jehová, yac acanantay te ants-winiquetic soc te chambahlametique.

Deuteronomio 25:4

Ma me xawa'be sbolsahil sni' te j'a'tel-wacax te c'alal yac ta sp'uyel trigo o cebada.

Deuteronomio 23:4

ta scaj te ma ba loc' ya'beyex we'elil soc ha' ta be c'alal loq'uex tal ta Egipto, soc ta scaj te la stojic te Balaam snich'an Beor, te talem ta Petor ta Mesopotamia, scuenta yu'un ya sbohlobtesbeyex ac'oblalic.

Números 22:35

Te ch'ul a'bat yu'un Jehová la yalbe te Balaam: Bahan soc te winiquetique, pero ha nax me xawal te bin ya calbat, xchi. Hich te Balaam baht soc te príncipaletic yu'un Balac.

Números 22:28

Hich te Jehová la yac' c'opojuc te burra, hich la yalbe te Balaam: ¿Bin jpasbeyejat yu'un te oxeb buelta la amajonix? xchi.

Números 22:20

Ta ahc'abal tal Dios ta stojol Balaam, hich la yalbe: Teme talem te winiquetic yu'un ya yic'at bahel, hahchan, bahan soc. Pero ha nax me yac apas te bin ya calbat, xchi sc'oblal.

Números 22:33

La yilon te burra, hich la sjoybetayon oxeb buelta. Te manchuc la sjoybetayon, la jmilatix te hichuque, soc ha cuxul hil cu'un stuquel te burra, la yut.

Proverbios 16:2

Spisil te behetic yu'un te ants-winiquetic lec c'ohem ta yo'tanic, pero te Jehová ya stsahtay te bin yu'un te hich ya spase.