Números 22:22 - Bible in Tzeltal Bachajón

²² Tihl yilimba Dios yu'un te bahte. Te ch'ul a'bat yu'un Jehová la yac' sba ta be scuenta scontrahinel. Te Balaam cajal bahel ta sburra a soc joquinot bahel yu'un cheb a'batetic yu'un.

Bible in Tzeltal de Oxchuc y Tenejapa

²² Cajal bael ta sburra, soc joinot bael yu'un te cheb abatetic yu'une. Ja'uc me to, te Diose ilin ta stojol, ja' yu'un te bajt'e. Te ch'ul abat yu'un te Cajwaltic, ba smac ta be, swenta yu'un ma xyac' c'axel.

Números 22:22 Referans Kwoze

Números 22:32

Te ch'ul a'bat yu'un Jehová hich la yalbe: ¿Bin yu'un te la amajix oxeb buelta te aburrahe? Ho'on tal jmacat ta be, como te banti yacat ta bahel ma ba lec ya ca'iy.

Éxodo 4:24

Jun buelta c'alal ayic ta be a te Moisés, tahot yu'un Jehová te banti ya xc'ax ahc'abal yu'unic, ya c'an milec yu'un.

Lamentaciones 2:4

La snit te st'ihmalte' hich te bin ut'il contra, chapalix te swa'el sc'ab hich te bin ut'il contra, la sjinticlan spisil te bintic t'ujbil ta ilel. Ta snahilpac' yu'un te yantsil-nich'an Sión la smal cohel yilimba hich te bin ut'il c'ahc'.

Oseas 1:4

Te Oseas hich halbot yu'un te Jehová: A'beya sbihilin Jezreel te alale, como nopol ya ca'be castigo te mach'atic ay yu'un Jehú ta scaj te ch'ich' la yich' malel ta Jezreel, soc ya jlajin te nación Israel.

2 Reyes 10:20

Patil la yal te Jehú: Ch'ultesahic jun c'ahc'al scuenta q'uin yu'un Baal, xchi. Hich la spasic.

Números 22:35

Te ch'ul a'bat yu'un Jehová la yalbe te Balaam: Bahan soc te winiquetique, pero ha nax me xawal te bin ya calbat, xchi. Hich te Balaam baht soc te príncipaletic yu'un Balac.

Éxodo 23:20

Ilawil, ya jticombat ch'ul a'bat cu'un ta atojol yu'un ya scanantayat ta be soc ya yic'at bahel tey ta lugar te ho'on jchahpanej.

Números 22:23

Te burra la yil te ch'ul a'bat yu'un Jehová te ay ta be soc te stsacoj ta sc'ab te espada yu'une, la sjoybetay yu'un, och bahel ta aquiltic. Ha yu'un te Balaam la smaj yu'un ya suht tal ta be.