Números 20:24 - Bible in Tzeltal Bachajón

²⁴ Ya xchamix te Aarón. Ma ba ya x'och bahel tey ta q'uinal la jca'be te snich'nab Israel, como ha'ex la atoy abahic ta sc'axuntayel jmandar ta banti sloq'uib ha' Meriba.

Bible in Tzeltal de Oxchuc y Tenejapa

²⁴ —Te Aarón ya me xlajix. Ma ba ya x'och bael ta bay q'uinal ya cac'bey te israeletic, melel te ja'ex ma la ach'uunbonic jmandal ta sloq'uibja' Meriba.

Números 20:24 Referans Kwoze

Génesis 25:8

Quehchaj yich'bel ic', cham te Abraham, mamalubenix ta lec, bayelix ya'bilal a; la sjoquin ta muquenal te sme'state.

Deuteronomio 32:50

Tey ya xchamat a ta wits te banti ya xmohat bahel, yac atsobix aba soc mach'atic ay awu'un, hich nix te bin ut'il cham te abanquil Aarón ta wits Hor, te baht stsob sba soc mach'atic ay yu'un.

2 Crónicas 34:28

Ya cac' te lamal q'uinal ya xchamat soc yac awich' muquel, ma ba yac awil spisil bintic chopol ya cac' tal ta stojol te lugar ini soc ta stojol te mach'atic nahinemic tey a, xchi. Hich c'oht yalbeyic te ajwalil te suhtib te c'ope.

Números 31:2

Sutbeya spacol te bin pasbotic te snich'nab Israel yu'un te madianetic; patil ya xchamat, xchi sc'oblal.

Números 27:13

Teme la awilixe, ha nix hichat ya xchamat, hich te bin ut'il te abanquil Aarón.

Jueces 2:10

Soc ha nix hich chamic spisil te mach'atic pajal scolelic soc; pero te patil al-nich'anetic ma ba la sna'beyic sba te Jehová soc te bintic la spas ta stojol Israel.

Números 4:27

Ta scuenta smandar te Aarón soc te snich'nab ya spasic spisil ya'telic te snich'nab Gersón, spisil te bintic ya sq'uechic bahel soc te bintic ay ta scuentahic spasel. Ay ta acuentahic yalbeyel te bintic ya spasique.

Génesis 49:33

Te c'alal laj yo'tan te Jacob ta yalbeyel mandar te snich'nab, la smehtsan sba ta swayib, quehchaj yich'bel ic', cham.

Génesis 49:29

Ta patil hich la spasticlan ta mandar: Ya xchamonix. Ya me amuconic ta banti mucul te jme'jtatic ta ch'en te ay ta sq'uinal Efrón te heteo-winic,

Génesis 35:29

Hich quehchaj yich'bel ic' te Isaac, cham, la sjoquin ta muquenal te sme'stat, mamalix, bayel c'ahc'al cuxaj. Mucot yu'un Esaú soc Jacob te snich'nabe.

Génesis 25:17

Te Ismael huclajuneb shucwinic (137) ha'bil cuxaj; hich quehchaj yich'bel ic', cham, la sjoquin ta muquenal te sme'state.

Génesis 15:15

Yan te ha'ate lamal awo'tan a yac atsob aba soc te chawinic ame'atat, mamalatix a yac awich' muquel.

Éxodo 17:7

La ya'be sbihilin Masah soc Meriba te lugar, yu'un tey la yut sbahic a te snich'nab Israel soc la yilbeyic yo'tan te Jehová c'alal la yalic: ¿Ay bal ta cohliltic te Jehová, o ma'uc? te xchihique.

Números 20:5

¿Bin yu'un la aloq'uesotcotic tal ta Egipto yu'un yac awic'otcotic tal li' ta q'uinal te mero ma lecuc? Ma xcol trigo, higuera, ts'usub soc granada; soc mayuc ha' ya cuch'tic, xchihic.

Números 20:26

Cholbeya sc'u' yu'un sacerdotehil te Aarón, ha xawa'be slap te Eleazar te snich'an, como tey ya xcham a te Aarón, xchi.

Deuteronomio 33:8

Hich la yalbe sc'oblal Leví: Te Tumim soc Urim awu'un, ha'ic yu'un te winic te jun yo'tan ta atojol, ha te la apas ta prueba ta Masah, te mach'a la awut aba soc ta ha'etic yu'un Meriba;

Josué 2:9

Ya jna' te Jehová la ya'beyex te q'uinal ini, como tal bayel xiwel ta jtojolcotic awu'unic, soc spisil te yajwal te q'uinal lajemiquix ya ya'iyic yu'un xiwel ta acuentahic.