Números 20:16 - Bible in Tzeltal Bachajón

¹⁶ Ha yu'un awonotcotic ta stojol Jehová, la ya'iy jc'opcotic, la sticon tal jtuhl ch'ul a'bat, la sloq'uesotcotic tal ta Egipto. Yo'tic li' ayotcotic ta Cades, te pueblo ay ta sti'il te aq'uinale.

Bible in Tzeltal de Oxchuc y Tenejapa

¹⁶ Jich yu'un la jc'anbeytic coltayel te Cajwaltique. La yaiybotic stojol, jich la sticun tel jtul ch'ul abat yu'un te la sloq'uesotic tel ta Egipto. Ta ora to li' ayotiquix ta lum Cades ta bay sti'il te aq'uinale.

Números 20:16 Referans Kwoze

Éxodo 14:19

Te ch'ul a'bat yu'un Dios te nahilij bahel ta stojol te campamento yu'un Israel, loc' bahel, baht ta spatic; ha nix hich te bahlal tocal te nahilij bahel ta stojolic, loc' bahel, baht yac' sba ta spatic,

Éxodo 33:2

Ya jticon bahel ta atojol ch'ul a'bat, soc ya jtenticlan loq'uel te cananeo, amorreo, heteo, ferezeo, heveo soc te jebuseo.

Éxodo 23:20

Ilawil, ya jticombat ch'ul a'bat cu'un ta atojol yu'un ya scanantayat ta be soc ya yic'at bahel tey ta lugar te ho'on jchahpanej.

Éxodo 14:10

C'alal nopol ay te faraón, la shach sitic te snich'nab Israel, la yilic te yac ta talel ta spatic te egipciohetique. Ha yu'un bayel xiw yo'tanic yu'un soc tulan la yawtayic te Jehová.

Éxodo 6:5

Soc ca'iybeyejix te yahcanic te snich'nab Israel te ayic ta mosohil yu'un te egipciohetic; soc ay ta co'tan te chapbil-c'op cu'une.

Números 20:15

ha te bin ut'il te jme'jtatcotic cohic bahel ta Egipto, te tey nahinotcotic bayel ha'bil a, pero te egipciohetic la yuts'inotcotic soc te jme'jtatcotique.

Números 21:22

Ya jc'an ya xc'axon bahel ta aq'uinal. Ma ba ya x'ochotcotic bahel ta banti awal-ts'unubiletic o ta ts'usubiletic; ma ba ya jcuch'cotic ha' te ay ta pozohetic. Ya xbehenotcotic bahel ta be yu'un ajwalil, ha to c'alal ya xc'axotcotic bahel ta aq'uinal, xchihic.

Números 33:37

Loq'uic bahel ta Cades, la spas scampamentohic ta wits Hor, ta smojonil sq'uinal Edom.

Josué 15:1

Te q'uinal te c'oht ta scuenta te sts'umbal Judá ta scuenta spasbeyel seña ta na'el, chican te jaychahp ayic, c'oht c'alal ta sti'il Edom, soc yich'oj te jochol taquin q'uinal Zin, ta stojol sur.

Daniel 6:22

Te Dios cu'un la sticon tal ch'ul a'bat yu'un ya smacbe ye te chojetic scuenta yu'un ma ba ya yuts'inonic, como mayuc jmul ta stojol, soc mayuc bin chopol jpasoj ta atojol, ajwalil, xchi.

Deuteronomio 4:34

¿O ay bal yan dios te tal yu'untay jun nación ta yohlil yan nación ta scuenta pruebahetic, señahiletic, jchahp a'teliletic, guerra, ta scuenta yu'el soc sc'ab shachoj, soc te mero xiweltic sba te bin la spas, hich te bin ut'il la spasbeyex ta Egipto te Jehová te Dios awu'unique?

Deuteronomio 4:37

Te bin ut'il c'ux la ya'iy ta yo'tan te ame'atatic, la stsahbe te patil al-nich'anetic yu'unic, la sloq'uesat tal ta Egipto ta scuenta te sjoquinejat soc ta scuenta te smuc'ul yu'el,