Números 20:14 - Bible in Tzeltal Bachajón

¹⁴ C'alal ayic ta Cades te Moisés la sticon bahel winiquetic ta stojol te ajwalil yu'un Edom, hich la yalbe bahel: Hich ya yal te awermano Israel: Ha'at ana'oj spisil te jwocolcotic te c'axemix tal cu'uncotic:

Bible in Tzeltal de Oxchuc y Tenejapa

¹⁴ C'alal ayic ta Cades, te Moisés la sticun bael cha'oxtul ta yich'el bael c'op ta stojol te muc' ajwalil yu'un Edom, jich la yal bael: —Te awermanotac-israeletic la yalic tel: “Te ja'at ya ana' ta lec te jwocoltic c'axemix tel cu'untique.

Números 20:14 Referans Kwoze

Deuteronomio 23:7

Ma me xawihlay te edometic, como awermanotac stuquelic. Ma me xawihlay te egipciohetic, como ha jyanlum ayinat ta sq'uinal.

Malaquías 1:2

C'uxex ta co'tan, xchi te Jehová. Pero yac ajoc'oyic: ¿Bin ut'il c'uxotcotic ta awo'tan? xchihex. Te Esaú ¿ma bal ha'uc sbanquil Jacob? xchi te Jehová; pero c'ux ta co'tan te Jacob

Josué 9:9

Hich la sjaq'uic: Te a'batetic awu'un talemotcotic ta mero namal q'uinal ta scaj te sbihil te Jehová te Dios awu'un como ca'iybeyejcotic sc'oblal, soc spisil te bintic la spas ta Egipto

Éxodo 18:8

Te Moisés la yalbe ya'iy te snihal-mamal spisil te bintic la spas Jehová ta stojol faraón soc te egipciohetic scuenta sc'uxultayel te Israel, soc spisil te swocolic te c'oht ta pasel ta be soc bin ut'il coltayotic yu'un Jehová.

Génesis 25:23

Hich halbot yu'un: Cha'chahp nación ay ta ach'uht, cha'chahp pueblo te ya sjat sbahic c'alal awoloj a; te jchahpe c'ax hich ay yip a te bin ut'il te yane, te banquilal ya x'a'batinot yu'un te ihts'inale, xchi.

Números 13:26

C'ohtic ta stojol te Moisés, Aarón soc spisil te pueblo yu'un te snich'nab Israel ta Cades ta jochol taquin q'uinal Parán. La yalbeyic te Moisés, Aarón soc spisil te pueblo bin la yilic, soc la ya'be yilic te sit ts'unub-awalil yu'un te q'uinale.

Números 20:15

ha te bin ut'il te jme'jtatcotic cohic bahel ta Egipto, te tey nahinotcotic bayel ha'bil a, pero te egipciohetic la yuts'inotcotic soc te jme'jtatcotique.

Números 20:22

Spisil te pueblo Israel loq'uic bahel ta Cades, c'ohtic ta wits Hor.

Josué 2:9

Ya jna' te Jehová la ya'beyex te q'uinal ini, como tal bayel xiwel ta jtojolcotic awu'unic, soc spisil te yajwal te q'uinal lajemiquix ya ya'iyic yu'un xiwel ta acuentahic.

Josué 2:10

Yu'un ca'iyejcotic te Jehová la staquijtes slumil te Mar Rojo ta atojolic te c'alal loq'uex tal ta Egipto, soc te bin la apasbeyic te cheb ajwaliletic yu'un te amorreohetic te ayic ta jehch Jordán, ha te Sehón soc Og, te jc'axel la alajinic.

Josué 9:10

soc spisil te bintic la spasticlambe te cheb ajwaliletic yu'un te amorreohetic ta jehch muc'ul-ha' Jordán ta stojol banti ya xloc' tal c'ahc'al, ha te Sehón ajwalil yu'un Hesbón, soc te Og ajwalil yu'un Basán, te nahin ta Astarot.

Amós 1:11

Hich yaloj te Jehová: Ta scuenta oxchahp mulil yu'un Edom, ta scuenta chanchahp, ma ba ya jcom te castigo yu'une; como la snuts bahel ta espada te yermano, ma ba la yac' ta ilel sc'uxul yo'tan; u'untaybil spisil ora yu'un te sc'ahc'al yo'tan, stalel sq'uejoj yilimba.

Génesis 25:25

Ha tsajal alal te nahil ayin, soc scohtol ay stsotsel hich te bin ut'il nuhcul te ay stsotsele, Esaú sbihil c'oht yu'unic.

Génesis 25:26

Patil ayin te yihts'ine, stsacojbe yit yoc te Esaú, Jacob sbihil c'oht yu'unic. Oxwinic (60) ya'bilal a te Isaac te c'alal alaj te Rebeca.

Génesis 32:29

Halbon ca'iy te abihil, xchi te Jacob. ¿Bin yu'un yac ajoc'obon jbihil? xchi te winique. Tey la ya'be bendición a.