Números 20:10 - Bible in Tzeltal Bachajón

¹⁰ Te Moisés soc Aarón la stsobic tal te pueblo ta stojol te muc'ul ton, soc hich la yal te Moisés: A'iya awa'iyic ta lec, jtoybahetic. ¿Ya bal ac'an ya jloq'uesbeyexcotic ha' ta muc'ul ton ini? la yut.

Bible in Tzeltal de Oxchuc y Tenejapa

¹⁰ Jich te Moisés soc Aarón la stsobic tel te lum ta stojol te muc'ul tone. Te Moisés jich la yalbey: —¡Toybaetic, aiya awaiyic stojol! ¿Yu'un bal ya xju' cu'untic ya jloq'uestic ja' li' ta muc'ul ton te ya cac'beyex awuch'ique? —xi'.

Números 20:10 Referans Kwoze

Santiago 3:2

Jpisiltic bayel buelta ya xjelawotic. Teme ay mach'a ma ba ya xjelaw ta c'op, mero lec c'ohem, ya xhu' yu'un scomel spisil te sbaq'uetale.

Efesios 4:26

Teme ya x'ilinex, ma me xata amulic yu'un; ma me yaleluc stibiltayel yaquex ta ilimba,

San Mateo 5:22

Pero ho'on ya calbeyex, mach'ayuc a te ya yilintay te yermano, ya me x'ich'ot ta c'op yu'un smul; soc mach'ayuc a te hich ya yalbe te yermano: Bohlat, te xchihe, ya me yich' chahpanel ta stojol te Sanedrín. Soc mach'ayuc a te hich ya yalbe te yermano: Sonsohat, te xchihe, quechel ta bahel ta c'ahc' ta infierno.

Deuteronomio 9:24

Mero toyol awac'oj abahic ta stojol Jehová yalel te c'alal la jna'beyex abahique.

Génesis 41:16

Te José hich la sjac'be sc'op te faraón: Te ho'one mayuc bin ya jna'; pero Dios me ya ya'be sna' scuentahil te faraón, xchi.

Génesis 40:8

Hich la yalic: Yu'un la jca'iycotic wayich, pero mayuc mach'a ya sna'be scuentahil, xchihic. Te José la yalbe: ¿Ma bal ha'uc yu'un Dios te ya yac' ta na'beyel scuentahil? Halbonic ca'iy te awayichic, xchi.

1 Corintios 3:7

Ha yu'un ma ha'uc ay sc'oblal te mach'a ya ya'iy ts'umbajel o te mach'a ya ya'be ya'lel, ha ay sc'oblal te Dios te ya yac' ch'ihyuc.

Éxodo 17:6

Tey ya jtehc'an jba ta atojol ta muc'ul ton ta wits Horeb. Ya me amaj te ton, ya xloc' tal ha' tey a te ya yuch' te pueblo, xchi. Hich la spas te Moisés ta stojol te mamaletic yu'un Israel.

Números 20:24

Ya xchamix te Aarón. Ma ba ya x'och bahel tey ta q'uinal la jca'be te snich'nab Israel, como ha'ex la atoy abahic ta sc'axuntayel jmandar ta banti sloq'uib ha' Meriba.

Salmos 78:16

La yac' loc'uc ha' ta muc'ul ton, la yac' cohuc bahel ha' hich te bin ut'il muc'ul-ha'.