Números 2:17 - Bible in Tzeltal Bachajón

¹⁷ Patil ya xbaht te Nahilpac' Templo yu'un tahojibal soc te campamento yu'un te levitahetic ta yohlil te campamentohetique. Te bin ut'il chohlolchohl ay scampamentohic, hich nix ya xbehenic bahel jujuchahp soc te bandera yu'unique.

Bible in Tzeltal de Oxchuc y Tenejapa

¹⁷ “Te levitaetic ya me xbeenic ta yolilal te chanchajp israeletic, yich'ojic me ta beel te Nailpac' te bay ya quich' c'oponele. Ta xchanchajbalic te bit'il ay scampamentoic, jich nix me xmelmon ya xbeenic te bit'il chajbanbil scampamentoic juju-jchajp soc te sbanderaique.

Números 2:17 Referans Kwoze

Números 10:21

Patil hahchic ta behel te coatetic te ya yich'ic bahel te ch'ul biluquetique. Te c'alal ma to xc'ohtic, hu'emix ta tehc'anel a te Nahilpac' Templo.

Números 10:17

C'alal pacticlambilix a te spac'al te Nahilpac' Templo, hahchic ta behel te snich'nabic Gersón soc Merari, la yich'ic bahel.

Colosenses 2:5

Como aunque ma ba joquex, pero joquinejex ta co'tan, soc tse'el co'tan yu'un te buen chapal awu'unic soc te ay yip sch'uhunel awo'tanic ta stojol Cristo.

1 Corintios 14:40

Pero spisil te bintic yac apasic, yich'ojuc scuentahil soc buen chahpambiluc.

Números 3:38

Ta stojol banti ya xloc' tal c'ahc'al yu'un te Nahilpac' Templo, ta stojol te yochibal te Nahilpac' Templo yu'un tahojibal, ya spas scampamentohic te Moisés, Aarón soc snich'nab, te ay ta scuentahic spasel te bin pasel ya sc'an ta ch'ul awilal ta scuenta te snich'nab Israel. Te mach'a yan ya xnohpoj tal, ya me xcham.

Números 2:1

Te Jehová hich la yalbe te Moisés soc Aarón:

Números 2:18

Te bandera yu'un te campamento yu'un Efraín ya xc'oht ta stojol banti ya xmahl c'ahc'al, ta scuenta jujuchahp yu'unic. Te jtsobaw yu'unic, ha te Elisama snich'an Amiud.