Números 19:21 - Bible in Tzeltal Bachajón

²¹ Ha mandar te ma xlaj sc'oblal. Te mach'a ya ya'iy tsihtsinwanej ta ha' scuenta lecubtesel ya me sac' sc'u'. Te mach'a ya spic te ha' scuenta lecubtesel, bohloben sc'oblal ya xhil c'alal ta yihc'ubel q'uinal.

Bible in Tzeltal de Oxchuc y Tenejapa

²¹ Ja' me mandalil cu'un sbajt'el q'uinal. Te mach'a ya yaiy tsijts'anwanej ta ja' yu'un lecubtesel, ya me sac' uuc te sc'u'-spaq'ue. Te mach'a ya spic te ja' yu'un lecubtesel, ma me lecuc sc'oplal ya xjil ja' to c'alal ta yijc'ubel q'uinal.

Números 19:21 Referans Kwoze

Hebreos 10:4

como ma xhu' yu'un sch'ayel mulil te sch'ich'el torohetic soc tat tentsunetic.

Hebreos 9:10

como ha nax sc'oblal we'el-uch'el, te bintic ut'il la spoc sbahic, soc te mandariletic scuenta baq'uet; ha ac'bilic ha to c'alal ya sta yorahil te ya yich' ach'ubtesel te bintic aye.

Hebreos 7:19

(como mayuc bin jc'axel lecub yu'un te Ley), hich chicnaj yan smuc'ul-o'tanil te ha lec xan, te ha ta scuenta te ya xnohpojotic ta stojol te Diose.

Levítico 11:40

Te mach'a ya swe'be te schamen baq'uet ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal; ha nix hich te mach'a ya sloq'ues te bin chamene, ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal.

Levítico 11:25

Mach'ayuc a te ya yich' bahel te schamen baq'uetalic ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal.

Éxodo 27:21

Tey ta Nahilpac' Templo yu'un tahojibal, ta spat te tsalul pac' te ay ta stojol te Testigo-c'op, te Aarón soc te snich'nab ya me scuentahinic schahpanel te c'ahc' ta stojol Jehová ta xtibiltay c'alal ta sab. Ha mandaril te ma xlaj sc'oblal yu'un jujucaj sts'umbal te snich'nab Israel.

Números 19:7

Patil te sacerdote ya sac' sc'u' soc ya x'atin, hich ya xhu' ya x'och bahel ta campamento; bohloben sc'oblal ya xhil te sacerdote c'alal ta yihc'ubel q'uinal.

Números 18:23

Te levitahetic ha nax stuquelic ya spasic te a'tel ta Nahilpac' Templo yu'un tahojibal, soc ha ay ta scuentahic te bin mulil ya xc'oht ta scuentahique. Ha mandaril te ma xlaj sc'oblal yu'un te ats'umbale. Mayuc q'uinal ya yich'ic ta yohlil te snich'nab Israel.

Números 19:8

Ha nix hich te winic te la schic' te wacax, ya me sac' sc'u' soc ya x'atin, soc bohloben sc'oblal ya xhil c'alal ta yihc'ubel q'uinal.

Números 19:10

Te mach'a la sjopbe stanul te wacax, ya me sac' sc'u', soc bohloben sc'oblal ya xhil c'alal ta yihc'ubel q'uinal. Ha mandaril te ma xlaj sc'oblal yu'un te snich'nab Israel soc te jyanlum te nahinem ta yohlilic.