Números 19:20 - Bible in Tzeltal Bachajón

²⁰ Te mach'a bohloben sc'oblal te ma ba la slecubtes sba, ya me yich' loq'uesel ta yohlil te pueblo, yu'un la sbohlobtesbe sc'oblal te ch'ul awilal yu'un Jehová; bohloben me sc'oblal ta scaj te ma ba tsihtsinot ta ha' scuenta lecubtesel.

Bible in Tzeltal de Oxchuc y Tenejapa

²⁰ Teme ay mach'a ma lecuc sc'oplal te ma ba slecubtesej sba, ya me yich' ch'ayel loq'uel ta yolil lum, melel ya sboltesbey sc'oplal te ch'ul awilal yu'un te Cajwaltique. Te bit'il ma ba tsijts'anbil ta ja' swenta lecubtesel, ja' swentail te ma lecuc sc'oplale.

Números 19:20 Referans Kwoze

San Marcos 16:16

Te mach'a ya sch'uhun soc te ya yich' ha', ya me xcol; yan te mach'a ma ba ya sch'uhun, ya me x'a'bot stoj smul.

Números 19:13

Teme ay mach'a ya spic te mach'a chamen, teme ma ba ya slecubtes sba, ya sbohlobtesbe sc'oblal te Nahilpac' yu'un Jehová; ya me yich' loq'uesel ta yohlil Israel. Te bin ut'il ma ba tsihtsinot ta ha' scuenta lecubtesel, bohloben me sc'oblal, ya me xhil ta scuenta te sbohlile.

Génesis 17:14

Yan te mach'a ma ba yich'oj circuncisión ya yich' loq'uesel ta alumal, como la sc'axuntaybon te chapbil-c'op cu'un, xchi.

Apocalipsis 22:11

Te mach'a ma tojuc, ac'a spas xan te bin ma tojuque; te mach'a bohloben, bohloben ac'a hiluc; te mach'a toj yo'tan, ac'a spas xan te bin toj ta pasel; soc te mach'a ch'ultesbil, ch'ultesbil ac'a hiluc.

2 Pedro 3:14

Ha yu'un, quermanotac te c'uxex ta co'tan, te bin ut'il yaquex ta smahliyel ini, o'tantayahic me te hichuc ya stahex a te Dios te mayuc awa'baquilic soc mayuc bin ya stijex ta c'op yu'un, soc te lamaluc q'uinal soc.

Números 15:30

Yan te mach'a snopoj ta yo'tan a ya spas mulil, te mach'a ha nix slumal a o teme jyanlum, ya sbohlobtesbe sc'oblal Jehová, ya me yich' loq'uesel ta yohlil te slumale.

Levítico 15:31

Hich parte yac awaq'uic a te snich'nab Israel yu'un te bin bohloben sc'oblal yu'une, scuenta yu'un ma ba ya xchamic yu'un te bin bohloben sc'oblal te ya sbohlobtesbe sc'oblal a te nahilpac' cu'un te ay ta yohlilique, xchi te Jehová.

Levítico 17:16

Pero teme ma ba ya sac' sc'u' spac' soc ma ba ya x'atin, scuchoj ya xhil te smule, xchi te Jehová.

Éxodo 30:33

Mach'ayuc a te ya spas yan aceite te pajal soc, o teme ya smal mach'ayuc a, ya me yich' loq'uesel ta yohlil te pueblo yu'un, xchi.

Levítico 22:4

Mach'ayuc winiquil te sts'umbal Aarón te yich'oj c'a'el-chamel o ay bin ya xmal loq'uel ta sbaq'uetal, ma me swe' te bin ch'ultesbil ha to c'alal lecubenix a. Te mach'a ya spic te bin chamen, o te winic te mahlem loq'uel snich'an,

Números 9:13

Yan te mach'a lec sc'oblal soc te ma namaluc yac ta behel, teme ma ba ya spas te Q'uin Pascua, ya me yich' loq'uesel ta yohlil te slumale. Ha ya scuch smul ta scaj te ma ba la ya'be smahtan te Jehová ta yorahil.