Números 19:19 - Bible in Tzeltal Bachajón

¹⁹ Te mach'a lec sc'oblal ya stsihtsin a ta yoxebal soc ta shuquebal c'ahc'al te mach'a bohloben sc'oblal. Te c'alal ya xlecub sc'oblal ta shuquebal c'ahc'al, ya me sac' sc'u' soc ya x'atin, ya xlecub sc'oblal ta yihc'ubel q'uinal.

Bible in Tzeltal de Oxchuc y Tenejapa

¹⁹ Te mach'a lec sc'oplal, ta yoxebal c'aal ya me stsijts'anbey ja' swenta lecubtesel te mach'a ma lecuc sc'oplal, soc ta sjuquebal c'aal. Ta sjuquebal c'aal lecub meix sc'oplal. Jich yu'un te mach'a ma lecuc sc'oplal ya me sac' te sc'u'-spac' soc ya me spoc sba ta ja', pero ma lecuc sc'oplal ya xjil c'alal ta yijc'ubel q'uinal.

Números 19:19 Referans Kwoze

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

Hebreos 10:22

Ha yu'un jun co'tantic ac'a nohpojucotic bahel ta stojol Dios soc lec sch'uhunel co'tantic, pocbiluc me loq'uel spisil sbohlil co'tantic soc pocbiluc ta lequil ha' te jbaq'uetaltique.

Ezequiel 36:25

Ya jtsihtsinex ta lequil ha', hich pocbil ya xc'ohex yu'un spisil abohlilic, soc ya jpocbeyex ta spisil te loc'ombahetic awu'unique.

Números 19:12

Ta yoxebal c'ahc'al soc ta shuquebal c'ahc'al ya me slecubtes sc'oblal ta scuenta te ha', hich lec sc'oblal ya xhil.

Levítico 14:9

Ta shuquebal c'ahc'al ya me squits' spisil stsotsel sjol, yisim, smahcub soc spisil stsotsel, ya sac' te sc'u' spac', soc ya spoc sba scohtol ta ha', hich lecubenix sc'oblal ya xhil.

Judas 1:23

Coltayahic yantic, tsacahic loq'uel ta c'ahc'; soc c'uxultayahic yantic soc xiwel, pero ihlaybeyahic te sc'u' spaq'uic te bohloben sc'oblalic ta scuenta slehel smulic soc sbaq'uetalic.

Tito 2:14

Ha la yac' sba ta lajel cu'untic yu'un la smanotic loq'uel ta stojol spisil bintic chopol soc yu'un ya sch'ultes jun pueblo te yu'un ya xc'oht, te ya yo'tantayic spasel lequil a'teliletic.

Números 31:19

Te jayebex te ay mach'atic amilojic o teme ay la apiquic te mach'a chamene, ayinanic ta fuera yu'un te campamento huqueb c'ahc'al. Te ha'ex soc te jchuqueletic awu'unic ya me alecubtes abahic ta yoxebal c'ahc'al soc ta shuquebal c'ahc'al.

Génesis 2:2

Ta shuquebal c'ahc'al hu' ta pasel spisil ya'tel te Diose; la scux yo'tan yu'un spisil te ya'tele.

Éxodo 19:10

hich halbot yu'un te Jehová: Bahan ta stojol te pueblo, ch'ultesa yo'tic soc pajel; soc ac'a sac' sc'u'-spaq'uic

Números 19:13

Teme ay mach'a ya spic te mach'a chamen, teme ma ba ya slecubtes sba, ya sbohlobtesbe sc'oblal te Nahilpac' yu'un Jehová; ya me yich' loq'uesel ta yohlil Israel. Te bin ut'il ma ba tsihtsinot ta ha' scuenta lecubtesel, bohloben me sc'oblal, ya me xhil ta scuenta te sbohlile.

Números 19:18

Te jtuhl winic te lec sc'oblal ya me stsac hisopo, ya smul ta ha', ya stsihtsimbe a te nahilpac', te biluquetic soc te mach'atic tey ayic a, soc te mach'a la spicbe te sbaquel, te mach'a milot, te mach'a hich nax cham o te muquenal.

Levítico 14:7

ya stsihtsin huqueb buelta te mach'a ya yich' lecubtesel yu'un te sc'a'el-chamele, c'alal yaloj te lecubix sc'oblal, ya scoltay bahel te tut ha'mal mut cuxule.

Números 31:24

Ta shuquebal c'ahc'al ya me asac' ac'u' apaq'uic, hich ya xlecub ac'oblalic a, patil ya xhu' ya x'ochex bahel ta campamento, xchi.