Números 19:18 - Bible in Tzeltal Bachajón

¹⁸ Te jtuhl winic te lec sc'oblal ya me stsac hisopo, ya smul ta ha', ya stsihtsimbe a te nahilpac', te biluquetic soc te mach'atic tey ayic a, soc te mach'a la spicbe te sbaquel, te mach'a milot, te mach'a hich nax cham o te muquenal.

Bible in Tzeltal de Oxchuc y Tenejapa

¹⁸ Jtul winic te lec sc'oplal ya me stsacbey sc'ab hisopo, ya me smul ta ya'lel te oxome, ya me stsijts'an ta Nailpac', te yawil biluquetic, soc te mach'atic tey ayic a, soc nix te mach'atic la spic te baquetic, teme anima te milbil, teme jich nax a laj, o teme muquenale.

Números 19:18 Referans Kwoze

Hebreos 9:14

¿ha'uc to balix a te sch'ich'el te Cristo, te ha ta scuenta te Espíritu sbahtel q'uinal ay la yac' sba ta lajel ta stojol Dios scuenta milbil mahtanil te mayuc bin jihnem, ya spocbeyex awo'tanic yu'un awa'telic scuenta lajel, scuenta yu'un yac awac' abahic ta a'batinel ta stojol te cuxul Diose?

Números 19:9

Te jtuhl winic te lec sc'oblal ha ya sjopbe stanul te wacax, ya yac' ta sti'il te campamento ta jun lugar te lec sc'oblal. Ha ya yich' q'uejel yu'un te pueblo yu'un te snich'nab Israel, yu'un ya xtuhun ta ha' scuenta lecubtesel; ha me lecubtesel yu'un mulil.

1 Corintios 1:30

Ha nix ta scuenta Dios te jun ayex soc Cristo Jesús, te ha sp'ijil co'tantic c'oht yu'un Dios soc te ha ta scuenta te halbotic te toj ayotic, te ch'ultesbilotic soc te colemotic ta libre yu'une,

San Juan 17:19

Ha ta scuentahic te la jch'ultes jba, scuenta yu'un hich ch'ultesbil ya xc'ohtic ta scuenta te smelelil c'ope.

San Juan 17:17

Ch'ulteslana ta scuenta te smelelil c'op; ha smelelil c'op te ac'ope.

Salmos 51:7

Pocawon ta hisopo, hich pocbil ya xc'ohon a; pocawon, yu'un c'ax hich sac ya xc'ohon a te bin ut'il me'sic.

Hebreos 9:19

como te c'alal laj yo'tan te Moisés ta yalbeyel ya'iyic spisil te pueblo te mandariletic, la stsac ta sc'ab te sch'ich'el jcolel torohetic soc tat tentsunetic, soc la yich' talel ha' soc tsajal stsotsel tuminchij soc hisopo-te', la stsihtsin a te libro yu'un te mandariletic soc spisil te pueblo,

Números 19:17

Te mach'a bohloben sc'oblal, ya xtsacbot tal jtebuc stanul te wacax la yich' chiq'uel yu'un stojel mulil, ya yich' malel ta ya'lel sloq'uib ha' ta sba te tan ay ta yawil.

Números 19:19

Te mach'a lec sc'oblal ya stsihtsin a ta yoxebal soc ta shuquebal c'ahc'al te mach'a bohloben sc'oblal. Te c'alal ya xlecub sc'oblal ta shuquebal c'ahc'al, ya me sac' sc'u' soc ya x'atin, ya xlecub sc'oblal ta yihc'ubel q'uinal.

Isaías 52:15

ha nix hich ya xiw yo'tanic yu'un bayel nacionetic; te ajwaliletic ya me smac yehic ta stojol, como ya me yilic te bin mayuc bin ora halbotic sc'oblal, soc ya me xc'oht ta yo'tanic te bin mayuc bin ora ya'iyejique.

Salmos 51:9

Nac'a asit awelaw ta stojol te jmul soc tup'bon spisil te bintic chopol jpasoje.