Números 18:8 - Bible in Tzeltal Bachajón

⁸ Te Jehová la yalbe xan te Aarón: La jca'batix acuentahin te mahtaniletic cu'un. Spisil te ch'ul mahtaniletic ya ya'bonic te snich'nab Israel la jca'bat soc anich'nab, ha te bin yac awich'ic hilel, ha mandaril te ma xlaj sc'oblal.

Bible in Tzeltal de Oxchuc y Tenejapa

⁸ Te Cajwaltic, jich la yalbey Aarón: —Jo'on cac'ojbat ta awenta te majt'aniletic te ya yac'bonic te israeletique. Spisil te ch'ul majt'aniletic te ya yac'bonic, ja' ya cac'bat soc anich'nab, ja' me ya xc'ot ta awentaic. Ja' me mandalil cu'un sbajt'el q'uinal.

Números 18:8 Referans Kwoze

Levítico 6:16

Te jayeb ya xhil, ha ya swe' te Aarón soc te snich'nabe. Mayuc slevadurahil ya swe'ic ta lugar te ch'ultesbil; ha ya swe'ic ta yamaq'uil te Nahilpac' Templo yu'un tahojibal.

Levítico 7:6

Spisil winiquetic te ayic ta sacerdotehil ya xhu' ya swe'ic; ya yich' we'el ta lugar te ch'ultesbil; ha mero ch'ultesbil.

Levítico 6:18

Spisil te winiquetic te ha snich'nab Aarón ya xhu' ya swe'ic. Ha mandaril sc'oblal te chic'bil mahtaniletic yu'un Jehová te ma xlaj sc'oblal ta cajalcaj ats'umbalic. Biluc a te ya xtahot yu'un te mahtanile, ha ch'ultesbil ya xc'oht, xchi.

Éxodo 40:15

ya me amal ta aceite hich te bin ut'il la amal ta aceite te static, scuenta yu'un sacerdotehetic cu'un ya xc'oht a. Te ya yich'ic malel ta aceite hich me ya x'ochic ta sacerdotehil te ma xlaj sc'oblal ta cajalcaj sts'umbalic, xchi.

Éxodo 40:13

Soc ya me awa'be slap te ch'ul c'u'uletic te Aarón, ya me amal ta aceite, ya me ach'ultes scuenta yu'un sacerdote cu'un ya xc'oht a.

Éxodo 29:29

Te ch'ul c'u'uletic yu'un Aarón ha ya xhil yu'un te sts'umbal, scuenta yu'un c'alal slapojic a ya yich'ic malel ta aceite scuenta yich'el ya'telic.

1 Juan 2:27

Pero te malel yu'un te Espíritu te awich'ojic ya xhil ta atojolic, ma fuersahuc te ay mach'a ya snohptesex. Te malel yu'un te Espíritu te awich'ojic ya ya'beyex anopic spisil, soc smelelil te malel, ma lotiluc, ha yu'un jc'axel ayinanic ta stojol Cristo, hich te bin ut'il ya'beyejex anopique.

1 Juan 2:20

Yan te ha'exe, la awich'iquix malel yu'un te Ch'ul Espíritu, hich apisilic yac ana'ic te bintic smelelil.

Hebreos 1:9

C'ux ta awo'tan te bin stojil ta pasel soc yac awihlay te bin chopole. Ha yu'un Dios, te Dios awu'un, la smalat ta aceite yu'un tse'el-o'tanil, xchi.

Isaías 10:27

Ta hich ora ya xcohtesbot yihcats ta anehquelic soc te yugo yu'unic ta anuc'; ya xwac' te yugo yu'un ha'at tsahbilat cu'un.

Deuteronomio 26:13

Hich me xawal ta stojol te Jehová te Dios awu'un: La jloq'uesix tal ta jna te bin ch'ultesbil soc la jca'beyix ta stojol te levita, jyanlum, me'ba' alal soc te me'ba' ants, hich te bin ut'il apasojon ta mandar; ma ba la jc'axuntay te mandariletic awu'un soc ma ba ch'ayem ta co'tan.

Deuteronomio 12:11

Te lugar te ya stsa Jehová te Dios awu'unic bantic ya yac' te sbihile, tey me yac awaq'uic a spisil te bin ya calbeyex: ha te scohtol chic'bil mahtaniletic, milbil mahtaniletic, te jun ta slajunebal, te tuchilambil mahtaniletic awu'unic, soc spisil te bintic tsahbil te jc'axel awalojic ta jamal yac awa'beyic te Jehová.

Deuteronomio 12:6

Tey yac awaq'uic a te scohtol chic'bil mahtaniletic, milbil mahtaniletic, te jun ta slajunebal, te tuchilambil mahtaniletic, te mahtaniletic yu'un te bin jc'axel awalojic ta jamal, te mahtaniletic yac awaq'uic scuenta sc'anojel awo'tanic, soc te sba-al te wacaxetic, tuminchijetic soc tentsunetic awu'unique.

Números 18:9

Ha awu'un ya xc'oht te mahtanil yu'un te bintic ch'ultesbil te ma ba ya xlaj ta chiq'uel, spisil te mahtaniletic ya yaq'uic, ha te mahtanil harina, te mahtaniletic yu'un stojel mulil, soc mahtaniletic yu'un stahel falta, ha mero ch'ultesbil awu'un soc anich'nab ya xc'oht.

Levítico 21:10

Te muc'ul sacerdote te ay ta yohlil te yermanotac, te malot ta aceite yu'un ch'ultesel soc te yich'oj ch'ultesel yu'un ya xhu' ya slap te ch'ul c'u'ule, ma me sloq'ues smuhquil sjol soc ma me sch'i' sc'u',

Levítico 8:30

Patil te Moisés la yich' jtebuc te aceite scuenta ch'ultesel, soc jtebuc te ch'ich' ay ta scajtajib ta chiq'uel mahtanil, la stsihtsin a te Aarón soc te sc'u', te snich'nab soc te sc'u'ique. Hich la sch'ultes te Aarón soc te sc'u', te snich'nab soc sc'u'ic te snich'nabe.

Levítico 6:26

Te sacerdote te ya yac' te mahtanil yu'un mulil, ha nix ya swe'; ya me swe' ta lugar te ch'ultesbil, ta yamaq'uil te Nahilpac' Templo yu'un tahojibal.

Levítico 6:20

Hich ay te mahtanil ya yac' te Aarón soc te snich'nab ta stojol Jehová te c'alal ya xmalbot aceite scuenta ch'ultesel: ha jun ta slajunebal efa lequil harina, j'ohlil ya yac' ta sab, j'ohlil ta tibiltic, ha mahtanil te ma xlaj sc'oblal ta aq'uel.

Éxodo 29:21

Te ch'ich' ay ta sba te scajtajib ta chiq'uel mahtanil, soc te aceite yu'un ch'ultesel, ya me atsihtsin a te Aarón soc sc'u' spac', soc te snich'nab soc sc'u' spaq'uic. Hich ch'ultesbil ya xc'oht soc te snich'nab soc te sc'u' spaq'uique.

1 Corintios 9:13

¿Ma bal ana'ojic, te mach'atic ya x'a'tejic ta templo tey nix ya sta swe'elic a, soc te mach'atic ya x'a'tejic ta scajtajib ta chiq'uel mahtanil ay bin ya stahic tey a?

Levítico 7:14

Ta spisil te mahtaniletic ini ya yich' aq'uel jujupehch te pan ta stojol Jehová, ha yu'un te sacerdote te ya stsihtsin te sch'ich'el milbil mahtanil scuenta lamal q'uinal.

Levítico 7:28

Te Jehová la yalbe te Moisés:

2 Crónicas 31:4

Soc la spas ta mandar te mach'atic nahinemic ta Jerusalén te ya me ya'beyic te sacerdotehetic soc levitahetic te bintic ay ta scuentahic te ya x'a'botic, scuenta yu'un jun yo'tanic ya spasic bin ya yal te ley yu'un Jehová.

Éxodo 28:43

Ha ya slapic te Aarón soc te snich'nab te c'alal ya x'ochic bahel ta Nahilpac' Templo yu'un tahojibal, o te c'alal ya xnohpojic tal ta scajtajib ta chiq'uel mahtanil yu'un ya spas ya'tel ta ch'ul awilal, scuenta yu'un ma ba ya sta smulic te ya xchamic yu'une. Ha mandaril te stalel ya xhil ta stojol soc ta stojol te sts'umbal ta patil bahele.

Éxodo 29:28

Yu'un Aarón soc snich'nab ya xc'oht, ha mandaril te ya x'a'bot te snich'nab Israel te stalel ay, como ha mahtanil te la yich' tuchilanel. Ha mahtanil te ac'bil yu'un te snich'nab Israel scuenta lamal q'uinal ta stojol Jehová.

Levítico 23:20

Te sacerdote ya yac' scuenta tuchilambil mahtanil ta stojol Jehová, soc ya yac' te pan yu'un sba sit soc te cha'coht tuminchijetic. Ha te bin ch'ultesbil ta stojol Jehová te ha yu'un te sacerdote.

Números 5:9

Spisil mahtanil yu'un te bintic ch'uhltesbilic te ya yaq'uic te snich'nab Israel ta stojol sacerdote, ha yu'un ya xc'oht.

Deuteronomio 18:1

Te sacerdote-levitahetic, ha spisil te jchahp sts'umbal Leví, mayuc bin ya x'a'bot yu'untayic ta Israel; ha ya swe'ic te bin ay yu'unic ta banti te mahtaniletic ya yich'ic chiq'uel ta stojol Jehová.

2 Reyes 12:16

Te taq'uin yu'un te mahtaniletic yu'un stojel mulil soc yu'un te mahtaniletic yu'un stahel falta ma ba la yich'ic tal ta sna Jehová, como ha yu'unic te sacerdotehetique.

2 Crónicas 31:5

C'alal puhc bahel te mandar ini, te snich'nab Israel la yaq'uic bayel sba sit trigo, vino, aceite, chab, soc spisil te sit awal-ts'unubiletic. Soc bayel la yich'ic tal te jun ta slajunebal ta spisil bintic ay yu'unique.