Números 18:26 - Bible in Tzeltal Bachajón

²⁶ Hich me xawalbe te levitahetic: Te c'alal yac awich'beyic te jun ta slajunebal yu'un te snich'nab Israel te la jca'beyex, tey yac aloq'ues a te jun ta slajunebal te yac awa'beyic Jehová scuenta tuchilambil mahtanil.

Bible in Tzeltal de Oxchuc y Tenejapa

²⁶ —Albeya te levitaetic: “Jich la yal te Diose: ‘Te c'alal ya yac'beyex te israeletic te jun ta slajunebal te bitic ya cac'bey yu'uninic, ya me aloq'uesbonic jun ta slajunebal te ya awac'bonique.

Números 18:26 Referans Kwoze

Nehemías 10:38

Te bin ora ya xbahtic te levitahetic ta stsobel te jun ta slajunebal ya me xjoquinotic yu'un jtuhl sacerdote snich'an Aarón. Te levitahetic ya me yich'ic bahel ta snahul biluquetic ta sna Dios cu'untic te jun ta slajunebal te bintic tsobilixe.

Números 18:21

La jca'be te levitahetic spisil te jun ta slajunebal ya yich' aq'uel ta Israel, yu'un te a'tel ya spasic ta Nahilpac' Templo yu'un tahojibal.

Hebreos 7:5

Melel te sts'umbal Leví te ay ya'telic ta sacerdotehil, pasbilic ta mandar ta yich'el jun ta slajunebal te bin ay yu'un te pueblo, ha te yermanotac, aunque ha'ic nix sts'umbalic Abraham te yermanotaque.

Números 18:25

Te Jehová la yalbe te Moisés:

Números 18:27

Te amahtan hich ya xc'oht awu'unic te bin ut'il te trigo ya xtal ta sq'uiyojibal soc te ya'lel ts'usub ya xtal ta sp'e'ojibal.

Números 15:21

Ta cajalcaj ats'umbal bahel ya me awa'beyic smahtanin Jehová te shahchibal te harina awu'unique.

Nehemías 10:39

Te israeletic soc te levitahetic ya sc'an ya yich'ic bahel ta snahul biluquetic te mahtaniletic trigo, vino soc aceite. Tey ya x'ayin a te bintic ya xtuhun ta ch'ul awilal, soc tey nahinic a te sacerdotehetic te ya x'a'tejic soc te jcanan-ti'nahiletic soc te jc'ayojetique. Ya caltic ta jamal te ma ba ya quihquitaytic te sna te Dios cu'untique.