Números 18:24 - Bible in Tzeltal Bachajón

²⁴ Yu'un la jcac'ticlambe te levitahetic te jun ta slajunebal ya ya'beyic Jehová te snich'nab Israel, ha sq'uinalic c'ohem. Ha scuentahil te caloj te mayuc q'uinal ya yich'ic ta yohlil te snich'nab Israel, xchi.

Bible in Tzeltal de Oxchuc y Tenejapa

²⁴ Ja'ic me cac'ojbey yu'uninic te jun ta slajunebal ya yac'bonic te israeletic ta spisil te bitic ya staic ta q'uinale. Ja' swentail te calojbey te ma me ayuc q'uinal ya yu'uninic ta Israel —xi' te Cajwaltique.

Números 18:24 Referans Kwoze

Números 18:26

Hich me xawalbe te levitahetic: Te c'alal yac awich'beyic te jun ta slajunebal yu'un te snich'nab Israel te la jca'beyex, tey yac aloq'ues a te jun ta slajunebal te yac awa'beyic Jehová scuenta tuchilambil mahtanil.

Números 18:25

Te Jehová la yalbe te Moisés:

Números 26:62

Ta spisil te queremetic yu'un Leví te jun to nax u yayinel, ay cha'pic soc j'ohlil swaxaclajunbahc' (23,000) ta tuhl; como ma ba la yich'ic ahtayel soc te yan snich'nab Israel, yu'un ma ba pajal ya yich'ic q'uinal soc.

Deuteronomio 10:9

Ha scuentahil te Leví mayuc q'uinal a'bot ta yohlil te yermanotac; ha sq'uinalic c'ohem te Jehová, hich te bin ut'il halbot yu'un Jehová te Dios awu'une.)

Deuteronomio 26:12

Te c'alal parte awac'ojix a te jun ta slajunebal ta spisil te sit ats'unub-awawal ta yoxebal ha'bil, ha te ha'bil yu'un ya yich' aq'uel te jun ta slajunebal, ha nix hich ya me awa'be te levita, jyanlum, me'ba' alal soc te me'ba' ants, scuenta yu'un ya swe'ic ta tut pueblohetic awu'un soc hich ya xnoj sch'uhtic a.

Levítico 27:30

Te jun ta slajunebal te bin ya xloc' ta lumq'uinal, chican teme sit ts'unub awalil o sit te'etic, ha yu'un Jehová stuquel, ha te bin ac'bil ta stojol Jehová.

Josué 13:14

Pero te sts'umbal Leví ma ba a'bot sq'uinalic; te milbil mahtaniletic yu'un Jehová te Dios yu'un Israel, ha sq'uinalic c'oht, hich te bin ut'il halbotic yu'un.

Nehemías 10:38

Te bin ora ya xbahtic te levitahetic ta stsobel te jun ta slajunebal ya me xjoquinotic yu'un jtuhl sacerdote snich'an Aarón. Te levitahetic ya me yich'ic bahel ta snahul biluquetic ta sna Dios cu'untic te jun ta slajunebal te bintic tsobilixe.

Nehemías 13:12

Spisil Judá la yich'ic tal te jun ta slajunebal te trigo, vino soc aceite, la yaq'uic ta yawil biluquetic ta templo.