Números 18:23 - Bible in Tzeltal Bachajón

²³ Te levitahetic ha nax stuquelic ya spasic te a'tel ta Nahilpac' Templo yu'un tahojibal, soc ha ay ta scuentahic te bin mulil ya xc'oht ta scuentahique. Ha mandaril te ma xlaj sc'oblal yu'un te ats'umbale. Mayuc q'uinal ya yich'ic ta yohlil te snich'nab Israel.

Bible in Tzeltal de Oxchuc y Tenejapa

²³ Te levitaetic ja'ic nax me stuquelic ya yat'elinic abatinel ta Nailpac' te bay ya quich' c'oponele, soc ja'ic nix ay ta swentaic te bitic mulil te ya staique. Ja' me mandalil cu'un sbajt'el q'uinal te ya xc'ax ta stojol me'il-tatiletic soc alnich'anetic. Te levitaetic ma me ayuc sq'uinalic ta Israel.

Números 18:23 Referans Kwoze

Números 3:7

Ha ya yac' sbahic ta a'batinel yu'un soc yu'un spisil te pueblo ta Nahilpac' Templo yu'un tahojibal, ta scuenta spasel a'tel ta Nahilpac' Templo.

Números 18:20

Te Jehová la yalbe te Aarón: Mayuc q'uinal yac awich' ta banti sq'uinalic te yantique, soc mayuc binti yac awich' ta yohlilic. Ho'on me te bin yac awich' soc ho'on aq'uinalon ta yohlil te snich'nab Israel.

Números 18:1

Te Jehová la yalbe te Aarón: Te ha'at soc anich'nab soc te jchahp sts'umbal Leví ay ta acuentahic te mulil ya xchicnaj ta ch'ul templo; yan te ha'at soc anich'nab ay ta acuenta atuquelic te mulil ya xchicnaj te ayex ta sacerdotehil.

Éxodo 27:21

Tey ta Nahilpac' Templo yu'un tahojibal, ta spat te tsalul pac' te ay ta stojol te Testigo-c'op, te Aarón soc te snich'nab ya me scuentahinic schahpanel te c'ahc' ta stojol Jehová ta xtibiltay c'alal ta sab. Ha mandaril te ma xlaj sc'oblal yu'un jujucaj sts'umbal te snich'nab Israel.

Números 26:62

Ta spisil te queremetic yu'un Leví te jun to nax u yayinel, ay cha'pic soc j'ohlil swaxaclajunbahc' (23,000) ta tuhl; como ma ba la yich'ic ahtayel soc te yan snich'nab Israel, yu'un ma ba pajal ya yich'ic q'uinal soc.

Ezequiel 44:10

Te levitahetic te loq'uic bahel ta jtojol te c'alal namij bahel ta jtojol te Israel, te la st'unic bahel te loc'ombahetic yu'unic, ya me stojic te smulique.

Números 19:21

Ha mandar te ma xlaj sc'oblal. Te mach'a ya ya'iy tsihtsinwanej ta ha' scuenta lecubtesel ya me sac' sc'u'. Te mach'a ya spic te ha' scuenta lecubtesel, bohloben sc'oblal ya xhil c'alal ta yihc'ubel q'uinal.

Números 35:29

Ha mandariletic ini te ya xtuhun awu'unic ta cajalcaj ats'umbalic bayuc ya xnahinex.

Deuteronomio 10:9

Ha scuentahil te Leví mayuc q'uinal a'bot ta yohlil te yermanotac; ha sq'uinalic c'ohem te Jehová, hich te bin ut'il halbot yu'un Jehová te Dios awu'une.)

Josué 13:14

Pero te sts'umbal Leví ma ba a'bot sq'uinalic; te milbil mahtaniletic yu'un Jehová te Dios yu'un Israel, ha sq'uinalic c'oht, hich te bin ut'il halbotic yu'un.