Números 18:22 - Bible in Tzeltal Bachajón

²² Te snich'nab Israel ma xhu' ya xnohpojic tal ta Nahilpac' Templo yu'un tahojibal, scuenta yu'un ma ba ya sta smulic te hich ya xchamic yu'un.

Bible in Tzeltal de Oxchuc y Tenejapa

²² Te yantic israeletic ma me xju' ya xnoptsajic ta Nailpac' te bay ya quich' c'oponele, swenta yu'un jich me ma sta smulic soc jich me ma xlajic.

Números 18:22 Referans Kwoze

Levítico 22:9

Ya me sch'uhumbonic spasel te bintic caloj ta mandar scuenta yu'un ma ba ya scuch smul a, yu'un hich ma ba ya xchamic yu'un te la sbohlobtesbe sc'oblale. Ho'on, Jehovahon, te ya jch'ultes.

Números 18:7

Yan te ha'at soc anich'nab yac apasic te a'tel ta sacerdotehil ta banti scajtajib ta chiq'uel mahtanil soc te bintic ay ta pasel ta yutil te stsalul pac'. La jca'beyex scuenta mahtanil te awa'telic ta sacerdotehil. Te mach'a yan ya xnohpoj tal, ya me xlaj, xchi te Jehová.

Números 3:38

Ta stojol banti ya xloc' tal c'ahc'al yu'un te Nahilpac' Templo, ta stojol te yochibal te Nahilpac' Templo yu'un tahojibal, ya spas scampamentohic te Moisés, Aarón soc snich'nab, te ay ta scuentahic spasel te bin pasel ya sc'an ta ch'ul awilal ta scuenta te snich'nab Israel. Te mach'a yan ya xnohpoj tal, ya me xcham.

Números 3:10

Te Aarón soc te snich'nab ya me awac' te ya x'a'tejic ta sacerdotehil. Te mach'a yan ya xnohpoj tal, ya me xcham, xchi.

Levítico 20:20

Teme ay winic ya xway soc yihnam stajun, la sbohlobtesbe sc'oblal te stajun, ya me scuch te smulique; mayuc yal-snich'an a ya xchamic.

Éxodo 28:43

Ha ya slapic te Aarón soc te snich'nab te c'alal ya x'ochic bahel ta Nahilpac' Templo yu'un tahojibal, o te c'alal ya xnohpojic tal ta scajtajib ta chiq'uel mahtanil yu'un ya spas ya'tel ta ch'ul awilal, scuenta yu'un ma ba ya sta smulic te ya xchamic yu'une. Ha mandaril te stalel ya xhil ta stojol soc ta stojol te sts'umbal ta patil bahele.