Números 18:21 - Bible in Tzeltal Bachajón

²¹ La jca'be te levitahetic spisil te jun ta slajunebal ya yich' aq'uel ta Israel, yu'un te a'tel ya spasic ta Nahilpac' Templo yu'un tahojibal.

Bible in Tzeltal de Oxchuc y Tenejapa

²¹ Te levitaetic ya cac'bey yu'uninic te jun ta slajunebal ya yaq'uic te israeletic ta spisil te bitic ya staic ta q'uinal, ja' stojolic te abatinel ta Nailpac' te bay ya quich' c'oponel.

Números 18:21 Referans Kwoze

Nehemías 12:44

Ta hich ora ay winiquetic la yich' a'beyel ya'telic ta scuentahinel te yawil mahtaniletic, sba sit awal-ts'unubil soc te jun ta slajunebal, yu'un ya yich'ic q'uejel tey a te bintic ya yich'ic tal ta pueblohetic te ya yich'ic a'beyel te sacerdotehetic soc te levitahetic te hich ya yal te Ley. Como te mach'atic yu'un Judá mero tse'el yo'tanic ta stojol te sacerdotehetic soc te levitahetic te yaquic ta a'tele.

Nehemías 10:37

Soc ya quich'tic tal ta snahul biluquetic ta sna Dios cu'untic te shahchibal te bin ya yich' juch'el, te mahtanil harina, te sit spisil te'etic, vino soc aceite, te ha yu'un te sacerdotehetic. Soc ya quich'betic tal te levitahetic te jun ta slajunebal te bintic ya xloc' ta q'uinal, como ha te levitahetic te ya stsobic te jun ta slajunebal ta spisil te pueblohetic banti ya x'a'tejotic.

Hebreos 7:5

Melel te sts'umbal Leví te ay ya'telic ta sacerdotehil, pasbilic ta mandar ta yich'el jun ta slajunebal te bin ay yu'un te pueblo, ha te yermanotac, aunque ha'ic nix sts'umbalic Abraham te yermanotaque.

Gálatas 6:6

Te mach'a ya yich' p'ijubtesel ta scuenta te sc'op Dios, pajal ac'a yich' spisil bintic lec soc te mach'a yac ta p'ijubtesel yu'une.

Nehemías 13:12

Spisil Judá la yich'ic tal te jun ta slajunebal te trigo, vino soc aceite, la yaq'uic ta yawil biluquetic ta templo.

Nehemías 10:29

spisilic la stsob sbahic soc te yermanotac soc te príncipaletic yu'unic, yu'un ya yalic ta jamal te ya st'unic te ley yu'un Dios te a'bot ta scuenta Moisés te a'bat yu'un Dios, soc te ya scanantayic soc ya sc'ohtesic ta pasel te mandariletic soc spisil bintic yaloj ta mandar te Jehová te Cajwaltique.

2 Crónicas 31:12

soc jun yo'tanic la yotsesic tey a te mahtaniletic, te jun ta slajunebal soc te bintic ch'uhltesbilic. La ya'beyic scuentahin te levita Conanías soc te yermano Simei.

Números 18:6

Ho'on la jtsa te awermanotac levitahetic ta yohlil te snich'nab Israel scuenta amahtanic yu'un Jehová, yu'un ya spasic te a'tel ta Nahilpac' Templo yu'un tahojibal.

Génesis 14:20

soc bayeluc me yutsil sc'oblal te Dios te mero toyol ay, te la ya'batix ta ac'ab te acontratac, xchi. Te Abram la ya'be smahtanin te Melquisedec jun ta slajunebal spisil te sbiluque.

Números 31:28

Parte yac awa'be Jehová te spatanic te mach'atic c'ohtic ta guerra; ta ho'winic scha'bahc' (500) ya me aloq'ues jun ta spisil te jchuqueletic, wacaxetic, burrohetic, tuminchijetic soc tentsunetic.

Deuteronomio 18:8

Pajal me ya x'a'bot swe'el soc te yantique, soc nix te bin ya x'a'bot yich' yu'un te state.

Nehemías 12:47

Ta yorahil Zorobabel soc Nehemías spisil Israel la ya'beyic swe'elic scuenta jujun c'ahc'al te jc'ayojetic soc te jcanan-ti'nahiletic. Soc parte la yaq'uic te swe'elic te levitahetic; soc te levitahetic parte la yaq'uic te swe'elic te snich'nab Aarón.

Nehemías 13:5

Ya'beyejix te Tobías jun muc'ul tsahl na te banti yich'oj q'uejel mahtaniletic ta nahil to, ha te pom, te bintic ya xtuhun ta Templo, te jun ta slajunebal te trigo, vino soc aceite te halbil mandar te ya yich' a'beyel te levitahetic, te jc'ayojetic soc te jcanan-ti'nahiletic, soc te mahtaniletic yu'un te sacerdotehetique.

Malaquías 2:4

Hich yac ana'ic a te la jticombeyex te mandaril ini, scuenta yu'un stalel ya x'ayin te chapbil-c'op cu'un soc Leví, xchi te Jehová te scuentahinej spisil.

Malaquías 3:10

Ich'ahic tal spisil te jun ta slajunebal ta yawil, hich me ay we'elil ta jna. Tsajawon awilic a, xchi te Jehová te scuentahinej spisil, ilawil teme ma ba ya jambeyex te ventanahetic ta ch'ulchan soc ya jmal cohel ta atojolic c'ax bayel bendicionetic.

Génesis 47:24

Te jayeb sit ya yac', jun ta yo'ebal ya me awa'be te faraón. Te chaneb xan ha awu'unic yu'un yac awawic ta q'uinal soc yu'un yac amac'lin abahic a soc te mach'atic ay awu'unic ta anahic, scuenta yu'un ya xwe'ic te awal-anich'nabic, xchi sc'oblalic.

Génesis 47:26

Ha yu'un te José la yac' ta mandaril te hich yac ta pasel c'alal ora ta spahmal sq'uinal Egipto te ya ya'be faraón jun ta yo'ebal te bin ya sloq'uesic. Ha nax te sq'uinal sacerdotehetic te ma yu'unuc faraón c'oht.

Números 3:6

Ac'a nohpojuc tal te jchahp yu'un Leví, ya me awac'ticlan ta stojol te sacerdote Aarón scuenta yu'un ya yac' sbahic ta a'batinel yu'un.

Nehemías 10:38

Te bin ora ya xbahtic te levitahetic ta stsobel te jun ta slajunebal ya me xjoquinotic yu'un jtuhl sacerdote snich'an Aarón. Te levitahetic ya me yich'ic bahel ta snahul biluquetic ta sna Dios cu'untic te jun ta slajunebal te bintic tsobilixe.