Números 18:20 - Bible in Tzeltal Bachajón

²⁰ Te Jehová la yalbe te Aarón: Mayuc q'uinal yac awich' ta banti sq'uinalic te yantique, soc mayuc binti yac awich' ta yohlilic. Ho'on me te bin yac awich' soc ho'on aq'uinalon ta yohlil te snich'nab Israel.

Bible in Tzeltal de Oxchuc y Tenejapa

²⁰ Te Cajwaltic, jich la yalbey te Aarón: —Te ja'ate, ma me ayuc q'uinal ya awich', jich te bit'il yich'oj te yantic israeletique. Jo'on awu'unon, jo'on aq'uinalon ta Israel.

Números 18:20 Referans Kwoze

Ezequiel 44:28

Te bin ya x'a'bot yich'ic hilel: Ho'on abi. Ma ba ya x'a'bot yich'ic q'uinal ta Israel, ho'on me te bin ya yich'ic hilele.

Deuteronomio 10:9

Ha scuentahil te Leví mayuc q'uinal a'bot ta yohlil te yermanotac; ha sq'uinalic c'ohem te Jehová, hich te bin ut'il halbot yu'un Jehová te Dios awu'une.)

Josué 13:33

Yan te jchahp yu'un Leví ma ba a'bot sq'uinal stuquel yu'un te Moisés; te Jehová te Dios yu'un Israel ha me sq'uinalic c'ohem, hich te bin ut'il halbotic yu'une.

Lamentaciones 3:24

Hich ya cal ta co'tan: Te bin ay cu'un, ha te Jehová; ha yu'un ha smuc'ulinej co'tan stuquel, xchihon.

Josué 14:3

Como te Moisés ya'beyejix sq'uinalic te cha'chahp soc ohlil ta jehch muc'ul-ha' Jordán; yan te levitahetic ma ba la ya'be sq'uinalic stuquel ta yohlil te yantique.

Deuteronomio 14:27

Ma me xch'ay ta awo'tan te levita te nahinem ta pueblohetic awu'un, como mayuc yich'oj sq'uinal hich te bin ut'il ha'ate.

Deuteronomio 12:12

Buen tse'eluc me awo'tanic ta stojol te Jehová te Dios awu'unic, ha'at soc awal-anich'nab, te a'batetic soc criadahetic awu'unic, soc te levita te ya xnahin ta pueblohetic awu'unic, como ma ba pajal a'bot sq'uinalic soc te ha'exe.

Apocalipsis 21:3

Soc la jca'iy ay mach'a tulan c'opoj tal ta muc'ul-huctajibal, hich la yal: Ya xnahinix Dios ta yohlil te ants-winiquetic, ya me sjoquin ta nahinel, ha pueblo ya xc'oht yu'un, ha nix ya xjoquinot yu'un Dios soc ha Dios yu'unic ya xc'oht.

Salmos 142:5

Ya cawtayat, Jehová; hich ya cal: Ha'at ahnibalat cu'un soc te bin ay cu'un ta yohlil te mach'atic cuxulic, xchihon.

Salmos 16:5

Te Jehová ha te bin ya x'a'boton quich' soc ha copa cu'un; ha'at yac acanantaybon te bin ya xc'oht ta jcuenta.

Josué 18:7

Yan te levitahetic mayuc bin ya yich'ic ta awohlilic stuquel, como ha ya yich'ic stuquel te sacerdotehil yu'un Jehová. Soc te sts'umbal Gad, Rubén soc te j'ohlil sts'umbal Manasés yich'ojiquix sq'uinalic ta stojol banti ya xloc' tal c'ahc'al yu'un te muc'ul-ha' Jordán, te a'botic hilel yu'un Moisés te a'bat yu'un Jehová, xchi.

Salmos 73:26

Te jbaq'uetal soc te co'tan ya xlajic, pero ha yip co'tan te Diose, soc te bin ya quich' hilel sbahtel q'uinal.

Deuteronomio 14:29

Tey ya xtal a te levita, te mayuc yich'oj sq'uinal hich te bin ut'il ha'at, soc tey ya xtal a te jyanlum, te me'ba', soc te me'ba' ants te ayic ta pueblohetic awu'un, ya xwe' x'uch'ic, ya xnoj sch'uhtic yu'un; scuenta yu'un te Jehová te Dios awu'un ya ya'bat bendición ta stojol spisil awa'tel.

Números 26:62

Ta spisil te queremetic yu'un Leví te jun to nax u yayinel, ay cha'pic soc j'ohlil swaxaclajunbahc' (23,000) ta tuhl; como ma ba la yich'ic ahtayel soc te yan snich'nab Israel, yu'un ma ba pajal ya yich'ic q'uinal soc.

Josué 13:14

Pero te sts'umbal Leví ma ba a'bot sq'uinalic; te milbil mahtaniletic yu'un Jehová te Dios yu'un Israel, ha sq'uinalic c'oht, hich te bin ut'il halbotic yu'un.

Génesis 15:1

Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

Números 18:7

Yan te ha'at soc anich'nab yac apasic te a'tel ta sacerdotehil ta banti scajtajib ta chiq'uel mahtanil soc te bintic ay ta pasel ta yutil te stsalul pac'. La jca'beyex scuenta mahtanil te awa'telic ta sacerdotehil. Te mach'a yan ya xnohpoj tal, ya me xlaj, xchi te Jehová.