Números 18:13 - Bible in Tzeltal Bachajón

¹³ Spisil sba sit ts'unub-awalil ya xloc' ta sq'uinalic te ya yich'ic tal ta stojol Jehová, ha'at me awu'un. Spisil mach'atic lec sc'oblalic ay ta ana ya xhu' ya swe'ic.

Bible in Tzeltal de Oxchuc y Tenejapa

¹³ Ja' te sbabial sit awalts'unubil ya xloc' ta tsobel te ya xtal yac'bonic, ja' me awu'un te ja'ate. Mach'auc ay awu'un te lec sc'oplale, ya me swe'elinic.

Números 18:13 Referans Kwoze

Éxodo 22:29

Ma me patiluc yac awa'bon jmahtanin te sit ats'unub-awawal soc te ya'lel ats'usub. Ya me awa'bon te ba-alal querem awu'une.

Miqueas 7:1

¡Obol jba! yu'un hich c'ohemon te bin ut'il c'alal tsobilix sit a ta yorahil snahtil c'ahc'al, c'alal c'axemix ta lehel a te bintic hilem yu'un te ts'usubil, mayuc hilem jchejuc ta we'el, mayuc hilem te sit te bayel ya jmulan.

Oseas 9:10

Hich la jta Israel te bin ut'il mach'a ya sta ts'usub ta jochol taq'uin q'uinal. C'alal la jquil te ame'atatic hich c'ohemic te bin ut'il sahbal sit higuera te nahil sitin. Pero c'alal c'ohtic ta Baal-Peor la sch'ultes sbahic ta stojol te bin q'uexlaltic sba, hich ihlaybil c'ohtic te bin ut'il te diosetic te c'ux ta yo'tanique.

Jeremías 24:2

Ta jun moch ay lequil higohetic, hich te bin ut'il te nahil ya xc'anube. Ta yan moch ay higohetic te ma lecuc, ma xhu' ta lo'el.

Éxodo 23:19

Te banti mero lec te sba sit ya yac' te aq'uinal ya me awich' tal ta sna Jehová te Dios awu'une. Ma me xapay alal tentsun ta ya'lel schu' te sme'e.

Éxodo 34:26

Te banti mero lec yu'un te sba sit te ya xloc' ta aq'uinal ya me awich' bahel ta sna Jehová te Dios awu'une. Ma me xapay te alal tentsun ta ya'lel schu' te sme'e, xchi te Jehová.

Deuteronomio 26:2

ya me awac' ta moch spisil te sba sit ats'unub-awawal te yac aloq'ues tey ta q'uinal ya ya'bat te Jehová te Dios awu'un, ya me xbahat tey ta lugar ya stsa te Jehová te Dios awu'un banti ya yac' te sbihile.

Ezequiel 44:30

Ha yu'un te sacerdotehetic te sba sit spisil te sba sit te ts'unub-awaliletic, soc spisil te mahtaniletic te ya yich'ic aq'uel awu'unic. Soc ha nix hich ya me awa'beyic te sacerdote te shahchibal ta wots'el te harina awu'unic, scuenta yu'un ya xc'oht bendición ta anahic a.

Levítico 22:7

Lecubtesbil sc'oblal ya xc'oht te c'alal ya xmahl c'ahc'al, ta patil ya xhu' ya swe' te bin ch'ultesbil, como ha swe'el stuquel.

Levítico 23:17

Ta banti anahic yac awich'ic tal cha'pehch pan pasbil ta cheb ta slajunebal efa lequil harina, ta'ajtesbil soc levadura, scuenta mahtanil sba sit ta stojol Jehová.

Deuteronomio 18:4

Ya me awa'be te sba sit trigo, vino soc aceite awu'un, soc te sba stsotsel tuminchijetic awu'un te ya yich' loq'uesbeyel,

2 Reyes 4:42

Patil tal jtuhl winic te talem ta Baal-salisa. Yich'beyej talel te winic yu'un Dios jtahb (20) ta pehch pan yu'un sba sit cebada, soc yach'il trigo. La yal te Eliseo: A'beya swe'ic, xchi.

2 Crónicas 31:5

C'alal puhc bahel te mandar ini, te snich'nab Israel la yaq'uic bayel sba sit trigo, vino, aceite, chab, soc spisil te sit awal-ts'unubiletic. Soc bayel la yich'ic tal te jun ta slajunebal ta spisil bintic ay yu'unique.