Números 16:33 - Bible in Tzeltal Bachajón

³³ Ha'ic soc spisil bintic ay yu'unic cuxulic a cohic bahel ta yawil chamen ants-winiquetic; la smac xan sba te lum, hich ch'ayic bahel ta yohlil te pueblo.

Bible in Tzeltal de Oxchuc y Tenejapa

³³ Cuxulic ch'ay coel ta yet'al te lumq'uinal soc spisil te sbiluquic, ora nax la smac sba te lumq'uinale. Jich loq'uesotic bael ta yolilic te israeletique.

Números 16:33 Referans Kwoze

Judas 1:11

¡Ay me swocolic! como st'unojic te be yu'un Caín, howiyemic hich te bin ut'il Balaam ta slehel taq'uin te ma stojiluc; pajal lajic soc te toybahil yu'un Coré.

Ezequiel 32:30

Tey ayic a te jcuentahinwanejetic te talemic ta stojol norte, spisilic, soc spisil te mach'atic yu'un Sidón, te soc xiwel cohic bahel soc te mach'atic lajemic; q'uexawic yu'un te yipic, ma ba yich'ojic circuncisión a limil ya xhilic soc te mach'atic lajemic ta espada, soc pajal yich'ojic sq'uexlalic soc te mach'atic ya xcohic bahel ta muquenal.

Ezequiel 32:18

Snich'anat winic, c'ayojtaya c'ayoj yu'un mel-o'tan ta stojol tsobolic yu'un Egipto; ac'a cohuc bahel ta sc'ubulil te lumq'uinal soc te yal-snich'nab te nacionetic te ay yipic, te ya sjoquinic te mach'atic ya xcohic bahel ta muquenal. Hich yac awalbe:

Isaías 14:15

Pero la awich' ch'ojel cohel c'alal ta stsobojibal mach'atic chamenic, c'alal ta sc'ubulil xahab.

Isaías 14:9

Te stsobojibal mach'atic chamenic te ay ta ye'tal ya stij sba yu'un ya xloq'uic tal stahat; ya stij hahchel te mach'atic chamenic yu'un ya xtal stahat, ya stij hahchel ta shuctajibic spisil te príncipaletic yu'un te bahlumilal, spisil te ajwaliletic yu'un te nacionetique.

Salmos 143:7

Jac'bon jc'op ta ora, Jehová, yaquix ta lajel quip. Ma me xanac' asit awelaw ta jtojol, manchuc hich ya xc'ohon te bin ut'il mach'atic cohic bahel ta muquenal.

Salmos 69:15

Ma me xawac' ya yehanon te yacan ha', o te ya sbic'on cohel te xahab, o te ya smacon te sti'il te hotbil ch'en.

Salmos 55:23

Pero ha'at, Dios cu'un, yac awac' cohuquic bahel ta xahab yu'un lajel te mach'atic chopolic. Te jmilawetic soc te jlotetic ma ba ya sta j'ohlil te scuxlejalique. Yan te ho'one, ha'at smuc'ulat co'tan.

Salmos 9:15

Te nacionetic ch'ayic cohel ta ch'en te ha nix spasojic; te yaquil te snac'ojic, tsacbot yoquic yu'un.

Números 16:32

la sjam sba te lum, la sbic'ticlan cohel soc snahic soc spisil smohloltac te Coré soc spisil bintic ay yu'unic.

Números 16:34

Spisil Israel te ayic ta sjoyobal loq'uic ta ahnel te c'alal la ya'iybeyic yawic, yu'un la yalic: Ma me sbic'otic cohel ec te lume, xchihic.

Números 26:11

Pero te snich'nab Coré ma ba lajic stuquel.

Deuteronomio 32:22

Como tihlix hahchel sc'ahc'al quilimba, ya me schic' c'alal ta sc'ubulil yawil mach'atic chamenic; ya slajin te q'uinal soc te bintic ya sitin tey a, ya yac'ticlambe sc'ahc'al te yich'o-ip te witsiltique.

Salmos 55:15

Repente nax ac'a stahic lajel te jcontratac; cuxul a ac'a cohuquic bahel ta muquenal, como ay ta yohlilic te bintic chopole.

Salmos 141:7

Hich te bin ut'il ya yich' ch'aquel ta top'el lum, hich la yich' puquel jbaqueltic ta sti'il muquenal, xchihic.

Isaías 38:18

Como te yawil mach'atic chamenic ma ba ya stoybat ac'oblal, te lajel ma ba ya yalbat yutsil ac'oblal; te mach'atic ya xcohic bahel ta muquenal ma ba ya smuc'ulin yo'tanic te bin ut'il stalel jun awo'tane.

Ezequiel 31:14

scuenta yu'un spisil te te'etic ta ti'ha'etic ma ba ya stoy sbahic yu'un te stoyolil, ma ba ya stoy sni'ilic ta yohlil te tocaletic, soc spisil te te'etic te ya yuch'ic ha' ma ha'uc ya smuc'ulin yo'tanic te stoyolile; como spisilic ya xbahtic ta lajel, ta sc'ubulil te lumq'uinal, ta yohlil te yal-snich'nab ants-winiquetic, ya sjoquinic te mach'atic ya xcohic bahel ta hotbil ch'en.

Números 22:33

La yilon te burra, hich la sjoybetayon oxeb buelta. Te manchuc la sjoybetayon, la jmilatix te hichuque, soc ha cuxul hil cu'un stuquel te burra, la yut.

Salmos 55:16

Yan te ho'one ya cawtay te Diose, ya scoltayon stuquel te Jehová.