Números 16:30 - Bible in Tzeltal Bachajón

³⁰ Yan teme ay bin yach'il ya spas te Jehová, teme ya sjam sba te lum soc ya sbic' cohel soc spisil bintic ay yu'unic, teme cuxul a ya xcohic bahel ta yawil chamen ants-winiquetic, hich yac ana'ic a te la scontrahinic te Jehová te winiquetic ini, xchi.

Bible in Tzeltal de Oxchuc y Tenejapa

³⁰ Teme yan yilel bit'il ya xbajt'ic ta lajel yu'un Cajwaltic, teme ya sjam sba te lumq'uinal te ya sbic' coel soc spisil te bitic ay yu'unique, teme cuxul ya xch'ayic coel ta yutil te lumq'uinale, jich me ya ana'ic stojol te ja' la scontroinic te Cajwaltique —xi' te Moisese.

Números 16:30 Referans Kwoze

Salmos 55:15

Repente nax ac'a stahic lajel te jcontratac; cuxul a ac'a cohuquic bahel ta muquenal, como ay ta yohlilic te bintic chopole.

Números 16:33

Ha'ic soc spisil bintic ay yu'unic cuxulic a cohic bahel ta yawil chamen ants-winiquetic; la smac xan sba te lum, hich ch'ayic bahel ta yohlil te pueblo.

Job 31:3

¿Ma bal ha'uc ya xc'oht jinel ta stojol te mach'a chopol yo'tan, soc te ya xc'oht lajinel ta stojol te mach'atic ya spasic te bin chopole?

Jeremías 31:22

¿Jayeb xan c'ahc'al te ya xhowiyat ta behel, ach'ix te ma junuc awo'tan? Como te Jehová spasojix te bin yach'il ta bahlumilal: jtuhl ants ya smac jtuhl winic, xchi.

Isaías 45:12

Ho'on la jpas te lumq'uinal soc tey la jpas a te ants-winic. Ho'on ta jc'ab la jlim bahel te ch'ulchan, soc ya calbe mandar spisil bintic ay yu'un.

Isaías 45:7

Ya jchahpan te sacal q'uinal soc ya jchicnajtes te yihc'al q'uinal, ya cac' lahmajuc q'uinal soc ya cac' taluc wocol. Ho'on Jehovahon ya jpas spisil ini.

Isaías 43:19

Ilawil, ay bin yach'il ya jpas, ora ya xloc' tal ta sacal q'uinal, ¿ma bal ana'ojic? Ya jam be ta jochol taquin q'uinal soc muc'ul-ha'etic ta jochol q'uinal.

Isaías 28:21

Te Jehová ya xhahch hich te bin ut'il la spas ta wits Perazim, ya x'ilin hich te bin ut'il ta spamlej Gabaón; yu'un ya spas te ya'tel, ha ya'tel te yan ta ilel, soc yu'un ya shu'tes te ya'tel, ha ya'tel te yan ta ilele.

Números 16:31

C'alal laj yo'tan ta c'op, la sjam sba te lum ta banti tec'ajtic;

Job 31:2

Como ¿bin mahtanil ya ya'bon Dios ta toyol? ¿Bin ya ya'bon quich' te Mach'a spisil ya xhu' yu'un te ay ta stoyolil ch'ulchan?

Salmos 124:3

te c'alal tihl yilimbahic ta jtojoltic, cuxulotic to a la sbic'ticlanotic te hichuque.

Ezequiel 31:14

scuenta yu'un spisil te te'etic ta ti'ha'etic ma ba ya stoy sbahic yu'un te stoyolil, ma ba ya stoy sni'ilic ta yohlil te tocaletic, soc spisil te te'etic te ya yuch'ic ha' ma ha'uc ya smuc'ulin yo'tanic te stoyolile; como spisilic ya xbahtic ta lajel, ta sc'ubulil te lumq'uinal, ta yohlil te yal-snich'nab ants-winiquetic, ya sjoquinic te mach'atic ya xcohic bahel ta hotbil ch'en.