Números 16:28 - Bible in Tzeltal Bachajón

²⁸ Te Moisés la yal: Hich me yac ana'ic a te Jehová la sticonon tal ta spasel spisil ini, te ma ha'uc la jpas te bin ya sc'an te co'tane.

Bible in Tzeltal de Oxchuc y Tenejapa

²⁸ Te Moisés la yal xan: —Ta ora to ya jpasbeyex prueba awilic te ja' te Cajwaltic la sticunon tel ta spasel spisil te bitic ya jpase, te ma me ja'uc ya jpas te sc'anjel co'tane.

Números 16:28 Referans Kwoze

San Juan 6:38

Como cohemon tal ta ch'ulchan, ma ha'uc yu'un te ya jpas te bin ya sc'an co'tan, pero yu'un ya jpas te bin ya sc'an yo'tan stuquel te mach'a la sticonon tale.

Éxodo 3:12

La sjac' te Diose: Ho'on ya joquinat; soc ha seña awu'un ya xc'oht ini te ho'on la jticonat bahel: te c'alal loq'uemix tal awu'un ta Egipto a te pueblo, ya xtal ach'uhuntayonic li' ta wits ini, xchi.

San Juan 5:36

Pero ay bin ya yalbon jc'oblal te c'ax hich ay sc'oblal a te bin la yal te Juan: ha te a'teliletic a'bibilon yu'un te Tatil yu'un ya hu'tes, ha nix te a'teliletic te yacon ta spasel, ha ya yalbonic jc'oblal te sticonejon tal te Tatile.

Ezequiel 13:17

Ha'at, snich'anat winic, ac'a asit awelaw ta scontrahinel te yantsil-nich'nab te pueblo awu'un te ya yalic sc'op-jalwanej ta stuquel-o'tanic.

Jeremías 23:16

Hich yaloj te Jehová te scuentahinej spisil: Ma xawa'iybeyic sc'op te jalwanejetic te ya yalbeyex sc'op-jalwanej; ya ya'beyex smuc'ul awo'tanic te toyol ay. Ya yalbeyic sc'oblal snahalsitic te talem ta yo'tanic, ma ha'uc te bin halbotic yu'un te Jehová.

San Juan 14:11

Ch'uhunawonic te jun ayon soc te Tatil soc te ha joc te Tatile; o ch'uhunawonic yu'un te ca'tele.

San Juan 11:42

Jna'oj te spisil ora yac awa'iybon jc'op, pero hich la jcal yu'un te tsobol ants-winiquetic li' sjoytayejonic, scuenta yu'un hich ya sch'uhunic a te ha'at aticonejon tal, xchi ta sc'oponel Dios.

San Juan 5:30

Mayuc bin ya xhu' ya jpas ta jtuquel-o'tan nax; te bin ya ca'iy, hich ya jchahpan; soc toj ya ca'iy chahpanwanej, como ma ha'uc ya jle binti ya sc'an co'tan, ha ya jle te binti ya sc'an yo'tan te Jtat te sticonejon tale.

Zacarías 4:9

Te sc'ab Zorobabel ya yotses te yich'o-ip te Na ini, soc ha nix te sc'ab te ya shu'tes. Hich yac ana'ic a te ticombilon yu'un te Jehová te scuentahinej spisil.

Zacarías 2:9

Ya jtoy jc'ab ta stojolic, ya xpojbot sbiluquic yu'un te a'batetic yu'unique, xchi. Hich yac ana'ic a te ticombilon yu'un te Jehová te scuentahinej spisil.

1 Reyes 18:36

C'alal la sta yorahil te ya yich' aq'uel te scohtol chic'bil mahtanil, te jalwanej Elías nohpoj bahel, hich la yal: ¡Jehová, Dios yu'un Abraham, Isaac soc Israel, ac'a ta na'el yo'tic te ha'at Diosat ta Israel soc te ho'on awa'baton, soc te ta scuenta amandar te hich yacon ta spasel!

Deuteronomio 18:22

Teme ya xc'opoj ta scuenta sbihil Jehová te jalwanej, teme ma ba ya xc'oht ta pasel te bin la yal, yu'un nix ma ha'uc te bin yaloj te Jehová. Ta scuenta stoybahil te hich la yal te jalwanej; ma me xiwat ta stojol.

Éxodo 7:9

Teme ya yalbat te faraón: A'bon quil jchahp a'telil, teme xchihe, ya me awalbe te Aarón: Tsaca anahbate', ch'oja cohel ta stojol te faraón scuenta yu'un ya xc'atp'uj ta chan, xchi.

Números 24:13

Aunque te Balac ya ya'bon te sna nojel ta plata soc oro, ma xhu' ya jc'axuntaybe sc'op Jehová, te jtuquel ya jnop ya jpas te bin lec o te bin ma lecuc. Te bin ya yal te Jehová, hich me ya cal?

Éxodo 4:12

Ha yu'un bahan hiche, tey ayon a te ya xc'opojat soc ya ca'bat anop te bin yac awale, xchi.

Éxodo 4:15

Ha'at yac awalbe ya'iy te bin ya xc'oht yal; soc ya jcoltayex ta c'op ta achebalic, soc ya ca'beyex anopic te bin yac apasique.