Números 16:26 - Bible in Tzeltal Bachajón

²⁶ Hich la yalbe te pueblo: Loc'anic bahel ta stojol te snahilpaq'uic te bohl winiquetic ini, soc ma xapicbeyic te bin ay yu'unic, scuenta yu'un ma ba ya xlajex ta scuenta spisil te smulique, xchi.

Bible in Tzeltal de Oxchuc y Tenejapa

²⁶ Jich la yalbey te lume: —Loc'anic ta bay snailpaq'uic te bol winiquetic, soc ma me xapicbeyic te bila ay yu'unique, teme repente ya xlajat bael yu'un uuc te smulique —xi'.

Números 16:26 Referans Kwoze

Isaías 52:11

¡Loc'anic, loc'anic bahel tey a, ma me xapiquic te bin bohloben sc'oblale! ¡Loc'anic bahel ta yohlil, poca abahic, ha'ex te yac awich'ic bahel te bintic ay yu'un te Jehová!

Apocalipsis 18:4

La jca'iy yan mach'a c'opoj tal ta ch'ulchan, hich la yal: Loc'anic tal ta stojol, pueblo cu'un, scuenta yu'un ma pajaluc yac ata amulic soc, scuenta yu'un ma pajaluc yac awich'ic castigo soc a.

2 Corintios 6:17

Ha yu'un loc'anic tal ta yohlilic, parte me xawac' abahic, xchi te Cajwaltique. Ma me xapiquic te bin bohloben sc'oblal, hich ya quiq'uex ta jtojol a.

1 Timoteo 5:22

Ma me ayuc mach'a te ora nax yac acajan ac'ab ta stojol, soc ma me xawac' aba a te mach'a ay smul; tojuc me x'ayinat.

Hechos 13:51

Ha yu'un la stihtinic hilel slumil yoquic ta scontrahic, bahtic ta Iconio.

Hechos 8:20

Hich halbot yu'un te Pedro: ¡Pajal lajan soc te ataq'uine, yu'un la acuy te ay ta manel ta taq'uin te mahtanil yu'un Dios!

Deuteronomio 13:17

Ma me xatsac te bin ac'bil ta scuenta lajel, scuenta yu'un te Jehová ya sloq'ues ta atojol te sc'ahc'al yilimba, ya sc'uxultayat soc ya sna'bat yo'bolil aba, ya yac' p'ohlucat, hich te bin ut'il jc'axel yalbeyej ta jamal te ame'atatic,

San Mateo 10:14

Teme ay mach'a ma ba ya yiq'uex ochel soc teme ma ba ya sc'an ya ya'iybeyex te ac'opique, loc'anic bahel ta na o ta pueblo tey a, soc tihtina hilel slumil awoquic.

Génesis 19:17

C'alal loq'uix bahel ta fuera yu'unic a, la yalbeyic: Loc'anic ta ahnel yu'un te acuxlejal, ma me xasut asit ta apat soc ma me ayuc banti ya xhalajat ta spamlej ini; bahan ta ahnel ta witsiltic scuenta yu'un ma ba ya xlajat a, xchihic.

Números 16:25

Hich hahch te Moisés, baht ta banti ay te Datán soc Abiram, joquinot bahel yu'un te mamaletic yu'un Israel.

Jeremías 51:6

¡Ahnanic loq'uel ta Babilonia! ¡Coltaya abahic, scuenta yu'un ma ba ya xch'ayex bahel ta scaj te smule! Como ha yorahil te Jehová ya ya'be spacol, ya ya'be stoj te bin ya sc'an te ya'tele.