Números 16:18 - Bible in Tzeltal Bachajón

¹⁸ Hich jujutuhl la stsaquic te schic'ojibal pom yu'unic, la ya'beyic sc'ahc'al soc spomil, pajal la stehc'an sbahic soc te Moisés soc Aarón ta stojol te Nahilpac' Templo yu'un tahojibal.

Bible in Tzeltal de Oxchuc y Tenejapa

¹⁸ Jich yu'un juju-jtul la stsaquic te xchic'jibal spomique, la yac'beyic ac'al soc pom, pajal la yaq'uic soc Moisés soc Aarón ta stojol te Nailpac' te bay ya yich' c'oponel te Cajwaltique.

Números 16:18 Referans Kwoze

Levítico 16:12

Ya stsac jun schic'ojibal pom nojel ta ac'al te talem ta scajtajib ta chiq'uel mahtanil ay ta stojol Jehová, soc cha'johp juch'bil te bin sumet yic', ya yich' bahel ta spat te tsalul pac'.

Números 16:17

Jujutuhl ac'a stsac te schic'ojibal pom yu'un, ac'a yotsesbe spomil soc ac'a nohpojuc tal ta stojol Jehová jujutuhl soc te schic'ojibal pom yu'une, lajuneb yoxlajunwinic (250) schic'ojibal pom ta spisil. Ha nix hichat, soc Aarón, jujutuhlex soc te schic'ojibal pom awu'unique, xchi.

Números 16:19

Te Coré la stsob spisil te pueblo ta stojol te yochibal te Nahilpac' Templo yu'un tahojibal ta scontrahinel te Moisés soc te Aarón. Te yutsilal Jehová chicnaj ta stojol spisil te pueblo.

Levítico 16:13

Ya yotses te pom ta sba ac'al ta stojol Jehová, te sch'ahilel pom ya spots te yawil stahel perdón ay ta sba te yawil Testigo-c'op, scuenta yu'un ma ba ya xcham a.

Números 16:37

Halbeya te Eleazar snich'an te sacerdote Aarón te ac'a sloq'ueslan te schic'ojibal pometic ta yohlil te banti lajix ta c'ahq'uel, namal ac'a sch'ay bahel te yac'alel c'ahc', yu'un ch'uhltesbilic

Números 16:48

La stehc'an sba ta yohlil te mach'atic chamenic soc te mach'atic cuxulic, hich quehchaj te jmilawal-chamel.

2 Crónicas 26:16

Pero te c'alal la sta yip, la stoy sba, hich la sta jinel yu'un. Ma junuc yo'tan ta stojol Jehová te Dios yu'un, ha och bahel ta templo yu'un Jehová ta schiq'uel pom ta scajtajib ta chiq'uel pom.