Números 16:10 - Bible in Tzeltal Bachajón

¹⁰ La yiq'uex tal ta stojol soc spisil awermanotac, ha te snich'nab Leví, ¿yu'un bal yac awotsesix abahic ec ta sacerdotehil?

Bible in Tzeltal de Oxchuc y Tenejapa

¹⁰ Te Cajwaltic sc'anoj yo'tan te ja'at soc te yantic te pajal sts'umbalex Leví, te nopol ayex ta stojol atuquelic. ¿Bit'il ay a ta ora yo'tic te ya abic'tal-o'tantaybey yat'el te sacerdoteetique?

Números 16:10 Referans Kwoze

3 Juan 1:9

La jts'ihbabe te iglesia, pero te Diótrefes, te ya smulan te nahil ya xc'oht ta yohlilic, ma xyich'otcotic ta cuenta.

Filipenses 2:3

Ma me ayuc bin yac apasic ta scuenta te bin ya sc'an awo'tanic atuquel o ta scuenta toybahil; peq'ueluc xawac' abahic, hich me xap'is te toyol xan ay te yantic te bin ut'il te ha'ate.

Romanos 12:10

Talel c'axel c'ux me xawa'iy abahic te bin ut'il awermano abahic; talel c'axel me xawich' abahic ta muc'.

San Lucas 22:24

Soc hahch stij sbahic ta c'op yu'un mach'a a te muc' ya xc'oht.

Proverbios 13:10

Ya shach c'op te toybahil, pero te p'ijil-o'tanil ay ta stojol te mach'atic ya sch'uhunic tojobtesel.

Números 18:7

Yan te ha'at soc anich'nab yac apasic te a'tel ta sacerdotehil ta banti scajtajib ta chiq'uel mahtanil soc te bintic ay ta pasel ta yutil te stsalul pac'. La jca'beyex scuenta mahtanil te awa'telic ta sacerdotehil. Te mach'a yan ya xnohpoj tal, ya me xlaj, xchi te Jehová.

Números 3:10

Te Aarón soc te snich'nab ya me awac' te ya x'a'tejic ta sacerdotehil. Te mach'a yan ya xnohpoj tal, ya me xcham, xchi.

Números 18:1

Te Jehová la yalbe te Aarón: Te ha'at soc anich'nab soc te jchahp sts'umbal Leví ay ta acuentahic te mulil ya xchicnaj ta ch'ul templo; yan te ha'at soc anich'nab ay ta acuenta atuquelic te mulil ya xchicnaj te ayex ta sacerdotehil.

Jueces 17:12

Te Micaía la ya'be yich' ya'tel te levita-winic; ha sacerdote c'oht yu'un soc hil ta nahinel ta sna te Micaía.

Números 3:6

Ac'a nohpojuc tal te jchahp yu'un Leví, ya me awac'ticlan ta stojol te sacerdote Aarón scuenta yu'un ya yac' sbahic ta a'batinel yu'un.