Números 15:39 - Bible in Tzeltal Bachajón

³⁹ Ya xtuhun awu'unic te stsihtsimal, yu'un te c'alal yac awilic tey yac ana'ic a spisil te mandariletic yu'un Jehová; hich yac ach'uhunic spasel soc ma ba yac at'unic bahel te bin ya sc'an awo'tanic soc te bin ya yil te asit, te ha la yac' te yac awac' aba ta antsinel c'ohem.

Bible in Tzeltal de Oxchuc y Tenejapa

³⁹ Jich yu'un te c'alal ya awilic te stsijts'mal, tey me ya ana'ic spisil te mandaliletic te cac'ojbeyexe, soc jich me ya ach'uunic. Jich ma ba ya awich'-o'tantay abaic soc te bila ya snop awo'tanic, teme ma junuc awo'tanic ta jtojole.

Números 15:39 Referans Kwoze

Salmos 106:39

Hich la sbohlobtes sbahic ta scuenta te bintic la spasic, la yantsin sbahic ta scuenta te ya'telique.

Salmos 73:27

Te mach'atic ya xnamijic ta atojol, ya me xlajic; ha'at yac alajinlan spisil mach'atic ma junuc yo'tanic ta atojol.

Ezequiel 6:9

Ha'ex te ya xloq'uex ta ahnel ya me ana'onic ta nacionetic ta banti ya xbahex ta chuquel; como c'ax jwocol ta scaj te ay ta yo'tanic antsiwej te hich la yihquitayonic hilel, soc ta scaj sitic te la st'unic te loc'ombahetic yu'unique. Ha'ic nix ya xq'uexawic ta scaj te bintic chopol la spasic ta scuenta spisil te bintic ilobtic sba yu'unique.

Proverbios 28:26

Ha sonso te mach'a ya smuc'ulin sba yo'tan, yan te mach'a ya xbehen ta sbehlal p'ijil-o'tanil libre ya xc'oht yu'un.

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.

Eclesiastés 11:9

Jcolel al-nich'anat, tse'eluc awo'tan ta yorahil te jcolel al-nich'anate, soc ac'a smulan awo'tan te yorahil te awach'ix-queremil. Pasa te bin ya smulan awo'tan soc te bintic yac awil ta asit, pero na'a me te Dios ya spasbat cuenta spisil ini.

Proverbios 3:1

Jnich'an, ma me xch'ay ta awo'tan te nohptesel cu'un; q'ueja ta awo'tan te mandariletic cu'une,

Job 31:7

Teme howiyem ta be te coc, teme la st'un bahel jsit te co'tan, teme ay bin c'oht ta jc'ab te ma lecuque,

Deuteronomio 29:19

te c'alal ya'iyejix a te bin ya yal te chopol c'oblalil ini, ha nix ya ya'be sba smuc'ul yo'tan, te hich ya yal: Ya me ca'iy lamal q'uinal, aunque ya jt'un bahel te co'tan te tulan ay, teme xchihe, ha ya xjihn spisilic ta scuenta.

Oseas 2:2

¡Halbeyahic smul ananic, halbeyahic smul, como ma quihnamuc, soc ma smamalalucon! Ac'a yihquitay hilel ta stojol te antsinel yu'un, te yajmul ta banti stahn.

Jeremías 9:14

Ha la st'unic te bin la snop ta yo'tanic soc la st'unic bahel te baaletic, hich te bin ut'il a'bot snopic yu'un te sme'statique.

Deuteronomio 6:12

ma me xch'ay ta awo'tan te Jehová te la sloq'uesat tal ta sq'uinal Egipto te banti ayat ta mosohil.

Deuteronomio 4:23

Canantaya me abahic, ma me xch'ay ta awo'tanic te chapbil-c'op yu'un Jehová te Dios awu'unic te la schahpan ta atojolic, soc ma me xapasic awahcananic o sloc'ombahil biluc a te la scomex ta spasel te Jehová te Dios awu'unic,

Éxodo 13:9

Te q'uin hich ac'a c'ohtuc awu'un te bin ut'il jun seña ta ac'ab soc sna'ojibal ta ati'ba, scuenta yu'un yac awalulan te ley yu'un Jehová; como ta scuenta yu'el sc'ab la sloq'uesat tal ta Egipto te Jehová.

Deuteronomio 8:11

Tsahtaya me te ma ba ya xch'ay ta awo'tan te Jehová te Dios awu'une; c'ohtuc me ta pasel awu'un spisil te mandariletic, te bintic halbil ta mandar soc te bintic chapal yu'un, te yacon ta yalel ta atojolic ta ora ini.

Deuteronomio 8:14

te hich ya xhahchat ta toybahil yu'un soc ya xch'ay ta awo'tan te Jehová te Dios awu'un te la sloq'uesat tal ta Egipto ta mosohil;

1 Reyes 12:33

Ta yo'lajunebal (15) c'ahc'al ta swaxaquebal u la yac' milbil mahtaniletic ta scajtajib ta chiq'uel mahtanil te spasoj ta Bet-el, ha te bin uhil te stuquel la snop te ya yich' pasele. Hich la shach spasel q'uin yu'un te snich'nab Israel, soc mo ta scajtajib ta chiq'uel mahtanil ta schiq'uel pom.