Números 15:31 - Bible in Tzeltal Bachajón

³¹ Te bin ut'il mayuc sc'oblal ta yo'tan te sc'op Jehová soc la sc'axuntaybe smandar, jc'axel me ya yich' loq'uesel soc scuchoj smul ya xhil, xchi.

Bible in Tzeltal de Oxchuc y Tenejapa

³¹ Yu'un ma ba la yich'bon ta muc' te jc'op, soc ma la xch'uunbon te mandaliletic cu'une. Ya me yich' loq'uesel ta jc'axel ta yolil te slumale, xcuchoj me ya xjil te smule”, uta me —xi' te Cajwaltique.

Números 15:31 Referans Kwoze

Proverbios 13:13

Te mach'a ya sp'aj nohptesel, ya me x'a'bot stoj yu'un, yan te mach'a ya yich' ta cuenta te mandar, ay bin ya sta yu'un.

2 Samuel 12:9

¿Bin yu'un te mayuc sc'oblal ta awo'tan te sc'op te Jehová te la apas te bin chopol ta stojol? La awac' ta milel ta espada te Urías te heteo-winic soc la awic'be te yihname. La awac' ta milel ta scuenta te espada yu'un te amonetique.

Ezequiel 18:20

Te mach'a ya sle smul, ha me ya xcham. Te nich'anil ma ba ya smulimbe smul stat, soc te tatil ma ba ya smulimbe smul te snich'ane; te bin stojil ya spas te mach'a toj yo'tan, ay ta stojol, soc te bin chopol ya spas te jmulawil, ay ta stojol.

1 Tesalonicenses 4:8

Ha yu'un te mach'a ya sp'aj ini, ma ha'uc ya sp'aj te winic, ha ya sp'aj te Dios te ha nix ya'beyejex te Ch'ul Espíritu.

Salmos 119:126

Yorahilix te ay bin yac apas, Jehová, como c'axuntaybilix te ley awu'une.

Levítico 5:1

Teme ay mach'a ya sta smul ta scuenta te la yich' iq'uel ta testigohil yu'un ay bin la yil o la sna', pero teme ma ba la yal, ha smul ya xc'oht.

2 Pedro 2:21

Ha lec te manchuc la sna'beyic sba te be yu'un te bin stojil ta pasel, ha wocol te la sna'beyiquix sba a te la swalac'patiy te ch'ul mandaril te a'botique.

1 Pedro 2:24

Ha nix la scuchbotic jmultic ta sbaq'uetal ta te', scuenta yu'un ya xchamotic ta stojol te mulil soc ya xcuxajotic ta spasel te bin stojil ta pasele. ¡Ha ta scuenta te yehchen te lecubex!

Isaías 53:6

Jpisiltic howiyemotic hich te bin ut'il tuminchijetic, jujutuhl la jt'untic bahel te be cu'untique; pero te Jehová la ya'be scuchbotic jmultic ta jpisiltic.

Isaías 30:12

Ha yu'un hich ya yal te Ch'ul Dios yu'un Israel: Te bin ut'il la ap'ajic te c'op ini, te la awac' smuc'ulin awo'tanic te uts'inel soc te lo'loyel, soc tey la atahic coltayel yu'un a,

Salmos 38:4

Ts'ahmal q'uinal ya ca'iy yu'un te muliletic cu'un, mero al ta cuchel ya ca'iy.

Levítico 26:43

Pero ya xhil yu'unic te q'uinale, bayel me yutsil te jayeb tiempo ya scux yo'tan, te bin ut'il jochol hilel yu'unic. Ya me yich'ic te castigo yu'un smulic, ta scaj te mayuc sc'oblal ta yo'tanic te mandariletic cu'un soc te la yihlayic te bintic chapal cu'une.

Levítico 26:15

teme yac ap'ajbonic te bintic caloj ta mandar, teme mayuc sc'oblal ta awo'tanic te bintic chapal cu'un, teme ma ba yac awaq'uic c'ohtuc ta pasel te mandariletic cu'un, teme mayuc ta cuenta ya xc'oht awu'unic te chapbil-c'op cu'une,

Salmos 107:11

ta scaj te la stoy sbahic ta stojol te sc'op te Jehová, la sp'ajic te bin a'bot sna'ic yu'un te Mach'a mero toyol ay.

Éxodo 30:33

Mach'ayuc a te ya spas yan aceite te pajal soc, o teme ya smal mach'ayuc a, ya me yich' loq'uesel ta yohlil te pueblo yu'un, xchi.

Números 9:13

Yan te mach'a lec sc'oblal soc te ma namaluc yac ta behel, teme ma ba ya spas te Q'uin Pascua, ya me yich' loq'uesel ta yohlil te slumale. Ha ya scuch smul ta scaj te ma ba la ya'be smahtan te Jehová ta yorahil.

Deuteronomio 17:12

Te mach'a ya stoy sba, te ma ba ya sch'uhun spasel te bin ya yal te sacerdote te yac ta a'tel tey a ta stojol te Jehová te Dios awu'un, o ha te bin ya yal te juez, ya me yich' milel yu'un. Hich yac aloq'ues a te bin chopol ta yohlil Israel.

1 Samuel 3:14

Ha yu'un calojix ta jamal ta stojol te sna Elí te bin ut'il te mach'atic ay yu'un ma xhu'ix ta tojbeyel smulic ta scuenta milbil mahtaniletic o ta scuenta yantic mahtaniletic, xchi.