Números 15:25 - Bible in Tzeltal Bachajón

²⁵ Hich te sacerdote ya spas te stojel mulil yu'un spisil te pueblo yu'un te snich'nab Israel, hich ya xpasbotic perdón a, como ma yolojuc a la spasic. Ya ya'beyic Jehová te mahtanil te ya yich' chiq'uel soc te mahtanil yu'un stojel mulil, ta scaj te howiyique.

Bible in Tzeltal de Oxchuc y Tenejapa

²⁵ Te sacerdote ya me spas ta jtojol te bit'il ya stabey perdón ta swenta xc'axintayel mandal spisil te lum Israele. Te jo'on ya me jpasbey perdón, teme scaj nax te ch'ay ta yo'tanique, soc ta patil ya yac'bonic milbil majt'anil te ya yich' chiq'uele, soc jmajt'an yu'un te smulique.

Números 15:25 Referans Kwoze

Levítico 4:20

Hich ya spasbe te jcolel toro te bin ut'il la spasbe te jcolel toro yu'un stojel mulil. Te sacerdote hich ya spasbe te stojel mulil yu'un te pueblo, hich ya stahic perdón a.

Hebreos 2:17

Ha scuentahil te la sc'an te spisil pajal ay soc te yermanotac, scuenta yu'un muc'ul sacerdote ya xc'oht te ya xc'uxultaywan soc te jun yo'tan ta spasel te ya'tel Dios, yu'un ya stojbe smul te pueblo.

Romanos 3:25

Dios la yac' te ha la stojbotic jmultic te Jesús teme jch'uhunejtic te la smal sch'ich'el cu'untic. Tey la yac' ta ilel a te stojil bin ya spas, como cuhch yu'un te ma ba la yich' ta cuenta te muliletic ta namey,

1 Juan 2:2

Ha te milbil mahtanil yu'un stojel jmultic; ma ho'ucotic nax jmultic, ha la stojbe smul spisil te ants-winiquetic ayic ta bahlumilal.

Hechos 13:39

soc spisil te bin ma xhu' te chahpambil ya xc'ohex yu'un te Ley yu'un Moisés, ha chahpambil ya xc'ohex ta scuenta stuquel.

San Lucas 23:34

Hich la yal te Jesús: Jtat, pasbeya perdón, yu'un ma sna'ic bin yac spasbelic, xchi. La spuc sbahic a te sc'u' spac' ta scuenta seña ta na'el.

Levítico 4:26

Soc ya schic'be spisil te sjuhp'el ta sba te scajtajib ta chiq'uel mahtanil, hich te bin ut'il te sjuhp'el te milbil mahtanil scuenta lamal q'uinal. Te sacerdote hich ya spasbe te stojel mulil yu'un, hich ya sta perdón a.

Hebreos 9:7

Pero ta scha'tsahlal junax buelta ta jujun ha'bil ya x'och tey a te muc'ul sacerdote, ya yich' ochel ch'ich' te ya yac' ta stojol Dios yu'un stojel smul soc yu'un smul te pueblo te ma yolojuc la spasique.

Deuteronomio 21:21

Ha yu'un spisil te winiquetic yu'un te pueblo ya me sch'ojic ta ton, hich ya xlaj. Hich yac aloq'ues a te bin chopol ta awohlil, soc spisil Israel ya me ya'iyic soc ya me xi'ic.

Eclesiastés 5:6

Ma me xawac' te yac ata amul ta scuenta awe, soc ma me xawal ta stojol ch'ul a'bat te hich la awal ta scaj te ma ba la ana'. ¿Bin yu'un yac awac' ilinuc Dios yu'un te bin la awal soc te ya sjimbat te ya'tel ac'abe?

Levítico 4:31

Soc ya me sloq'uesbe spisil te sjuhp'el, hich te bin ut'il la yich' loq'uesbeyel sjuhp'el te milbil mahtanil scuenta lamal q'uinal; te sacerdote ya schic' ta scajtajib ta chiq'uel mahtanil scuenta sumet yic' ta stojol Jehová. Te sacerdote hich ya spasbe te stojel mulil yu'un, soc hich ya sta perdón a.

Levítico 4:35

Ya sloq'uesbe spisil te sjuhp'el, hich te bin ut'il ya yich' loq'uesbeyel sjuhp'el te milbil mahtanil scuenta lamal q'uinal; te sacerdote ya schic'be te sjuhp'el ta scajtajib ta chiq'uel mahtanil ta sba te chic'bil mahtanil ta stojol Jehová. Te sacerdote hich ya spasbe te stojel mulil yu'un te smul stahoj, hich ya sta perdón a.

Levítico 15:15

te ha ya yac' jcoht scuenta mahtanil yu'un mulil soc jcoht scuenta scohtol chic'bil mahtanil. Te sacerdote hich ya spasbe te bin ya stoj mulil yu'un ta stojol Jehová te mach'a ay bin mal yu'une.