Números 15:21 - Bible in Tzeltal Bachajón

²¹ Ta cajalcaj ats'umbal bahel ya me awa'beyic smahtanin Jehová te shahchibal te harina awu'unique.

Bible in Tzeltal de Oxchuc y Tenejapa

²¹ Ja' te jmajt'an spisil me ja'wil jich ya apasbonic.

Números 15:21 Referans Kwoze

Éxodo 29:28

Yu'un Aarón soc snich'nab ya xc'oht, ha mandaril te ya x'a'bot te snich'nab Israel te stalel ay, como ha mahtanil te la yich' tuchilanel. Ha mahtanil te ac'bil yu'un te snich'nab Israel scuenta lamal q'uinal ta stojol Jehová.

Números 18:26

Hich me xawalbe te levitahetic: Te c'alal yac awich'beyic te jun ta slajunebal yu'un te snich'nab Israel te la jca'beyex, tey yac aloq'ues a te jun ta slajunebal te yac awa'beyic Jehová scuenta tuchilambil mahtanil.

Levítico 23:14

Ma me xawe'ic pan, ch'ilbil sit o yach'il sit ha to ta c'ahc'alil ini, ha to teme awac'ojix a te mahtanil yu'un te Dios awu'une. Ha mandaril te ma xlaj sc'oblal ta cajalcaj ats'umbalic ta bayuc te ya xnahinexe.

Números 15:20

Ta banti te shahchibal te harina yac awots'ic, ya me awaq'uic jun pimil pan; ha yac awac' scuenta mahtanil yu'un te sq'uiyojibal trigo.

Números 15:22

Teme ma awolojuc a te ma ba yac apasic biluc mandariletic ini te halbot yu'un Jehová te Moisés,

Ezequiel 44:30

Ha yu'un te sacerdotehetic te sba sit spisil te sba sit te ts'unub-awaliletic, soc spisil te mahtaniletic te ya yich'ic aq'uel awu'unic. Soc ha nix hich ya me awa'beyic te sacerdote te shahchibal ta wots'el te harina awu'unic, scuenta yu'un ya xc'oht bendición ta anahic a.

Éxodo 23:19

Te banti mero lec te sba sit ya yac' te aq'uinal ya me awich' tal ta sna Jehová te Dios awu'une. Ma me xapay alal tentsun ta ya'lel schu' te sme'e.

Nehemías 10:38

Te bin ora ya xbahtic te levitahetic ta stsobel te jun ta slajunebal ya me xjoquinotic yu'un jtuhl sacerdote snich'an Aarón. Te levitahetic ya me yich'ic bahel ta snahul biluquetic ta sna Dios cu'untic te jun ta slajunebal te bintic tsobilixe.