Números 15:20 - Bible in Tzeltal Bachajón

²⁰ Ta banti te shahchibal te harina yac awots'ic, ya me awaq'uic jun pimil pan; ha yac awac' scuenta mahtanil yu'un te sq'uiyojibal trigo.

Bible in Tzeltal de Oxchuc y Tenejapa

²⁰ Ya me awac'bonic jtebuc harina te loq'uel to te sbabial ya yich' wots'el, ya me achajbanbonic waj jmajt'anin.

Números 15:20 Referans Kwoze

Levítico 2:14

Teme yac awa'be Jehová te mahtanil yu'un sba sit, ya me abacubtes ta c'ahc' te jujuchej te syaxal to soc te sit chewbil, scuenta mahtanil harina yu'un te sba sit awu'une.

Éxodo 34:26

Te banti mero lec yu'un te sba sit te ya xloc' ta aq'uinal ya me awich' bahel ta sna Jehová te Dios awu'une. Ma me xapay te alal tentsun ta ya'lel schu' te sme'e, xchi te Jehová.

Ezequiel 44:30

Ha yu'un te sacerdotehetic te sba sit spisil te sba sit te ts'unub-awaliletic, soc spisil te mahtaniletic te ya yich'ic aq'uel awu'unic. Soc ha nix hich ya me awa'beyic te sacerdote te shahchibal ta wots'el te harina awu'unic, scuenta yu'un ya xc'oht bendición ta anahic a.

Nehemías 10:37

Soc ya quich'tic tal ta snahul biluquetic ta sna Dios cu'untic te shahchibal te bin ya yich' juch'el, te mahtanil harina, te sit spisil te'etic, vino soc aceite, te ha yu'un te sacerdotehetic. Soc ya quich'betic tal te levitahetic te jun ta slajunebal te bintic ya xloc' ta q'uinal, como ha te levitahetic te ya stsobic te jun ta slajunebal ta spisil te pueblohetic banti ya x'a'tejotic.

Levítico 23:10

Halbeya te snich'nab Israel: Te c'alal ya x'ochex bahel ta q'uinal te ya ca'beyex, te c'alal yac awa'iyic c'ajoj, ya me awich'be tal ta stojol sacerdote te sba tohmol yu'un te ac'ajoje.

Éxodo 23:19

Te banti mero lec te sba sit ya yac' te aq'uinal ya me awich' tal ta sna Jehová te Dios awu'une. Ma me xapay alal tentsun ta ya'lel schu' te sme'e.

Apocalipsis 14:4

Ha'ic te ma ba la sbohlobtes sc'oblalic ta scuenta antsetic, yu'un la stsahtay sbahic. Ha'ic te ya st'unic ta bayuc ya xbaht te Jcolel Tuminchij. Mambil scolelic ta yohlil ants-winiquetic scuenta sba sit ya xc'oht ta stojol Dios soc ta stojol te Jcolel Tuminchij.

Santiago 1:18

Ta scuenta sc'anojel yo'tan la yac' te ya x'ayinotic ta scuenta te smelelil c'op, scuenta yu'un sba sit ya xc'ohotic yu'un spisil bintic pasbil yu'un.

1 Corintios 15:20

Pero cha'cuxajemix tal Cristo ta yohlil mach'atic chamenic, ha sba sit c'ohem yu'un te mach'atic wayem sbaq'uetalique.

Romanos 11:16

Teme ch'ultesbil te sba-sit, ha nix hich ch'ultesbil te jayeb xan aye; soc teme ch'ultesbil te slohp', ha nix hich ch'ultesbil te sc'abc'abe.

San Mateo 6:33

Ha nahil xalehic te cuentahinel yu'un Dios soc te bin stojil ta pasel yu'un, hich me ya x'a'botex spisil a ini.

Deuteronomio 14:22

Ya me awac' jun ta slajunebal spisil bintic ya sitin ta aq'uinal jujun ha'bil.

Números 18:12

Spisil te lequil aceite, lequil vino, trigo soc te sba sit te ya ya'beyic Jehová, ho'on la jca'bat.

Levítico 23:20

Te sacerdote ya yac' scuenta tuchilambil mahtanil ta stojol Jehová, soc ya yac' te pan yu'un sba sit soc te cha'coht tuminchijetic. Ha te bin ch'ultesbil ta stojol Jehová te ha yu'un te sacerdote.

Números 15:21

Ta cajalcaj ats'umbal bahel ya me awa'beyic smahtanin Jehová te shahchibal te harina awu'unique.

Deuteronomio 14:23

Yac awe' ta stojol Jehová te Dios awu'un ta lugar te ya stsa banti ya yac' ayinuc te sbihile, ha te jun ta slajunebal te trigo, cebada, vino soc te aceite awu'un, soc te sba-al te wacaxetic, tuminchijetic soc tentsunetic awu'un, scuenta yu'un yac anop yich'el ta muc' spisil ora a te Jehová te Dios awu'unique.

Deuteronomio 16:13

Ya me apas huqueb c'ahc'al te Q'uin yu'un Yaxnahetic, te c'alal lajix awo'tan ta sbojel a te atrigo soc ta spits'el ats'usub.

Levítico 2:12

Ya xhu' yac awa'beyic smahtanin Jehová scuenta sba sit, pero ma me xachiq'uic ta scajtajib ta chiq'uel mahtanil scuenta sumet yic'.