Números 15:15 - Bible in Tzeltal Bachajón

¹⁵ Junax mandaril awu'unic soc te jyanlum te ya sjoquinex ta nahinel. Ha mandaril te ma xlaj sc'oblal ta cajalcaj ats'umbal bahel; hich te bin ut'il ayex, hich nix ay te jyanlum ta stojol te Jehová.

Bible in Tzeltal de Oxchuc y Tenejapa

¹⁵ Te bila chajbanbil ta atojolic, jich nix me ya xtuun ta stojolic te jyanlumetique. Mandalil me sbajt'el q'uinal te ya xc'ax ta stojol te me'il-tatil soc te snich'nabique.

Números 15:15 Referans Kwoze

Números 15:29

Te snich'nab Israel soc te jyanlum te nahinem ta yohlilic, junax mandaril awu'unic te mach'a ma yolojuc a te ya sta smul.

Números 9:14

Teme ay jyanlum te nahinem ta awohlilic te ya spas te Q'uin Pascua ta stojol Jehová, hich me ya spas te bin ut'il ya sc'an pasel soc hich te bin ut'il te mandariletic yu'une. Junax mandaril awu'unic soc te jyanlum soc te mach'a ha nix slumal, xchi.

Éxodo 12:49

Junax mandaril awu'unic soc te jyanlum te nahinem ta awohlilic, xchi.

Gálatas 3:28

Mayuquix judío o griego; mayuc moso o mach'a ay ta libre; mayuc winic o ants, como junax c'ohemex ta apisilic ta scuenta Cristo Jesús.

1 Samuel 30:25

(Ta hich ora ha mandar c'oht soc hich c'ahyemic ta spasel ta Israel c'alal ora ini.)

Números 10:8

Te sts'umbal Aarón, ha te sacerdotehetic, ya yoq'uesinic te cornetahetique. Ha mandar awu'unic te ma xlaj sc'oblal ta cajalcaj ats'umbalic.

Levítico 24:22

Junax mandaril yu'un te jyanlum soc te mach'a slumal nix. Ho'on, Jehovahon, Dioson awu'unic, xchi.

Éxodo 12:43

Te Jehová hich la yalbe te Moisés soc te Aarón: Ha te ley ini scuenta te Pascua: Mayuc jtuhluc jyanlum te ya swe'.

Éxodo 12:24

Ya me apasulanic soc te cajalcaj bahel ats'umbalic scuenta mandaril te ma xlaj sc'oblal.

Éxodo 12:14

Te c'ahc'al ini ha sna'ojibal awu'unic ya xc'oht, ya me apasic scuenta q'uin ta stojol Jehová ta cajalcaj ats'umbalic bahel; ha mandaril te ma xlaj sc'oblal.

Colosenses 3:11

Tey mayuc griego o judío, teme yich'oj circuncisión o ma ba yich'oj circuncisión, bárbaro o jyanlum, moso o mach'a libre ay, ha nax ay sc'oblal stuquel te Cristo soc te ay ta co'tantic jpisiltic.

Números 18:8

Te Jehová la yalbe xan te Aarón: La jca'batix acuentahin te mahtaniletic cu'un. Spisil te ch'ul mahtaniletic ya ya'bonic te snich'nab Israel la jca'bat soc anich'nab, ha te bin yac awich'ic hilel, ha mandaril te ma xlaj sc'oblal.

Números 15:14

Teme ay jyanlum te ya sjoquinex o mach'ayuc a te ya xnahin ta awohlilic ta cajalcaj ats'umbalic bahel, teme ya yac' chic'bil mahtanil scuenta sumet yic' ta stojol Jehová, hich ni me ya spas te bin ut'il yac apasic te ha'exe.

Éxodo 28:43

Ha ya slapic te Aarón soc te snich'nab te c'alal ya x'ochic bahel ta Nahilpac' Templo yu'un tahojibal, o te c'alal ya xnohpojic tal ta scajtajib ta chiq'uel mahtanil yu'un ya spas ya'tel ta ch'ul awilal, scuenta yu'un ma ba ya sta smulic te ya xchamic yu'une. Ha mandaril te stalel ya xhil ta stojol soc ta stojol te sts'umbal ta patil bahele.

Josué 8:33

Ta spisil Israel, ha te jyanlumetic soc te sts'umbal nix Israel, soc te mamaletic, jtsobawetic soc juecetic yu'unic, teq'uelic ta jujujehch te scaxahul te chapbil-c'op, ta stojol te sacerdote-levitahetic te sq'uechojic te scaxahul te chapbil-c'op yu'un Jehová. J'ohlil ay ta stojol wits Gerizim, j'ohlil ay ta stojol wits Ebal, hich te bin ut'il Moisés te a'bat yu'un Jehová la spas hilel ta mandar, scuenta yu'un ya yac'ticlambe bendición te pueblo yu'un Israel.

Ester 9:27

te judiohetic la yalic te ha costumbre ya xhil yu'unic soc sts'umbalic, soc spisil mach'atic te jun c'oht soc, te mayuc bin ora ya yihquitayic spasel te cheb c'ahc'al ini ta jujun ha'bil, hich te bin ut'il ts'ihbabil hilel.