Números 14:43 - Bible in Tzeltal Bachajón

⁴³ Como te amalequetic soc te cananeohetic tey ya xc'oht atahic a, ya me xlajex ta espada yu'unic. Ta scaj te la awihquitayic st'unel te Jehová, hich ma ba ya sjoquinex, xchi.

Bible in Tzeltal de Oxchuc y Tenejapa

⁴³ Ya me smaliyex te sts'umbal Amalec soc te cananeoetic, ya me yac'beyex guerra soc ya me smilex. Ja' yu'un te la awijq'uitay ta awo'tanic te Cajwaltic, jich ma ba sjoinejexix —xi' te Moisese.

Números 14:43 Referans Kwoze

2 Crónicas 15:2

hich loc' sta te Asa, hich la yalbe: A'iybon awa'iyic jc'op, Asa soc spisil Judá soc Benjamín: Ya me sjoquinex te Jehová teme jun awo'tan yac awac' abahic ta stojol. Teme yac alehic, ya me atahic; yan teme yac awihquitayic, ya me yihquitayex.

Números 14:25

Lec ay, te bin ut'il te amalequetic soc te cananeohetic nahinemic ta spamlej, pajel ya me suhtex bahel, ya xbahex ta jochol taquin q'uinal ta sbehlal Mar Rojo, xchi.

Números 13:29

Te amalequetic nahinemic ta sq'uinal Neguev; te heteo, jebuseo soc amorreo nahinemic ta witsiltic; te cananeo nahinemic ta ti'mar soc ta ti'ti' muc'ul-ha' Jordán, xchihic hulel.

Oseas 9:12

Teme ay ya xmuc'ub te yal-snich'nabic, ya jloq'ues ta yohlilic. ¡Ay me swocolic te c'alal ya xloc'on bahel ta stojolic!

Isaías 63:10

Pero la stoy sbahic soc la ya'be smel yo'tan te ch'ul espíritu yu'une; ha yu'un suht ta scontrahic soc ha nix la stsac sba ta guerra soc.

1 Crónicas 28:9

Soc ha'at, jnich'anat Salomón, na'a me te Dios yu'un te atate, ac'a aba ta a'batinel ta stojol ta spisil awo'tan soc ta sc'anojel awo'tan; como te Jehová ya yilbe yo'tanic spisilic soc ya sna' spisil te bintic ya snopic ta yo'tanic. Teme yac ale, yac ata ta lehel; yan teme yac awihquitay, ha ya sch'ayat hilel sbahtel q'uinal.

Jueces 16:20

Awon yan buelta te Dalila: ¡Sansón, taliquix te filisteohetic! xchi. Wihc' sit te Sansón, la yal ta yo'tan: Ya xloc'on bahel hich te bin ut'il te yan buelta, xchi. Pero ma ba la sna' te ihquitaybilix yu'un te Jehová.

Deuteronomio 28:25

Te Jehová ya me yac' te ya stsalat te acontra; ta ch'ix nax be ya xloc'at bahel ta ya'beyel guerra, ta huc-ch'ix be ya me x'ahnat bahel ta stojolic; xiweltic aba ya xc'ohat ta stojol spisil te nacionetic ta bahlumilal.

Levítico 26:17

Ya jcontrahinex, yac awich'ic ehchentesel yu'un te acontrahique. Ya ya'batinex te mach'atic ya sp'ajex, soc ya xloq'uex ta ahnel aunque mayuc mach'a ya snutsex.

Números 14:42

Ma me xmohex bahel, como ma ba ay ta awohlilic te Jehová; ma me xlajex ta stojol te acontrahique.

Números 14:44

Pero la yaq'uic fuersa te ya xmohic bahel ta ba wits, pero te scaxahul te chapbil-c'op yu'un Jehová soc te Moisés ma ba loq'uic bahel ta campamento.

Josué 7:12

Ha scuentahil te ma xhu' ya stsalic te scontra te snich'nab Israel, te ha ya xloq'uic ta ahnel ta stojol te scontra, como ha'ic nix parte ac'biliquix ta scuenta lajel. Ma ba ya joquinexix teme ma ba yac alajin ta awohlilic te bintic parte ac'bil ta scuenta lajel.

Josué 22:15

C'alal c'ohtic ta banti ay te sts'umbal Rubén, Gad soc te j'ohlil sts'umbal Manasés ta sq'uinal Galaad, hich la yalbeyic:

Salmos 44:10

La awac' suhtotcotic ta stojol te contracotic, ya yelc'ambotcotic jbilucotic te mach'atic ya sp'ajotcotique.