Números 14:42 - Bible in Tzeltal Bachajón

⁴² Ma me xmohex bahel, como ma ba ay ta awohlilic te Jehová; ma me xlajex ta stojol te acontrahique.

Bible in Tzeltal de Oxchuc y Tenejapa

⁴² Ma me xbaex xan, melel ma ba ya sjoinex bael te Cajwaltique. Te acontro ya me stsalex.

Números 14:42 Referans Kwoze

Deuteronomio 1:42

Pero la yalbon te Jehová: Halbeya: Ma me xbahex soc ma me xawaq'uic guerra, como ma ba ayon ta awohlilic; scuenta yu'un ma ba ya stsalex a te acontrahique, xchi.

Josué 7:12

Ha scuentahil te ma xhu' ya stsalic te scontra te snich'nab Israel, te ha ya xloq'uic ta ahnel ta stojol te scontra, como ha'ic nix parte ac'biliquix ta scuenta lajel. Ma ba ya joquinexix teme ma ba yac alajin ta awohlilic te bintic parte ac'bil ta scuenta lajel.

Josué 7:8

¡Ay, Cajwal! ¿bin ya cal yo'tic, te bin ut'il te Israel la yac' spat ta stojol te scontrahique?

Números 14:43

Como te amalequetic soc te cananeohetic tey ya xc'oht atahic a, ya me xlajex ta espada yu'unic. Ta scaj te la awihquitayic st'unel te Jehová, hich ma ba ya sjoquinex, xchi.

Deuteronomio 31:17

Ha yorahil a te ya xtihl hahchel sc'ahc'al co'tan ta stojolic; ya me jch'ayic ta co'tan, ya jnac' jsit ta stojolic, hich me ya xlajic. Ya me xtal bayel swocolic soc mel-o'tan ta stojolic, ha me yorahil a te hich ya yalic: ¿Ma bal ha'uc yacon ta wocol yu'un te ma ba sjoquinejonix te Dios cu'un? xchihic.

Jueces 16:20

Awon yan buelta te Dalila: ¡Sansón, taliquix te filisteohetic! xchi. Wihc' sit te Sansón, la yal ta yo'tan: Ya xloc'on bahel hich te bin ut'il te yan buelta, xchi. Pero ma ba la sna' te ihquitaybilix yu'un te Jehová.

2 Crónicas 15:2

hich loc' sta te Asa, hich la yalbe: A'iybon awa'iyic jc'op, Asa soc spisil Judá soc Benjamín: Ya me sjoquinex te Jehová teme jun awo'tan yac awac' abahic ta stojol. Teme yac alehic, ya me atahic; yan teme yac awihquitayic, ya me yihquitayex.

Salmos 89:43

La alajimbe ye te espada yu'un, ma ba la acoltay ta guerra.