Números 14:34 - Bible in Tzeltal Bachajón

³⁴ Hich te bin ut'il halajex cha'winic (40) c'ahc'al ta stsahtayel te q'uinale, hich nix yac atojic te amulique: cha'winic (40) ha'bil, jujun ha'bil ya xc'oht te jujun c'ahc'ale. Hich yac ana'ic a te castigo cu'une.

Bible in Tzeltal de Oxchuc y Tenejapa

³⁴ Ja'ex cha'winic (40) c'aal jalajex ta stsajtayel te q'uinale, jich nix me ya awich'ic castigo cha'winic (40) ja'wil, jujun ja'wil me ya xc'ot te jujun c'aale. Jich me ay ta na'el a te ma lecuc te mach'a ya scontroinone”, uta me.

Números 14:34 Referans Kwoze

Ezequiel 4:6

Te c'alal ya sts'acay awu'un, ya me acha'ts'ehan xan aba ta wa'el, ya me awich'be smul te sna Judá cha'winic (40) c'ahc'al, jujun c'ahc'al scuenta jujun ha'bil.

Números 13:25

Te c'alal ts'acay cha'winic (40) c'ahc'al stsahtaybelic a te q'uinal, suhtic talel.

Daniel 9:24

Chapal lajuneb schanwinic (70) semana ya xc'ax yu'un te alumal soc te ch'ul pueblo awu'un, yu'un ya xlaj te sc'axuntayel mandar, yu'un ya xlaj te mulil soc yu'un stojel mulil, yu'un ya yich' talel te bin stojil ta pasel te stalel ya xhil, yu'un ya yich' sello te nahalsitil soc te sc'op-jalwanej, soc yu'un ya yich' ch'ultesel te Mero Ch'ul Awilal.

Hebreos 4:1

Ha yu'un, te bin ut'il cuxul to te bin yaloj ta jamal, te ya xhu' ya x'ochotic te banti ay te cux-o'tanil yu'une, ac'a jtsahtay jbahtic te ma me ayuc mach'a ma ba ya sta sc'ohel.

Salmos 95:10

Cha'winic (40) ha'bil ilinon ta stojol te jcaj ts'umbalil, hich la jcal: Ha pueblo te ya xhowij yo'tanic, ma ba sna'beyejic sba te behetic cu'une.

2 Crónicas 36:21

scuenta yu'un ya xc'oht ta pasel te bin yaloj te Jehová ta scuenta Jeremías, ha to c'alal ts'acay te yorahil te ya scux yo'tan te q'uinale. Te q'uinal la scux yo'tan te jayeb ora jihnem, ha to c'alal c'ax te lajuneb schanwinic (70) ha'bil.

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.

Apocalipsis 11:3

Ya calbe te cheb testigohetic cu'un te ya me xc'opojic ta sc'op-jalwanej oxbahc' soc oxwinic (1,260) c'ahc'al, slapojic pac' yu'un mel-o'tan a, xchi.

Zacarías 11:10

Patil la jtsac te jnahbate' Yutsil-o'tanil sbihil, la jwac', hich la jihn te chapbil-c'op te la jchap soc spisil te nacionetique.

Ezequiel 14:10

Schebalic ya me yich'ic castigo; como te bin yilel smul te mach'a ya sjoc'oy, hich nix yilel smul te jalwanej,

Salmos 105:42

como la sna' te sch'ul c'op te yaloj ta stojol te Abraham te a'bat yu'une.

Salmos 77:8

¿Jc'axel bal lajem te sc'uxul yo'tan? ¿Jc'axel bal lajemix sc'oblal te bin yaloje?

Salmos 38:4

Ts'ahmal q'uinal ya ca'iy yu'un te muliletic cu'un, mero al ta cuchel ya ca'iy.

1 Reyes 8:56

¡Bayel me yutsil te Jehová te la yac' lahmajuc q'uinal ta stojol te pueblo Israel yu'un, hich te bin ut'il yaloj! Mayuc ch'ay jp'ahluc yu'un spisil te bin yaloj ta scuenta te ya'bat Moisés.

Números 18:23

Te levitahetic ha nax stuquelic ya spasic te a'tel ta Nahilpac' Templo yu'un tahojibal, soc ha ay ta scuentahic te bin mulil ya xc'oht ta scuentahique. Ha mandaril te ma xlaj sc'oblal yu'un te ats'umbale. Mayuc q'uinal ya yich'ic ta yohlil te snich'nab Israel.

Levítico 20:19

Ma me xwayat soc te swix o yihts'in te anan, o te swix o yihts'in te atat, como la abohlobtesbe sc'oblal mach'a ma yanuc parte yu'un, ya me scuch smulic.

Hechos 13:18

Ay wan cha'winic (40) ha'bil te cuhch yu'un te Dios te bin yilel stalelic te c'alal ayic ta jochol taquin q'uinal.

Deuteronomio 2:7

Como te Jehová te Dios awu'unic ya'beyejex bendición a ta spisil bintic apasojic; sna'oj te yaquex ta behel ta muc'ul jochol taquin q'uinal ini. Te cha'winic (40) ha'bil ini sjoquinejex te Jehová te Dios awu'unic, mayuc bin la spasex falta.

Ezequiel 4:5

La ca'bat jun c'ahc'al scuenta jujun ha'bil te smulique: ha lajuneb sbalunlajunwinic (390) c'ahc'al; hich yac awich'be smul te sna Israel.

Números 32:13

Tihl yilimba Jehová ta stojol Israel, hich la ya'be sbehentayic te jochol taquin q'uinal cha'winic (40) ha'bil, ha to c'alal mayuquix mach'a cuxul hil te chopol bin la spasic ta stojol Jehová.

Josué 14:10

Yo'tic, hich te bin ut'il la yal te Jehová, la yac' te ya scuxajon ho'eb yoxwinic (45) xan ha'bil, c'alal te bin ora hich halbot yu'un Jehová te Moisés, te c'alal yac ta behel ta jochol taquin q'uinal a te Israel. Ta ora ini ayix ho'eb yo'winic (85) ca'bilal.

Ezequiel 23:35

Ha yu'un hich yaloj te Jehová, te Ajwalil: Te bin ut'il la ach'ayon ta awo'tan soc la awalac'patiyon, ha yu'un ya me awil awocol yu'un te castigo yu'un te bin chopol la amulan soc te la awac' aba ta antsinel, xchi.

Oseas 9:12

Teme ay ya xmuc'ub te yal-snich'nabic, ya jloq'ues ta yohlilic. ¡Ay me swocolic te c'alal ya xloc'on bahel ta stojolic!