Números 14:33 - Bible in Tzeltal Bachajón

³³ Te awal-anich'anic, ha jcanan-tuminchij ya xc'ohtic ta jochol taquin q'uinal cha'winic (40) ha'bil; ha'ic ya scuchbeyex te atoybahilic ha to c'alal ya xcham abaq'uetalic ta jochol taquin q'uinal.

Bible in Tzeltal de Oxchuc y Tenejapa

³³ Te anich'nabic melmonel ya xbeenic ta jochol taquin q'uinal cha'winic (40) ja'wil. Jich ya stojbat te ma junuc awo'tanic te ja'exe, ja' to chican ya xlajex jilel li' ta jochol taquin q'uinal to.

Números 14:33 Referans Kwoze

Ezequiel 23:35

Ha yu'un hich yaloj te Jehová, te Ajwalil: Te bin ut'il la ach'ayon ta awo'tan soc la awalac'patiyon, ha yu'un ya me awil awocol yu'un te castigo yu'un te bin chopol la amulan soc te la awac' aba ta antsinel, xchi.

Números 32:13

Tihl yilimba Jehová ta stojol Israel, hich la ya'be sbehentayic te jochol taquin q'uinal cha'winic (40) ha'bil, ha to c'alal mayuquix mach'a cuxul hil te chopol bin la spasic ta stojol Jehová.

Salmos 107:40

Dios ya yihlay te príncipaletic soc ya yac' te xyahl xmo ya xbehenic ta jochol taquin q'uinal te mayuc behetic tey a.

Deuteronomio 2:14

Te jayeb ha'bil loc'otic hahchel ta Cades-barnea ha to c'alal sohlotic ta uc'um Zered, waxaclajuneb scha'winic (38) ha'bil, ha to c'alal chamic ta campamento spisil te winiquetic te ya yaq'uic guerra, hich te bin ut'il jc'axel halbotic ta jamal yu'un Jehová.

Oseas 9:1

Ma me tse'eluc awo'tan, Israel, ma me xwihlat yu'un stse'elil awo'tan hich te bin ut'il yantic nacionetic; awa'iyej antsiwej te bin ut'il la awihquitay hilel te Dios awu'une. La amulan te stojol j'antsinel ants ta spisil yawil smajojibal trigo.

Salmos 107:4

Ay howiyic ta behel ta jochol taquin q'uinal, ma ba la stahbeyic sbehlal junuc pueblo te banti ya xhu' ya xnahinic.

Josué 14:10

Yo'tic, hich te bin ut'il la yal te Jehová, la yac' te ya scuxajon ho'eb yoxwinic (45) xan ha'bil, c'alal te bin ora hich halbot yu'un Jehová te Moisés, te c'alal yac ta behel ta jochol taquin q'uinal a te Israel. Ta ora ini ayix ho'eb yo'winic (85) ca'bilal.

Deuteronomio 1:3

Ta cha'winic (40) ha'bil, ta sba c'ahc'alil yu'un te sbuluchebal (11) u, te Moisés la yalbe ya'iyic te snich'nab Israel spisil te bintic halbot yu'un Jehová;

Números 33:38

Ta scuenta smandar Jehová, te sacerdote Aarón mo bahel ta wits Hor, tey cham a ta sba c'ahc'alil yu'un te yo'ebal u ta scha'winic (40) ha'bil sloq'uelic tal ta sq'uinal Egipto a te snich'nab Israel.

Números 5:31

Te winic ma me ayuc smul ya xc'oht, pero te antse ya me scuch smul stuquel, xchi.

Hechos 7:36

Ha te la sloq'ues tal te israeletic ta sq'uinal Egipto, ta banti la spas jchahp a'teliletic soc señahiletic, soc nix ta Mar Rojo soc cha'winic (40) ha'bil ta jochol taquin q'uinal.

Éxodo 20:5

Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

Deuteronomio 2:7

Como te Jehová te Dios awu'unic ya'beyejex bendición a ta spisil bintic apasojic; sna'oj te yaquex ta behel ta muc'ul jochol taquin q'uinal ini. Te cha'winic (40) ha'bil ini sjoquinejex te Jehová te Dios awu'unic, mayuc bin la spasex falta.

Deuteronomio 8:2

Ya me ana' spisil te be banti la yic'at tal te Jehová te Dios awu'un te cha'winic (40) ha'bil ta jochol taquin q'uinal yu'un la ya'bat apehc'an aba, la yilbat awo'tan, yu'un hich ya sna' a te bin ay ta awo'tan, teme yac apas o ma ba yac apas te mandariletic yu'une.

Deuteronomio 8:4

Ma ba laj ac'u' apac' soc ma ba siht' awoc te cha'winic (40) ha'bil ini.

Deuteronomio 29:5

Ayix cha'winic (40) ha'bil te quic'ojex ta behel ta jochol taquin q'uinal; ma ba lajem ac'u' apaq'uic soc ma ba lajem atepic.

Josué 5:6

Como te snich'nab Israel behenic cha'winic (40) ha'bil ta jochol taq'uin q'uinal ha to c'alal cham spisil te winiquetic te ya xhu' ya yaq'uic guerra te loq'uic tal ta Egipto. Chamic ta scaj te ma ba la sch'uhumbeyic sc'op te Jehová. Ha yu'un la yal ta jamal te Jehová te ma ba ya ya'be yilic te q'uinal te la yalbe ta jamal te sme'static te ya ya'be, ha te q'uinal ta banti ya x'oquin leche soc chab.

Salmos 78:33

Ha yu'un Dios la slajimbe te sc'ahc'alel scuxlejalic hich te bin ut'il sahb ye, la slajimbe te ha'biletic yu'unic ta scuenta bayel xiwel.