Números 14:29 - Bible in Tzeltal Bachajón

²⁹ Ya xlaj hilel abaq'uetalic li' ta jochol taquin q'uinal ini, spisil te mach'atic la yich'ic ahtayel te ay jtahb (20) ya'bilal bahel te la scontrac'optayonic.

Bible in Tzeltal de Oxchuc y Tenejapa

²⁹ Spisilic te mach'a muq'uic te ay jtab ya'wilal te ochemic ta censo te la sbolc'optayone, ya me xlajic. Te sbaq'uetalique ya xjilic ta jochol taquin q'uinal.

Números 14:29 Referans Kwoze

Números 1:45

Spisil te snich'nab Israel, te jujuchahp sna te statique, te mach'atic stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra ta Israel,

Hebreos 3:17

Soc ¿mach'atic a te ilinem Dios ta stojolic cha'winic (40) ha'bil? ¿Ma bal ha'uc te mach'atic la sta smulic, te hil sbaq'uetalic ta jochol taquin q'uinal?

Números 26:64

Ta spisilic ini mayuc jtuhluc te ma ba la yich'ic ahtayel yu'un Moisés soc te sacerdote Aarón te c'alal la yahtayic te snich'nab Israel ta jochol taquin q'uinal Sinaí,

1 Corintios 10:5

Pero ay tsobolic te ma lecuc yo'tan Dios yu'unic, ha scuentahil tey chamic hilel ta jochol taquin q'uinal a.

Judas 1:5

Ya jc'an ya ca'beyex xan ana'ic, aunque ana'ojic nix a, te Cajwaltic te c'alal la scoltayix loq'uel ta Egipto a te pueblo yu'un, patil la slajin te mach'atic ma ba ch'uhunot yu'une.

Números 1:46

ay ho'lajuneb schanwinic ta pic soc lajuneb swaxacwinic sbalunbahc' (603,550).

Deuteronomio 2:14

Te jayeb ha'bil loc'otic hahchel ta Cades-barnea ha to c'alal sohlotic ta uc'um Zered, waxaclajuneb scha'winic (38) ha'bil, ha to c'alal chamic ta campamento spisil te winiquetic te ya yaq'uic guerra, hich te bin ut'il jc'axel halbotic ta jamal yu'un Jehová.

Josué 5:6

Como te snich'nab Israel behenic cha'winic (40) ha'bil ta jochol taq'uin q'uinal ha to c'alal cham spisil te winiquetic te ya xhu' ya yaq'uic guerra te loq'uic tal ta Egipto. Chamic ta scaj te ma ba la sch'uhumbeyic sc'op te Jehová. Ha yu'un la yal ta jamal te Jehová te ma ba ya ya'be yilic te q'uinal te la yalbe ta jamal te sme'static te ya ya'be, ha te q'uinal ta banti ya x'oquin leche soc chab.

Salmos 78:33

Ha yu'un Dios la slajimbe te sc'ahc'alel scuxlejalic hich te bin ut'il sahb ye, la slajimbe te ha'biletic yu'unic ta scuenta bayel xiwel.

Ezequiel 20:38

ya jloq'uesbeyex ta awohlilic te jtoybahetic soc te mach'atic la stoy sbahic ta jtojol; ya jloq'ueslan ta q'uinal banti c'axel nax ayic, pero ma ba ya x'ochic bahel ta sq'uinal Israel. Ya me ana'ic te ho'on Jehovahon.

Números 26:65

como te Jehová hich la yalbe sc'oblal: Ya me xchamic hilel ta jochol taquin q'uinal, xchi. Mayuc jtuhluc hil yu'unic, ha nax te Caleb snich'an Jefone, soc te Josué snich'an Nun.

Salmos 106:26

Ha yu'un la stoy mohel sc'ab ta yalel ta jamal te ya yac' lajuquic hilel ta jochol taquin q'uinal,