Números 14:14 - Bible in Tzeltal Bachajón

¹⁴ soc ya me yich' halbeyel ta stojol te mach'atic nahinemic ta q'uinal ini, te ya'iyejiquix te ha'at, Jehová, ayat ta yohlil te pueblo ini, te awac'oj aba ta ilel ta sitil, Jehová, soc te axintesbilic ta tocal awu'un, te ya xnahilijat bahel yu'unic ta bahlal tocal ta c'ahc'alel soc ta bahlal c'ahc' ta ahc'abal.

Bible in Tzeltal de Oxchuc y Tenejapa

¹⁴ ya me xba yalbey yaiyic te yajwal te sq'uinal Canaán. Melel yaiyojic te ay ta alel te ja'at Cajwal, te ayat ta yolilic, te awac'oj aba ta ilel ta stojolic, te axintesbilic ta tocal awu'une. Ta c'aaleltic ya xneelajat bael yu'unic ta balal tocal, soc ta ajc'ubal ya xneelajat bael yu'unic ta balal c'ajc'.

Números 14:14 Referans Kwoze

Éxodo 15:14

Ya me ya'iyic te pueblohetic, ya xnihquic yu'un; ya x'u'untayot yu'un sc'uxul xiwel te filisteohetique.

Deuteronomio 5:4

Ta mero asitic la sc'oponex te Jehová ta wits ta yohlil te c'ahq'ue.

Éxodo 33:11

Te Jehová ya snuhp'in sba ta c'op soc Moisés, hich te bin ut'il mach'a ya xc'opoj soc te smohlole. Patil te Moisés ya suht bahel ta campamento, yan te jcolel winic Josué snich'an Nun, te a'bat yu'un, ma ba ya yihquitay hilel te Nahilpac' Templo.

San Juan 1:18

Mayuc mach'a yiloj te Diose, pero te hip jtuhl Snich'an te jun ay soc te Tatil, ha la yac' ta na'beyel sba.

Salmos 78:14

Ta c'ahc'alel la stojobteslan bahel ta tocal, ta sjunal ahc'abal ta sts'anabul c'ahc'.

Nehemías 9:19

ha'at, ta scuenta bayel sc'uxul awo'tan, ma ba la apihteslan ta jochol taquin q'uinal. Te bahlal tocal ma ba la spihteslan ta c'ahc'alel yu'un ya stojobteslan ta be, soc ta ahc'abal ma ba pihtesotic yu'un te bahlal c'ahc' yu'un ya sacubtesbe q'uinal yil te be te banti ya xbahtique.

Nehemías 9:12

Ta bahlal tocal la atojobteslan ta c'ahc'alel, soc ta bahlal c'ahc' ta ahc'abal, scuenta yu'un yac asacubtesbe sbehic te banti ya xbahtic.

Josué 5:1

Spisil te ajwaliletic yu'un te amorreohetic te ayic ta stojol smahlib c'ahc'al yu'un te muc'ul-ha' Jordán, soc te ajwaliletic yu'un te cananeohetic ta nopol mar, c'alal la ya'iyic bin ut'il Jehová la staquijtes te ya'lel Jordán ta stojol te snich'nab Israel ha to c'alal sohlic bahel, laj yip yo'tanic soc och bayel xiwel ta yo'tanic ta stojol te snich'nab Israel.

Números 12:8

Ya jsitin jba ta c'op soc, jamal ya jc'opon, ma ha'uc ta scuenta muquen c'op; soc ya yil bin yilel te Jehová. ¿Bin yu'un hiche te ma ba yac axi'ic te yac acontrac'optayic te ca'bat Moisés? xchi.

Números 10:34

Te tocal yu'un Jehová la yaxintes bahel ta c'ahc'alel te snich'nab Israel te c'alal hahchic ta behel.

Éxodo 40:38

Como te tocal yu'un Jehová ay ta sba te Nahilpac' Templo ta c'ahc'alel, soc ta ahc'abal ay c'ahc' ta sba, te chican ta ilel yu'un spisil te snich'nab Israel te jayeb c'ahc'al behenique.

Génesis 32:30

Te Jacob la ya'be sbihilin Peniel te lugar, como la yal: La jquilbe sit yelaw te Diose, pero cuxul hilon, xchi.

1 Corintios 13:12

Ta ora ini yaxinal nax ya quiltic ta espejo; pero ta patil ya me quilbetic sit ta jsitic nix. Ta ora ini ma ba ts'acal jna'oj; pero ta patil ya me jna'be sba hich te bin ut'il ya sna'bon jba.

San Juan 14:9

Halbot yu'un te Jesús: Ayix ora joquimbelex, ¿ma to xana'bon jba, Felipe? Te mach'a yilojonix, ha nix yilojix te Tatile. ¿Bin yu'unix a hiche te hich yac awal: Ac'a quilcotic te Tatil, te xchihate?

Salmos 105:39

Dios la slim bahel tocal scuenta smahquilic, soc la yac' c'ahc' yu'un ya sacubtes q'uinal ta ahc'abal.

Deuteronomio 34:10

Mayuc yan jalwanej yu'un Dios chicnaj ta Israel hich te bin ut'il Moisés, te mach'a na'bot sba yu'un Jehová ta sit nix;

1 Juan 3:2

Ha'ex te c'uxex ta co'tan, yo'tic yal-snich'anotiquix te Diose, soc ma to chicanuc bin quileltic ya xc'ohotic; pero jna'ojtic te c'alal ya xchicnaj tal te Cristo, pajal quileltic soc Cristo ya xc'ohotic, yu'un ya me quiltic bin mero yilel stuquel.

Éxodo 33:16

¿Bin ut'il ya xchicnaj teme lec c'ohemon ta atojol soc te pueblo awu'une? ¿Ma bal ha'uc ya xchicnaj yu'un te ha'at yac ajoquinon bahel, soc te bin ut'il te ho'on soc te pueblo awu'un parte ac'bilotcotic ta yohlil spisil te yantic pueblohetic ta swohlol bahlumilal? xchi.

Deuteronomio 1:19

Loc'otic tal ta Horeb, la jbehentaytic spisil te xiweltic sba muc'ul jochol taquin q'uinal te awilojic, ta sbehlal te witsiltic yu'un amorreohetic, hich te bin ut'il la spasotic ta mandar te Jehová te Dios cu'untic, hich c'ohotic ta Cades-barnea.

Deuteronomio 5:24

hich la yalbonic: Ilawil, te Jehová te Dios cu'untic la yaq'uix quiltic te yutsilal soc te smuc'ule, soc la jca'iybetiquix sc'op te loc' tal ta yohlil te c'ahq'ue. Yo'tic quilojtiquix te Jehová ya sc'opon ants-winic, soc ma ba ya xcham yu'un.